XÜXENEAN ENTZÜN

Berriak

Ziberoinez, hobeki elkar ezagützeko parada igantean!

Atharratzeko Ziberoak Erretzün gaindi mendi ibilaldi bat antolatzen du igante huntan. Aurten 240 lizentziatu edo kide badütüe alkartean, bena eskübaloetik kanpo alkarren ezagütza builtatzeko xedez egün berezi hori antolatzen düe. Audela eskubaloaren girotik kanpo den momentü bat proposatü nahi izan düe. Bi ibilaldi badirate bat 8km-koa, petigora gütirekilan, eta beste bat gaitzago 12km-koa, Erretzü tinila joanen dena. Ondotik bazkaria, arrestitan txostakatzeko jokoak badiratekilarik. Hitzordua igantean goizanko 9.30tan ziberoaren Atharratzeko gelan. Oroer zabalik, izan alkartekoa ala ez. Izen emaiteko deit: 06.46.24.81.01. Annick Errezaret antolazalea :

Sohütako ikastolan sartzea eginik

Beste eskoletan bezala, atzo sartzea züen Eperra ikastolan. Aurten, 106 ikaslerekin abiatü dira, urtarilan beste 12 sartzekoak direlarik. Hots, ikaslezionea beti emendatzez doa. Erakasleen aldetik, 7 dira eta horietarik 2 gizonak. Seaskako ikastolak oro bezala iragan urteko ber erritmoan jarraikitzen düe, hots askeazken goizetan eskola egitez, eta astean lüzaran eskolaz kanpoko aizinarteak edo TAP animazioneak. Jüstoki bozik dira animazione horientako eskentza zabala beitüe, eta denak euskaldünekila. Erakasleen eta haurrengana joan gira:

Kontratü lagüntüak agortürik dira !!

CAE edo CUI izeneko kontratü lagüntüak ez dütüala haboro kasü haboroxeenetan lüzatüko jakinarazi dü Gobernüak. Ospitale, eskola, bai eta enplegazale pribatüetan, gazte hanitxek beren lehen ürratsak egin dütüe kontratü horier esker. Xiberoan ere hanitx dira orai beren kontratüa eküratürik lanik gabe, ala, eskoletan bezala, lagüntzarik gabe langile baten pakatzeko. Xiberoko Mission Localeko Arantxa Oxandabarats :

Maulek argindar berdea baizik ez dü erabilten

etemeraren 1az geroztik, Mauleko herriak erabilten düan argindarra oro berriztagarria da eta heben berean ekoiztürik. Herriko Etxeak, Energie D’ici izeneko entrepresarekin hitzarmen bat izenpetü dü dagün 3 urterentako. Egintza hau Agenda 21aren barnen sartzen da. Eta entrepresa honek prezioa apalagoan hornitzen dü elektrizitate berdea.Energie D’ici, argindar ekoizleen eta harzaleen artean den arizale bakarra da eta hainbat ekoizle ttipi biltzen dütü. Horietan Mauleko hurtegi hidroelektrikoa. Maule, Xiberoko lehen herria da osoki elektrizitate berdez horniturik dena. Eta zoin nahi herritarrek ere kanbiat leite argindar hornitzalez. Ageriko ikusbidea jarraikirik izanen denez. Mixel Etchebest aüzapeza:

Antoine Garcier Energie d'ici-ko bürüa :

Mendi tinietako lasterkako irabazte marka hautse dü Louis Dronde-k

Seigerren aldikoz segidan eta sürprisarik gabe, Louis Dronde nausitü da aste ondar hontan Xiberoko Mendi Tinietako auto lasterkaldian. Christophe Coste 2. leküan sailkatü da 55 segundaz gibelean, eta Mathieu Hirigoyen 3. lehenetik minüta bat eta 20 segundatan. Ostiraletik, lehen leküan sailkatü zen Louis Dronde eta neskenegünean, Iratin, minüta baten abantzia hartü züan. Igantean lasterkaldiaren küdeatzea baizik ez züan egitekorik, bena Maidalenako azken iganaldian mekanika arrenküra batengatik beldür haundi üken dü, kasik ez beita kaskoala heltü. Azken batean, halere, 6. aldikoz segidan nausitü da, gisa horrez Yves Pachaudyren errekorra bardintzez. Louis Dronde irabazlea:

Jean Bernard Pinque antolazalea :

Ausaz

Kronika

Emankizüna

Artxiboan