XÜXENEAN ENTZÜN

Berriak

Eskü baluak geroa badü Atarratzen

Urteko bilan aski hon bat egin dü Zibero eskü balu alkarteak ! Igaran urtean beno 40 lizentziadün haboro dütüe, orotara 200 batetara heltzen dira. Pottikoren lehen taldea ere emaitz honak uken dütü ! Aurten sartütako Nazional 2 mailan egonen beitira dagün urtean. Aurtenko berrikuntzetan : bi zerbitxu zibiko eta komunikazionean egin den indar berezi da, emaitzak aste oroz facebooken bidez hedatzen beitzütüen. Pübliko hanitx üken düe ere aurten, bena honekin batetan ele gaitz haboro entzüten dira zelai bazterretan. Horrentako errespetüari bürüzko kanpaina bat eramanen düe dagün urtean. Denise Challa jinen da nesken entrenatzea setemetik goiti. Jente txerkatzen dütüe ekipen lagüntzeko. Interesatürik baldin bazide deit 05 59 28 55 05 edo Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. Xehetarzünak oro Francis Burguburu ko-lehendakariarekin :

Üdako plan berezi bat plantan ezarri da Mendixkan, süteen epantxatzeko

Sarrikotapeko “Mendixka” ondarkintegian süte arrisküen kontreko plan bat txütik ezaririk izan da. Üdan ondarkinak berotzen beitira eta jadanik 2 süte agitü ziren igaran urtean. Üda hontako egünik beroenetan, kanpoan atetürik den ondarkin meta bustiko da eta halerik ere süa abiatzen bada, lürrarekin tapatzeko bekanika bat egonen da üda osoan ondarkin metaren ondoan. Mendixka 2014an zabaltü zen Eüskal Herri barnealdeko ondarkinen tratatzeko. Hala, 10 hektareako eremüan 16.000 tona etxondarkin errezebitzen eta tratatzen da eta tratatzen ahal ez diren 12.000 tona, aldiz, lürperatzen dira. Dominika Boscq Mendixkako lehendakaria:

Andoni Tellier züzendaria :

Xiberoko errügbi eskola bakar bat dagün urtean

Xiberoko errügbi eskola sortüko da, Barkoxe, Mendikota eta Mauleren artean. Azken urteetan hanitx aipatü den geia izan da eta franko minberatsüa ere. Hiru taldeetan gazteak gütitzen ari dira, eta ekipen egiteko nekeziak beitira, bateratzea beharrezkoa ikusten da. Orai artinokoan, Mendikota eta Barkoxe Aramitzekin ziren. Biarnesek deliberatü düe Oloruerat joaitea eta ondorioz xiberotarren artean eginen da errügbi eskolen alkargoa. Gehitüen ekipak orai bezala egonen dira, mendikotarrak 3.sailean, barkostarrak federal 3an eta mauletarrak federal 2an. Francis Baranthol Barkoxeko taldearen lehendakaria:

Nathalie Arrosteguy Mendikotako taldearen lehendakaria :

Maryse Othart da Santa Graziko aüzapez berria!

Santa Grazin, Maryse Othart, haütatürik izan da aüzapez kargüalako. Berriki zentü den Albert Aguiaren segida hartzen dü. Ordari lehena da Dominique Illadoy, bigerrena Michel Sécalot eta hirugerrena Pierre Hardoy. Maryse Othardek 40 urte dütü, 2 kargüaldi egin dütü Herriko Kontseilüan eta berak erabaki dü bere bürüaren aurkezteari. Herrian bizi da, laborantxan plantatürik eta herria maite düalakoz lan egin nahi du herritarrentako. Santagrazin jenteak gütitzen ari dira, etxalteetan ez da beti segidarik eta hortarako zerbait egin behar dela uste du aüzapez berriak. Maryse Othart :

Lekürik ez da haboro Barkoxeko Dantz’haka ikuskizünarentako

Igaran igantean, Barkoxtarrek, Dantz’haka ikusgarriarentako azken mustraka egin züen. Igaran azarotik ari dira prestatzen hortan ariko diren 25 haur eta 51 gazteak. Barkoxeko errugbi taldea eta Etxahun kültür alkartea jüntatü dira ikusgarri horren hontzeko. Errügbia dantzarekin üztarturik date, bena müsika, argi, bideo eta antzerkia ere badirate. Antzerkiak lotüra eginen dü parte desbardinen artean. Ezi, parte bakoixean Eüskal Herriko historiaren 3 memento nausi aipatürik dirate: 778ko Orreagako güdüka, 1661eko Matalazen iraültza eta 1937ko Gernikaren bonbardaketa. Dantz’haka ikusgarria üztailaren 8an, neskenegünarekin, eta agorrilaren 4an ostirale gaüko 09:30etan Barkoxeko arrabotü tapatüan. Leküak erosgei BarkoxekoVival salgian, Maule-Lextarreko Xibero Bio Maulen eta Atarratzeko Unimarchén. Sophie Larrandabürü kantarien eskolazalea :

Otxanda Queheille arizalea :

Ausaz

Kronika

Emankizüna

Artxiboan