• PDF
  • Imprimer

Langile bat Mauleko zankobalu taldearentako

Patrice Metais (argazkia) da haütatürik izan Mauleko zankobalu taldearen langile izateko. SAMaren aspaldiko arrenküra zen asteazken eta neskenegün arrestiriez 18 urtez pekoen zaintzeko jentea atzamaitea. Langile berri honek, ments hori beteko dü, beste zereginak ere ükenen dütüalarik. Gazte taldeen trebazale izanen da, bai eta gehitüen talde batena ere, orai artino bezala funtsean.
Patrice Metais Pariseko eskualdetik heltü zen düala 13 urte, eta azken 11 urteetan Mauleko zankobalu taldean ebili da. Taldeko lehendakari ere izan zen urte zonbaitez. Hots, jokülari gazteentako ez da berrikuntza handia, eginen düan lanarentako pagatürik datekealaz gain.
Lanpostü hori sortü ahal izateko, SAMeko zankobalu taldeak erakunde püblikoenganik sos lagüngoa üken badü ere, bere sakolatik sos zonbait elki behar izan dütü. Horrek erran nahi dü oraitik aitzina, delako "sponcor" edo süstazale haboro atzaman beharko dütüela.
Halere, taldeko kideek dioienaz, egiazko beharrünea zen.
Entzün Jakes Jaragoieni egin deiogün alkarrizketa :
Eta Patrice Metais hobeki ezagützeko, entzün bere aurkezpena :

  • PDF
  • Imprimer

Korpitza erabilten ikasteko

Suak alkarteak Pettarran jadanik proposatzen zütüan gisa hortako ariketak haurrentako, bena aurten, Basabürüala ere badoaz. Badira bi urte Isa Larralde, alkarteko kideak, ariketa horiek proposatzen dütüala 3 eta 6 urte arteko haurrer.
Helbürüa, haurrek beren korpitza ezagützen ikasi dezen, eta ber bidetik, baliatzen ikas dezen. Asteazken hontan (setemearen 23) eginen dü sartzea Suak alkartearen sail honek Alozeko haurtzaintegian, arrestiriko 3ak eta 4ak artean.
Izenak emaiten ahal dira ala leküan berean, ala telefonoz deitzez : 06 72 93 07 87.
Xehetarzünak Isa Larralderen ahotik entzün :

  • PDF
  • Imprimer

Postako langileak greban astearte hontan

Estatü frantses osoan, bost sindikatek deitürik (Sud, CGT, CFDT, FO eta CFTC), postako langileak greban dira egün. Beharbada bat edo beste kexatüko da bere postaria edo faktürra ez beitzaio etxerat joanen egün, bena grebalariek azpimarratü nahi düe laster gütiegi izanen direla zerbütxü horren behar bezala betetzeko.
Postarentako iragarririk den estatüto berria pribatüa litzateke, eta larrazken hontan hasiko dira frantses parlamentüan proposamen horren aztertzen. Bena sindikaten erranetan, jadanik sentitzen düe züzendaritzaren politika berria : dioie azken sei hilabeteetan, Frantzia mailan, 7 500 lanpostü desagertü direla postan, eta horren ondorioz baldintzak okertü direla.
Maulen berean, 2 lanpostü galdü dütüe üda hatsarre hontan, alkarrizketatü dügün Doudou Leurgorrik erran deikünaren arabera. Ments diren langileek egiteko zütüen etxeetara joan behar da halere, eta Doudou Leurgorrik adibidez, orai artino Lanbara eta Ainharbe egiten bazütüan, Garindaineko 40 etxe haboro badütü bere turnadan. Eta aski ez balitz, züzendaritzaren partetik presione haboro sentitzen düe Mauleko langileek.
Doudou Leurgorri entzün :
Arrenküra horier aitzin egiteko beraz, alde batetik erran bezala greba egiten düe egün. Bestalde, bezero edo klientengana joan nahi dira jakiteko zer pentsatzen düen pribatizazio xede hortaz.
Doudou Leurgorri :

  • PDF
  • Imprimer

Eznea dohainik Maulen neskenegün goiz hontan

Denek badakikezüe orai ezne ekoizle haboroenak greban sartürik direla, bai Xiberoan eta bai Europa osoan ere. Ekoizleen arabera, goizean bildü eznea lürrealat urtukitzen düe ala dohainik emaiten. Azken bide hori haütatü düe Gotaineko ekoizle batek eta Barkoxeko beste batek. Dena den, eman ala urtuki, segür da delibero bortitza dela ezne ekoizle batentako. Bena beste elkibiderik ez züela dioie laborariek, ikusirik azken denboretan zer prezioetan saltzen zütüen etxeko ekoizpenak.
Azken denboretan, hanitx aipatü dügü APLI alkartea, greba hau hasi züana. Bena bestalde, ELB sindikateko laborariak ere greban dira, eta Mauleko merkatüan agertü dira eznea emaiteko. Erran bezala, bi ekoizle xiberotar baziren, bata Gotainekoa eta bestea Barkoxekoa. 

 

 

 

 

Gotaineko behi ezne ekoizlea, Madouce Araguas alkarrizketatü dügü. Alkarrizketa entzün :

  • PDF
  • Imprimer

Gamere-Zihigako eskola orano zabalik

Eskola sartzea berriz ere aipagei dügü, Gamere-Zihigako eskolan, aitetamek üda gabe hasi züen borrokari etxekitzen dioie tinko. Dakizüen bezala, eskolaren zerratzearen berri üken züenez geroztik, ikasleen aitetamek ahal düena egiten düe zabalik egon dadin.
Azken kapitülüa (oraikoz) ostirale hontakoa da, bilküra bat egin beitüe goiz hontan haütetsi hanitxekin. Ligi, Etxebarre eta Altzaiko merak, Xiberoko bi kontseilari orokorrak (Jean Pierra Mirande eta Mixel Arhançet) eta Jean Lassalle hor ziren besteak beste. Eta denek, beren süstengüa erakutsi düe.
Bilküra ondotik Battitta Ager, Gamere-Zihigako mera alkarrizketatü dügü.
Alkarrizketa entzün :
Erran bezala haütetsi hanitxen süstengüa üken düe, bena ez lüke üdüri kontseilari orokorrek ere zerbait egiten ahalko düenik eskolaren alde. Hala erran deikü Mixel Arhançetek.
Alkarrizketa entzün :

Jakin düe ere laster begistazale (edo inspektür) bat iraganen dela beren eskolatik, eta nolabait, ostiraleko mobilizazioa presioa ezarteko egin düe. Hots, erakusteko ez düela orano ere prestik eskola zerratzera üzteko. Eta lanpostü bat edo eskola zabalik egon dadin beste elkibide bat atzaman artean, jarraiki gei düe haurrak eskolatzen leküan berean, bai aitetamek eman kurtsoekin, bai ete üngürüko errejent elibaten lagüngoarekin.
Eskolako haur baten aita entzün :

Lire la suite...

JPAGE_CURRENT_OF_TOTAL