• PDF fitxategia
  • Inprimatu

2 000 euro eta izenaren debeküa

Ezker-esküin : Jean-René Etxegarai, Mixel Berhokoirigoin, Joseph Montier eta Corinne LepageAtzo (barantailaren 18) Paueko auzitegian, aküsazioko abokatü nagusiak 2 000 euroko isüna eta izenaren debeküa galtatü dü Eüskal Herriko Laborantxa Ganbararen (EHLG) kontre. Baionako auzitegian iragan zen lehen auzian EHLG xuritütik izan bazen ere, prefetak dei egin zeion ordünko erabakiari eta atzoko auzian bi aipagei baziren : alkartearen izena bera eta bere eginkizüna. Bena auzian, bereziki izena eta bere frantsesezko ützülpena dira aipatürik izan. Gehitü beharko dügü azkenik EHLGren aldeko lekükoen artean xiberotar bat bazela, Jean Foirien, laborantxan plantatü zelarik alkartearen lagüntza üken züala erraiteko. Deliberoa maiatzaren 6an emanik izanen da.

Entzün Ttale Ouret artzaina :

Entzün Gerard Onesta, europar parlamentüko lehendakari-orde ohia :

Entzün Philippe Martin, Gers departamentüko kontseilü nagusiko lehendakaria :

Entzün Adolfo Muñoz, ELA sindikateko ordezkaria :

Entzün Mixel Etxebest, Mauleko aüzapeza :


Ikus auzitik landa filmatü dügünarekin egin bideoa :

JavaScript is disabled!
To display this content, you need a JavaScript capable browser.

Comments (1)
  • PDF fitxategia
  • Inprimatu

Berri Txarrak Pagolan

Ostirale hontako beste hitzordüa dügü hau. Ozke xiberotar taldea ariko da lehenik Pagolako herriko gelan, eta ondotik Berri Txarrak talde ezagüna. Segi gazte erakundeak dü kontzertü hau antolatzen, Gazteria Aitzina deitü kanpainaren baitan. Goizik heltzen direnek pintxoak ükenen dütüe, trikitilariekin.
Txomin Catalogne Segiko kidearekin mintzatü gira kontzertü honen iragarteko, eta paradaz baliatü gira aste hontako beste berri baten aipatzeko. Baionako auzitegiak Segiko hiru kide epaitü dütü bandera frantsesak elkitzeagatik. Kondena bat balitz, martxoan ezagütüko litzateke.
Entzün Txomin Catalogne epaiketaz mintzo :

Oraikoan entzün Pagolako kontzertüaz mintzo :

Entzün Gorka, Berri Txarrak taldeko kantaria :

Eta ikus azken diskaren izena düan kantorearen bideoa, Payola :

JavaScript is disabled!
To display this content, you need a JavaScript capable browser.

Comments (1)
  • PDF fitxategia
  • Inprimatu

Zirko gaüaldia Onizepean

Mauleko kültür sailak, kontseilü nagusiko sos lagüntza berezi bat dela medio, aurtenko ikusgarri zonbait Mauletik kanpo eramanen dütüe. Ostirale hontako (barantailaren 19) zirko gaüaldia horietarik da, Onizepeko denen gelan izanen beita. Lehen partean Italiatik jin Manoviva taldearen txontxongiloak edo marionetak dirateke, familia batek joanarazirik. Hortarik landa berriz, trapezio bikote gisa aurkeztürik den emazte bakar bat ariko da.
Bi parteen aurkezpena egin deigü Mauleko kültür teknikalaria den Christelle Mangek :


Sartze bat irabazten ahal düzüe artikülü hontako oharretan galto honi ihardestez : Onizepeko gelak berezitarzün bat badü. Zoin da ?
Joküan parte hartzeko züen egiazko mail helbidea idatz (gük baizik ez dügü ikusiko).
Manoviva taldearen lan baten bideoa ikus :

JavaScript is disabled!
To display this content, you need a JavaScript capable browser.

Comments (2)
  • PDF fitxategia
  • Inprimatu

Pirineoetako hura XXI. mentean

Hurarekin Xiberoan diren arrenkürak ez dira besteer konparatzen ahal. Heben hura küdeatzen düen egitüra ezberdinen artean huraren küdeaketaz ala prezioaz eztabaidatzen delarik, beste güne zonbaitetan agortzen da. Hala, düala urte zonbait, Kataluniako herri zonbait -Barzelona artean- hurrik gabe baratü ziren. Hurra kantitate handian jinarazi behar izan züen eta pagatzez. Hortik abiatzen da Christophe de Pradak plazaratü berri düan dokümentala, "L'eau des pyrénées, un conflit pour le 21ème siècle?", eta Amikuze ere aipatzez artetik.
Entzün Christophe de Prada :

Ikus bideoaren aurkezpen hau :

JavaScript is disabled!
To display this content, you need a JavaScript capable browser.

Eta DVDa edo DVXa erosteko, klika heben.

Comments (1)
  • PDF fitxategia
  • Inprimatu

NPAren zerrendan hiru xiberotar

Ezkerretik esküinealat : Corinne Libeault, Philippe Lartigue, Pedro Carrasquedo eta Françoise Carrasquedo.Philippe Lartigue, Corinne Libeault eta Françoise Carrasquedo xiberotarrak alderdi antikapitalista berriaren (NPA) zerrendan dira eskualdeko haüteskundeentako. Alderdi berri horren ildoa argi da eta bere izenak ere ontsa agertzen dü. Maulen iragan astean egin aurkezpenean, bereziki bi ideia aipatürik izan dira. Batetik, zerbütxü püblikoen defentsa aipamen berezi batekin postarentako, salatzez herri hanitxetan sasi zerbütxü püblikoa baizik ez düela, agentzia bat ez beita, beren iritziz, hüilanik ere posta bülego bat. Beste aipamen bat üken züan ere Gamere-Zihigako eskolaren zerratze deliberoak, sinbolotik hürrünago joaitez, NPAko kideen ustez hortarik landa eskola hanitx zerratürik izanen beita Xiberoan, errentagarritarzünaren izenean.
Beste alde batetik, Eüskal Herriaren autodeterminazio eskübidea aldarrikatzen düela segürtatü züan Pedro Carrasquedo, alderdiaren xiberotar botzeramaleak. Ber ildotik, Bateraren proposamenarekin bat egin düela erran deigüe.
Entzün Philippe Lartigue :

Xehetarzün haboro alderiaren web günean, heben klikatzez.

Comments (1)

Gehiago irakurri...

JPAGE_CURRENT_OF_TOTAL