XÜXENEAN ENTZÜN

Berriak

Philippe Etxegoien, gure pelota berriketaria Txilen zen iragan barantailaren 27an, Richter eskalan 8,8 ozkeko lürrikara batek amerikar lürralde hori iharrausi züalarik. Han ez zen lehentze agitzen, eta aitzinekoetan azkarrena 1960an izan zen, 9,5 ozkekoa. Geroztik, Philippe Etxegoienek ere konfirmatü deigünaz, eraikuntza haboroenak lürrikarak jasaiteko eginik izan dira. Dena den, aurtenko lürrikara azkarrenaren ondotik beste zonbait ere izan ziren, eta Tsunamiak gibeletik. Herria, pentsatzen ahal den bezala, zankazgora ezarririk izan zen, eta gobernüaren erranen arabera, 540 jente zentü ziren.
Egün horietan ikusi züanaz mintzatü zaigü Philippe Etxegoien. Entzün :

Gasbide bat (ez Xiberokoa)Ezagütü düenek gogoan düküe orano 1993an gasbidearen edo "gazoduc" delakoaren kontrako borroka lüzea. Xedea leküko haütetsiekin egin zela oritarazi deigü Jean-Dominique Iriartek Gaspars taldeko kide izan zenak, eta hitzemanik izan ziren 600 lanpostüak (gasbideak ekarri behar zütüanak) sekülan ez direla ikusi. Aste hontan jakin da europar batzordeak sosez lagüntü gei dütüan 31 gasbideen artean Larrainetik iragaiten denaren handitzea aipatzen dela.
Oraikoz, Xiberoa zeharkatzen düan gasbidea zentzü bakarrean doa. 2013an gaüzatü nahi den xede berrian, gasa bi zentzüetan kurriaraztea aipatzen da. Horrek erran nahi dü karreatürik datekean gas kopürüa ere handitüko litzatekeala : oraikoz 3 miliar metra kübiko dira, eta xede berriarekin 11 miliar metra kübiko lirateke.
Azkenik, erran dezagün nihor ere ez dela xede hontaz jakinean, ez Larraineko aüzapeza (Sébastien Üthürriage) ez ete herri alkargoako lehendakaria (Dominique Bosq).
Entzün xehetarzünak Lole eta Jean-Dominique Iriartekin :


Entzün Jokin Zaldunbidek Jean-Dominique Iriarti egin alkarrizketa :

Informazio haboroentako klika heben peko lotüretan :
Le Journal du Pays Basque / Eüskal Herriko Kazeta
La Clau

Ezker-esküin : André Saint-Esteben bikario nagusia, Ttotte Saldubehere eta Marc Aillet, Baionako apezküpüaAitasaintü berriaren ildotik doa Baionan düala güti apezküpü izendatürik izan den Marc Aillet. Diosesa edo gotzaiherria ezagütü nahian, Marc Aillet Xiberoan da egün eta igantea arte heben gainti ebiliko da. Agerraldi horren aipatzeko Basabürüko parropiaren apezarengana, Ttotte Saldubeherengana joan ginen aste hatsarrean, eta ondotik Marc Aillet bera ikusi dügü.
Hasteko, bere aurkezpen gisa, galtegin deiogü Eliza katolikoaren zoin sentsibilitatetan ikusten düan bere bürüa. Entzün Marc Aillet :


Aitasaintüaren ildotik doanez geroz, ele hanitx piztü dütüan eztabaida batetaz bere iritzia nahi izan dügü ezagütü, preserbatiboaren baliatzeaz horra zer dion, bereziki Afrika delarik aipagei :

Ondotik, Donostiako apezküpüaren erranetaz ihardokitze bat galtegin deiogü. José Ignacio Munillak hala erran züan Haitiko lürrikaratik landa : "gure gabezia espiritüala" Haitiko sarraskia "beno gaitz handiagoa da". Entzün Marc Ailleten ihardokitzea :

Azkenik, Basabürüko oraiko apezak, dagün arramaiatzean Basabürüko parropiatik joan gei dü eta nahi zükean bere ordariaren izena ezagütü egün horietan. Baionako apezküpüaren erranetan orano goiz da izen baten emaiteko, bena erran deigünaz eüskaldün izatearena, kontüan hartüko düan parametroa da.
Entzün Marc Aillet :

Bestalde, lehen irakurgei zen artikülüan bezala, entzüngei düzüe Marc Aillet heltü gabe Lolek Ttotte Saldubeheri egin alkarrizketa :

Heben izanen den egünetan, Marc Ailletek meza zonbait emanen dütü. Ostiralean, barantailaren 26an arrestiriko 6etan Montorin eta neskenegünean (27) arrestiriko 6etan Irurin.

Oraiko 70 tonetarik bikoitza egitera heltü nahi litzateke Basabürüko erreximentak (konfitürak) enpresa. Horrentako, Zibozen düan egoitzaren ondoan, 965 metra karratüko eraikin berria altxatzen ari dira, eta apirilan baliatzen hasi behar lirateke. Eraikin berri hortan erreximenta egiteaz gain salmenta xüxenarentako ere saltegi bat zabaltüko düe. Buturini senar-emazteak dira nagusiak, eta dütüen zortzi langileetarik hameketara heltü nahi lüküe xede berri honi esker. Azkenik, erran dezagün eraikin berriak 700 000 euro balio dütüala, eta Akitaniatik eta Europatik 256 000 euroko sos lagüntzak ükenen dütüela.
Entzün Sophie Buturini :


ZuArgazkia : arian hari kolektiboantz optiko edo hari bidez internet lasterra heltzen ez den güneetara, wimax bidez (ühin bidez wifia bezala) helaraztea deliberatü züan kontseilü orokorrak. Herritarrengana informaziorik helarazi gabe hasi ziren wimax antenak ezarten ezker esküin. Sakolako telefonoekin bezala, eta wifi haririk gabeko internet hedatzailearekin bezala, herritar zonbait arrenküratzen dütü sistema horrek, osagarrian ükeiten ahal lütüzküan ondoramenengatik. Xiberoan, botzak altxatü ziren Mitikilen lehenik, Lakarrin ondotik... eta bazter güzietan kolektiboak sortü ziren azkenik. Orai, güzien arteko alkarlana hasi nahi lüküe. Ibilbide horren hatsarrea izan da iragan neskenegünean Maulen antolatü bilküra. Eüskal Herritik ez ziren nahi bezainbeste talde agertü, Biarnotik berriz talde andana bat. Dena den, beste bilküra bat eginen da barantailaren 13an Mauleko zerbütxü günean.
Entzün Pierre Etxeberri, Xiberoko kolektiboko kidea :


Informazio haboro heben klikatzez (Arian hari kolektiboa)

Ausaz

Kronika

Emankizüna

Artxiboan