XÜXENEAN ENTZÜN

Berriak

Ostirale arrats hontarik igante artino Ondarearen egünak ospatüko dira. Aurten Maule, Gotaine, Garindaine, Muskildi eta Ospitalepeko Herriko Etxeen parteliangoarekin, Ikerzaleak alkarteak zer nahi proposamen eskentzen deizkü Xiberoko ondarrearen hobeki ezagützeko. "Gizon Handiak, Emazteek eta Gizonek Ixtorioa eraikitzen düelarik" lema haütatürik izan da. Mintzaldien aldetik, lehena ostirale gaüan iraganen da Gotaineko elizan 20.30etan. Aurtenko lemari lotürik, Robert Elissondo eta Joël Larroque-k bideo-konferentzia bat emanen düe, Xiberoko Ixtorioa eraiki düen gizon eta emaztetaz. Bigerren mintzaldia, Denis Cassard-ek eskentüko dü, neskenegün gaüan 20.30etan Iruriko gaztelüan, Pizküntearen garaian Italiarat joan diren bidajantetaz. Bijiten aldetik, Arbide gaztelüa Gotainen, Maulen, gaztelüa, Andüraineko gaztelüa, Maule-Gaineko eliza, eta Ospitalepeko, Urdinarbeko, Iruriko, Larraineko eta Santa Graziko güne ixtorikoak bijitatzen ahalko dira. Erakusketak ere ez dira eskaz izanen. Gotainen, Jean Louis Davant-ek idatzi düan « Eüskaldünak Iraültzan » pastoralaren üngürüan "Frantses Iraültza Xiberoan" erakusketa ikusten ahalko da, Garindainen aldiz, "Behin bazen eskola Xiberoan" erakusketa «Denen Etxea» gelan. «Lehenago eskola Xiberoan» libürüaren aurkezpena ere eginen da neskenegün goizan 11tan ber günean. Egitaraua eta ordütegia ikusten ahal da « ikerzaleak.eke.org » internet günean.

Entzun Robert Elissondo Ikerzaleak alkarteko lehendakaria :

Bi urte iragan dira Iparraldeko lehen txapelketa egin zenetik. Aurten ere bai, Bertsularien lagunak alkarteak arra antolatzea erabaki dü eta setemearen 18tik azaroaren 13alat, 3 kanporaketa eta bi finalerdi eginen dira. Lehen hitzordüa neskenegün hontan berean emana da bertsozale oroer, Muskildiko Posonpesenea gelan eginen beita lehen kanporaketa. Bertan entzüten ahalko dira kantan: Odei Barroso, Patxi Iriart, Bixente Hirigarai, Joanes Etxebarria, Ximun Cazaubon eta Ramuntxo Christy. Orotarat, 20 bertsolari lehiatüko dira eta 6 saio eginen dira, azaroaren 13an eginen delarik finala, Donibane Lohitzüneko Jai Alai gelan. Neskenegün hontan lehiatüko diren 6 bertsolarietarik, 4 lehentze ariko dira txapelketan eta horietariko bat den Ramuntxo Christy alkarrizketatü dü Xan Alkhatek, entzün bien arteko solasaldia :

Ondoko kanporaketak hauek dira: Setemearen 25ean Aiherran eta ürrietaren 2an Saran. 3 kanporaketak bertso aihari gisan egiten beitira, bertsularien lagunak alkartialat deitü behar da leküen etxekitzeko, 05 59 54 15 04 zonbakialat. Xehetarzün haboro xilaba.net web günean.

Aurtenko opariaUrte oroz bezala, Xiberoko Botzako langile eta lagüntzaileek etxez-etxe kanpaina eginen dügü üda hontan ere. Iragan neskenegünean hasirik, herrietan gainti kurritüko gira züen lagüntzaren galtatzeko. Irrati honen ibilmoldean ezinbestekoa da üda oroz biltzen dügün sos zione hori. Gure lagüntzeko prest denak deit beza irrati hontarat (05 59 28 29 87). Besteak, züen etxetik iraganen girelarik ikusiko zütüegü, eta gure programazioaz ohar egin nahi badüzüe ez düda. Jakin ezazüe ere bestalde lagüntzak xüxenka igorten ahal dütützüela helbide hontara : 18, Victor Hugo karrika, 64130 Maule.
Eskerrik hanitx aitzinetik.
Entzün Allande Errezarret, gure administrazio bülegoko kidea :


Xiberoko Botzak bere sartzea egiten dü. Sartze hontan, berritarzünak badira programazioan. Berrietan formatoa kanbiatzen da tenoreak berrak egonez, goizanko 7 eta 8etan. Gei bereziak aldiz, egünean berritan baizik ez dira arrapikatürik izanen. Üsatü emankizünak beti hor dira, Tumatxa, Popolen emankizüna, Punttuka eta Bloga Bloga. Eüskal Irratietako alkarrekilanko programak eta emankizünak beti jarraikitzen dira. Langilen aldetik, Joanes Etxebarria Xiberoko Botzetik joan da eta bi langile berri jin dira. Artzen Letona kasetalarigoan eta animazionean eta Dani Etxart Webgüneaz eta haur emankizünaz axolatüko dena.Ttittika Recalt lankideak, Ttom Ttomas, Jakile, eta Aldikoan aldi kronikak eskeintüko deizkü. Ipuinak bere leküa badüke, 5 emaztek aldizka Mula Nazrudinen ipuinak kontatüko deizküe. Mula Nazrudinen ipuinak 7 eta 9. mentekoak dira, Türkiatik Afganiztanera ezagütüak zirenak. Beste langiletan, Laurentx Etxegoin eta Xan Alkhat berrietan, animazionean, programazionean eta joküetan ariko dira. Bestalde, Xiberoko Botzako üdako kanpaina ontsa iragan da. Opariak agortürik direlakoz orano herri zonbait egiteko dira. Xiberoko Botzak, entzüle, emaile eta lagüntzaile güziak bihotz bihotzetik eskertzen dütü .

Entzün Allande Erreçaret Xiberoko Botzako kidea eta lagüntzailea :

SNRL edo estatü frantseseko irrati libreen sareak biltzar nagusia egin züan iragan astean Nantesen (Bretañan). Lole han zen Xiberoko Botza, Eüskal Irratietako beste irratiak bezala sare horren partaide beita. Bada bizpahiru urte sindikata horren baitan irrati nümerikoaren üngürüko eztabaidak badirela, alde batetik goiz ala berant jauzia egin beharko beita, eta gobernüak irrati nümerikoarentako norma bat haütatü beitü, bena oroen gustükoa ez dena. Enpresa handi zonbaiten nahiküntea irrati nümerikoa sare telefonikoen bidez hedatzea litzateke, eta segürrenik pagaraztez, bena SNRL sindikatak antena bidez heda dadin galtatzen dü, irratia dohainik izan dadin geroan ere.
Entzün xehetarzünak Lolekin :

Ausaz

Kronika

Emankizüna

Artxiboan