Iragan astean Baionan izan zen bi gazteen kontrako auziarekin jarraikitzen dügü egün ere (xehetarzün güziak peko artikülüan atzamanen dütützüe). Beñat Etxebest ere entzüten ahal düzüe pean, nahi badüzüe alkarrizketa hau hobeki entelegatü.
Azken denboretan isilik bada ere, Xiberoan bada espekülazioaren kontrako talde bat, eta hortan parte hartü izan dü Beñat Espilek. Oraikoan, ihardokitze pertsonal bat deiogü galtatü, ez beita isilik den talde baten izenean mintzatzen ahal.
Entzün bere ikusmoldea auzi hortaz :

Xiberoko sindikataren sos ütürriak bortüa, ihizteka eta egürra izan dira orai artino. Egürraren ekonomia erran gabe doa, bena beste bi sailak ere ez dira haboro hain fidagarri sosa sartzeko. Hargatik, Iratin abiatü düen xede berrian dütüe esperantza handienak (ikus heben) sindikateko langile eta partaideek. Azken bost urteetan baztertü sosarekin gei dütüe aurten lanak hasi.
Entzün Jean-Pierra (Pepela) Mirande :

OCM (Opération Collective de Modernisation) edo modernizatze operazio kolektiboa deitzen da programa, eta interesgarri bada ere, ez da hanitxenganik ezagütürik. Estatü frantsesa, eskualdeko kontseilüa, kontseilü nagusia eta Xiberoako herri alkargoako parte hartzearekin eta ODACEn artekaritza lanekin, material berri erosteko edo egoitza bat zaharberritzeko, sos kopurüaren %25 gibel ükeiten ahal lüküe galtazaleek. Haboroenik 36 000 euroko faktürak dira kontüan hartzen, eta horietarik 9 000 euroko lagüntza da proposatürik plan honekin.
Programa honek bigerren ürratsa dü Xiberoan, eta lehenean 62 enpresak lagüngoa hori üken düe. Jean Pierre Hita ODACEko langileak erran deigünaz orano bada sos, eta xehetarzün güziak alkartearen bülegoan emaiten dütüe : 05 59 28 12 49.
Entzün Jean Pierre Hita :

Aipatzen geneizüen bezala, herri alkargoaren azken bilküran Bildozen düala urte zonbait erosirik izan ziren lürren aipamena egin zen. 2,5 hektara dira orotara aurkeztürik izan. Bide handiaren bazter batetan ikusten ahal da (trenbide ohiaren aldean), nahiz oraikoz ez den gaüza handirik ageri ; doi-doia elektrizitatea, hura, gasa, internet hariak eta hura xahatzekoak dütüe plantan ezarri. 5 puxketan saldüko dütüe lürrak, 3300 eta 5000 m² artekoak direlarik. Metra karratüaren prezioa 18 eurotan finkatü düe interesatürik diratekean enpresentako. Gisa hortako lürrak izanen dira laster Atharratzen eta Irabarnen ere.Entzün xehetarzünak Dominika Bosq, herri alkargoako lehendakariarekin :