• PDF
  • Imprimer

Pastorala 2063an

2013an sortüko den züjetarekin egin gei dü pastorala Gotaineko Abotia alkarteak. 2063an emanik litzateke... prefosta, erri egiteko düe iragarpen hori, ez bada eztabaidan sartzeko.
Oritaraz dezagün azken denboretan herri zonbaitek zinez aitzinetik erraiten düela, üxü prentsaren bidez, pastorala eginen düela (ikus herrien zerrenda heben klikatzez).
Entzün Mixel Etxekopar :

 

  • PDF
  • Imprimer

La Verna 2010an dener zabalik

1953an Lyonetik jin harpe-ikerzale talde batek züan atzaman San Martiko harriaren pean den leize handi hori. Atzamanik izan zenetik, xede bat beno haboro asmatürik izan zen. Horietarik bata 2006an gaüzatü züan SHEM egitürak, La Vernako hurrarekin elektrizitatea ekoiztez. Bena holako leize batek lüküan interes turistikoaz ere laster jabetü ziren leküko agintariak. Gogoan dügü orano trein bat gei züela sarrarazi mendian barna...
Oraiko xedea, Santa Grazi, Aramitze eta Eretako herriko etxean sortü SIVUak dü eraman, eta aitzinekoan beno aitzin-kontü errealistagoa da. Halere, 900 000 euro beharko dira 2010ean La Verna turister zabaltzeko. Lanak abentü hatsarrean hasiko dira, 2010eko arramaiatzan ürrentzeko, nahi bezala joaiten bada.
Entzün Albert Aguiar, Santa Graziko aüzapeza :

Lolen ahotik entzün La Vernaren historia :

La Verna hobeki ezagützeko horra bi lotüra :
Blog hau edo beste hau

 

  • PDF
  • Imprimer

Le Frichti de Fatou

Faïza Kaddour antzezleak soinülari baten lagüntzarekin ostirale hontan Maulen emanen düan antzerkiaren izenbürüa da "Le Frichti de Fatou". Bordaleko Tombés du ciel konpainiaren proposamena da, taula gainealatzeko lanak Jean François Toulousek egin dütüalarik.
Frichtia sükalte errezeta bat izanki, antzerki denboran sükaltatüko düana txestatzeko parada ere izanen da ondarrean. Antzerkiaren aurkezpena egin deigü Christelle Mange, kültür teknikalariak :
Maule Baitha zinema gelan izanen da ostirale hontan gaüko 9 orenetan. Leküak aitzinetik hartzen ahal dira Mauleko herriko etxean.

  • PDF
  • Imprimer

9 kanporaketa Idiart segagian

Bildozeko Idiart segagiako züzendaritzak bederatzü langile kanporatüko dütü bi hilabeteko "préavis" delakoa eman ondoan. Zurraren indüstria ere hunkitzen dü ekonomiaren kinka gaitzak. Haatik ogendüna ez da Landesetako pinoak egotxi zütüan tenpesta, zeren eta Bildozeko segagian haritzez eta egür exotikoez egiten dütüe bürdinbideetako zeiharkak besteak beste.

Argibideak eman deizkü Idiartenean CGTko ordezkari den Alain Ordunak :
Asteazken hontan (azaroaren 25), kanporaketak formalizatü aitzineko alkarrizketak eginen dütü züzendaritzak langileekin. Erran deigüenaz, enpresan azkenik sartü direnak dira lehenik kanporatürik izanen. Alain Ordunak berriz, ordezkari sindikalista gisa beste gisako elkibide bat proposatzen dü : adinekoekin elestatüko da galtatzeko ez düenez beren ogüz joan nahi, leküa gazteagoer üzteko.
Entzün Alain Orduna :

  • PDF
  • Imprimer

Gatuzain topaketak, Urdiñarben

Gatuzain argitaletxeak Xiberoko kültüraren geroaz eztabaidatzea proposatzen dü. Aitzineko lau hitz-ordüetan egin bezala, Gatuzainekin libürü bat argitaratü düen idazleak bildüko dira Urdiñarben, beren iritzia eman eta jenteekin eztabaidatzeko. Xiberoko geia, erran bezala hau da : "Xiberoko kültüra, nolako geroa ?". Ikuspegi ezberdinetarik ariko dira ihardesten Nicole Lougarot (Bohémiens), Robert "Pipas" Larrandabürü (Xiberoa, mendia eta kültüra) eta Hélène Etchecopar Etchart (Théâtres basques).
Ostegünean izanen da (azaroaren 26), Bil Xokoak Urdiñarben düan egoitzan, Junuenean gaüko 8.30tan.
Aitzineko mahai-üngürüetan Espainiako gerra zibila, ipar Eüskal Herriko mugimendü abertzalea, eüskaraz idazteak edo etxebizitzak sortzen dütüan arrenkürak aipatürik izan dira. Hartzea Lopez-Arana, Gatuzain argitaletxeko kideari aitzineko eztabaiden bildüma gisako bat galtegin deiogü.
Entzün arrapostüa :

Lire la suite...

JPAGE_CURRENT_OF_TOTAL