• PDF
  • Imprimer

Arrakasta aide

400 bat jente bildü da iragan neskenegün gaüan Altzain, Ibar Aide ikusgarriaren ikusteko. Gure kasetalariak mikroa lüzatü deie so egileer, bena ikusgarria hasi gabe. Horra zer entzüten ahal zen :
So egile haboroenak herritarrak ziren, eta Aidez Aire Mauleko Jai-Alaian ikusi zirenek preziatü düe Altzaiko gelaren akustika hona. Ez zatekean halere gozagarri antzerkilariak, dantzari eta soinülariak ez balira hain ejerki ari izan.
Ikusirik nolako arrakasta bildü düan ikusgarri honek, herriko gazteer gogoa piztü zeie gela horren biziarazteko.

Ikusgarritik landa mintzatü dira Jean-Louis Aramburu eta Allande Garicoits :
Argazkien handitzeko, beti bezala, klika bakotxaren gainean. Laster artikülü hontan argazki haboro...

  • PDF
  • Imprimer

Kantore eta txalaparta Urdiñarben

Karkaila alkarteak antolatü egünaldian hogei bat haur ari izan dira txalapartan eta kantan. Pantxix Bidart Elaudi taldeko kantaria (besteak beste) izan da eramaile, eta 5 eta 8 urte arteko haurrak ziren ikasleak asteazken hontan (ürrietaren 28). Nahiz eta Pantxix Bidartek dionaz egün bat ez den aski haurrekin lana hürrün eramaiteko, eta nahiz eta adin ezberdintarzünak trabak ekarten dütüan, Urdiñarbeko gelan sartü girelarik haurrak gogotik ari ziren kantan.
Pantxix Bidart :
Haurrak :

Karkailak bi adar badütü, eta gehitüen ondoko hitzordüa azaroaren 7an izanen da, neskenegün goizean 9etarik egüerditara, Mauleko zerbütxü günean. Bi "réflexologue" jinen dira zankoetako mazajeak ontsa egiten erakastera.
Izenen emaiteko deit : 05 59 28 38 14 edo 05 59 28 83 35
Haurrentako aldiz, ondoko hitzordüa azaroaren 18an dateke Uztaro arte alkartearekin.
Peko argazkiak (eta gainekoa) handitzeko, klika bakotxaren gainean.

  • PDF
  • Imprimer

Laborariak kexü FDSEArekin

FDSEAk behi ezne ekoizleak kümitatü zütüan Aiziritzerat atzo. Bilküraren helbürüa, eznearen üngürüan sindikatak erran izan dütüanen argitzea zen. Bena agitü dena ez da FDSEAren aldekoa izan. Ehün bat laborari joan dira, bena sindikateko ardüradünen hitzengatik kexatürik, leküa hüstü düe bilküra ürrentü gabe. Haboroen aipatü dena ezne grebaren denboran FDSEAk laborariak ez süstengatü izana da... Hori beno okerrago, grebalarien kontrako hitzez mindürik agertü dira.
Hortaz gain, interprofesioan FDSEA jaun eta jabe dela kritikatürik izan da. Hargatik laborari hanitxek, ELBkoak eta APLIkoak artean, ez düe honhartzen batarzün galtoa, beste sindikatak honhartzen ez dütüan sindikatarenganik. Asteazken hontako (ürrietaren 27) bilküran zen Lole, entzün ezazüe hantik ekarri deigün soinüa :

  • PDF
  • Imprimer

Laborantxan algar etxekitzen

Algar Etxeki alkarteak urteko biltzar nagusia egin dü iragan aste-ondarrean. Emeki-emeki, laborarien ordezkatzeko sistema plantan ezarten ari dira, eta emeki-emeki, bakantzak hartzen ahal dütüe urte osoan lan egiteko partez. Alkarteak aski aisa atzamaiten dütü gazteak laborarien leküa hartzeko ; jakin behar da ere, erretretan sartürik direnak ere pagatzen dütüela besteen etxalteetan lanean aritzeko.
Entzün Laurence Domecq (argazkia), alkarteko lehendakaria :


Aitzineko soinüan entzüten ahal zen bezala, oraidanik posible da "chèque emploi" gisako batekin langile baten pagatzea. Horrentako, interesatüek beren mütüalitatearengana jo behar düe.
Azkenik, erran dezagün Algar Etxekiren kontüak zeropetik ebilten direla.
Entzün Laurence Domecq :

  • PDF
  • Imprimer

Hogei familia ondarkin berexten

Terre Verte alkartea prentsaren aitzinean agertü da aste hontan Donapaleün. Sarrikotapeko alkarteak ahal düan güzia egiten dü Bil ta Garbi sindikatak haütatü bidea okerra dela egiaztatzeko. Aipatü gabe izan ziren bilküra eta manifestaldi ezberdinak, 2008ko herrietako haüteskundeetan,Terre Verte alkarteko kide den Laurent Etcheberry aüzapez izendatürik izan zen.
Azken denboretan, Sarrikotapeko alkarteak lan berezia egin dü ondarkinen berexketaz. 20 familia haütatü dütüe, denak bolondresak, eta ondarkinak berexi eta pezatzea galtegiten zeie. Erran behar da lau familientako pezü izan dela, eta esperientzia ez jarraikitzea deliberatü düela. Haatik Terre Vertek esperientzia hau eraman hiru hilabeteen bilan baikorra egin dü aste hontan. Dio berexketa "behar bezala" egiten delarik, azkenean gure ondarkinen %11 baizik ez dela zikinontzian atzamaiten. Esperientzia honen beste alde baikorra jenteen ohidüren kanbiatzea izan dela azpimarratü düe.
Entzün Laurent Etcheberry, Sarrikotapeko aüzapeza :

Lire la suite...

JPAGE_CURRENT_OF_TOTAL