XÜXENEAN ENTZÜN

Berriak

Arzallus, Christy eta Murua bihar bertsotan ariko dira Maulen!

Urte oroz bezala, Herrira-k bertso bazkari bat antolatzen düe üztailaren 14arekin. Amets Arzallus, Ramuntxo Christy eta Xumai Murua jinen dira poteo eta bazkariaren alageratzen. Azken urteetan bezala, hitzordua 12tan date Mauleko kürütxe xurian. Hortik ostatüz ostatü joanen dira bakotxan bertsolariak libroki ariko direlarik.Trikilari ta beste müsikalariak ere hor dirate giro berotzeko. 13etarik goiti bertso bazkaria hasiko da Zinka ostatüan. Hor Xan Alkat eta Joanes Etxebarriak huntü dütüen gaien üngürüan ariko dira bertsolariak, bena behazaleek ere beren gaiaren proposatzeko parada dükie. Hitzordua ostiralean, mauleko kurutxe xurian 12tan, bertso poteoarendako edo 13etan Zinka ostatuan bertso bazkariarentako; horrentako izena eman: 06.81.63.11.45ra deituz. Xehetarzünak oro Joanes Etxebarriarekin :

Hebentik alkarteak ere egitarau berezi bat badü!

Orai dela 7 urte hasirik, aurten ere, Hebentik kültür üztargoak bere eskentza berezia eginen dü Mauleko bestetan. Bertsoak, kantak eta dantza dirateko aurtenkoan. Bertsolaritza dela eta Ramutxo Krizti eta Xumai Murua dira agertüko taulen gainiala. Kantariak aldiz Baxe Nafartarrak dirate, Xendarineko ahizpekin. Dantza dela eta, Xiberoan kantatzen diren jauziak dira proposatürik TTBB taldearen bidez. Üztailaren 14ko hitzordüa emanik, Maule-Lextarreko plazan , arratseko 8 etarik goiti…Talo eta edari ere badirateke… Mixel Etxekopar :

Aguerrian jagoiti lo egiten ahal da!

Hiru urte hontan MauleLextarre hotelik gabe egon ondoan, Agerriakoa zabaltü berri da. Mauleko hiriak erosi züan fraidetegi ohia düala urte zonbait eta erabaki jatetxe-hotel baten egitea güne hortan. Agerrian da 5.000 metra karratüko bastiza bat eta üngürüan dütüan lür pezak, laborari batek joanarazirik direnak. Orotara, 2 miliu euro kosta izan diren lanak egin dira hotel-jatetxearen egiteko. Haatik ez da dena ber denboran zabaltüko, jatetxeak larrazkena gabe ez beitütü bere bortak zabaltüko. Alain Durin da Agerriaren züzendari berria. Landesetarik horra da eta Maule-Lextarrera jin beno lehen mündüaren gainti kurritü da :

Zinka bestentako prest

Nahiz eta azken urteetan arrakasta üken düan, Zinka arraberritürik horra da Mauleko bestentako. Gela, sükaltea eta lantaldea arraberritürik izan beitira. Hortaz gain, egitarau aberatsa eskentüren düe ostegün, ostirale eta neskenegünean. Jakitekoa da sartzea beti kitorik dela, eta goizanko 5 orenetan zerratüko düela. Ostegünean: Xiberoots, eta Little Martin selektah taldeak. Ostiralean: bertso bazkaria, Amets Arzallus, Ramuntxo Krizti eta Xumai Murua bertsolariekin. Gaüaz, 10etarik aitzina, Zezenaren taldea, Eztanda eta DJ Flop Neskenegünean: Zikiroa arratseko 8 orenetarik aitzina, 10 eurotan; gero, Underzüt eta Pampa taldeak. Xehetarzünak Jon Fouchet-rekin :

Dantz'haka ikusgarriak arrakasta ejerra bildü dü!

Barkoxen, Dantz’haka ikusgarriaren lehen emanaldia 800 bat jenteek ikusi düe eta xoratürik elki dira, 50 gazteek eman düen ikusgarriaz. Dantza, kirola, kantorea, antzerkia eta bideoaren bidez, Eüskal Herriko historiaren hiru zati eman dira: Orreagako güdüka, Matalazen historia eta Gernikaren bonbardatzea. Patrick Queheillek asmatü dü ikuskizüna oro eta helbürüa züan kirolan ari direnak kültürala ekartea eta Eüskal Herriko historiaren ezagütaraztea. Arren, 8 hilabetez, 30 potiko eta 20 neskatilak lan egin düe eta emaitza izigarri hona izan da. Dantz’hakaren bigerren emanaldi bat badate, agorrilaren 4an, ostirale arratsez Barkoxen. Lekükotarzün bat eta ikusgarriaren zati zonbait entzüngei heben :

Patrick Queheille "Kanpo" :

Aurreskua :

Dolü gabe :

Eüskal Herrian gü gaude nausi :

Jeik hadi Euskadi :

Libro etxen :

Matalazen hiltzea :

Kant'haka :

Ausaz

Kronika

Emankizüna

Artxiboan