XÜXENEAN ENTZÜN

Berriak

Secours Populaire Français eta Liberté kasetak bat egin düe Haitiko lürrikararen ondoramener aitzin egiten lagüntzeko. Secours Populaire egitürak ontsa ezagützen dü Karibeko lürralde hori, 1980az geroz izan diren ezbeharren ondotik ere han beitzen lagüngoa eskeintzeko. Üduri lüke beraz egitürak badakiala nola behar den bildürik eta bildüko den sosa baliatü. Segürtatü deigüe bildü sosa Dominikar errepüblikalat igorriko düela, behar diren gaüzak han berean erosirik izan ditean. Hortaz gain, epe lüzeko lagüntza segürtatü nahi lüküe Haitin. Lehentarzünak oihal-etxeak, janaria eta sendageiak izanen dira.
Sos lagüntzak Liberté kasetak Victor Hugo karrikan düan egoitzan egiten ahal dira, edo postaz igortez ondoko helbidealat : Liberté kaseta, 32, Victor Hugo karrika, 64130 Maule.
Entzün Secours Populaireko kide bat :

Beñat Hegiapal, zurezko etxearen aitzineanDüala urte zonbait ekologista amorratüen alorra zena, jendarte osoalat hedatü da azken denboretan. Ekologia gobernüen ardatz nagusienetarik bata bilakatü denez geroz, energia berriztagarriak, etxe ekologikoak eta holakoak bazter orotan onddoak bezala agertzen ari dira, eta Xiberoan ere. Energia berriztagarrien eta eko-eraikuntzaren azken erakustaldian, Maulen, Beñat Hegiapal sohütarraren zurezko etxea behin eta berriz aipatürik izan zen. Hobeki ezagütü nahian, Sohütarat joan gira, bide bazterretik ageri den etxe horren ikustera. Prefosta, Beñat Hegiapal ondoan günüan.

VMCak ez dezan barneko berotarzüna kanporat igor, sistema hau instalatü düe. Berotarzüna barnerat igorten dü ezkapatzera ützi gabe.

Mauleko postako langileak kexatü dira abentü ondarreko lan egün bat ez beitzaie pagatürik izan. 17 faktürretarik 15 greban ziren horren salatzeko. Ontsa entelegatzeko, postaren ibilmoldea behar da esplikatü. Astelehen eta asteartez, gütün güti badelarik, turnada zonbait partekatzen dira ; eman dezagün Garindainekoa faktür batek egiteko partez, beste turnadak egiten dütüenen artean partekatürik dela, beren herrikoa egin ondoan Garindaineko etxe zonbaitetara joaitez. Sistema hori baliatzen düe ere bai norbait eri delarik.
Postako leheneko züzendariak nahi izan zütüan gisa hortan ariarazi agorrilako bi astez. Langileek ez züen honartü, horrek erran nahi beizüan ber lana egin behar züküela langile gütiagorekin. Negoziaketak izan ziren, eta azkenean adostü zen 2009an ez zela gisa hortako egünik izanen ez bazen astelehen edo asteartea, edo ez bazen langile bat ments.
Halere, abentüaren 26an, neskenegünez, hala egitea galteginik izan zaie. Pausüko izan behar zirenak ere lanealat joan ziren, bena züzendaritza adostü zenaren gainetik iragan eta ez dütü pagatü egin lanarengatik. Züzendaritzak dio ez züela galteginik zen lana egin.
Argibideak ez baziren lagüngarri, beha ezazüe Mauleko postan langile eta CGTko ordezkaria den Pierre Gonzalez :

Gotaine-Irabarnen, Atharratzeko bide zaharrean edo Erregeen bidea ere deitzen den bide bazterrean, düala 15 urte oihan berezi bat lantatürik izan zen (Irabarneko hilerri berriaren ondoan). Zühainekin batean, beren izenak eüskaraz, frantsesez eta latiz erakusten dütüen taula elibat ere lantatü zütüen. Aste hatsarre hontan, Gotaine-Irabarneko haurrek Arboretum delako hortan xahaketa lanak egin dütüe. Taula berri zonbait ezarririk izan dira. Xenda bat abiatzen da hilerri parean, eta petik gora joaitez zühain ezberdinak eta beren izenak ikusten ahal dira.
Entzün Jean Christophe Arraiet, Gotaine-Irabarneko haütetsia :


Entzün Céline Berruet errejentsa :

Zühainak xenda horren bazterrean dira, petik gora

Azken denboretan, legeak hala erranik, urdea Mauleko kabale hiltegian ehaiten düe haboroenek. Bena ez denek. Ibarresküineko etxalte batetan, urdea etxerat eramanik zaie, askaiten dira... eta lanealat.
Heben proposatzen deiziegü dagün asteazkenean hedatüko dügün erreportajea.
Entzün :


Eta beti bezala, argazki güziak handitzen dira beren gainean klikatzean.

 



Argazki haboro heben pean "haboro irakurri" klikatzez

Ausaz

Kronika

Emankizüna

Artxiboan