« Adolezentziako krisa : mitoa ala errealitatea ? » Konferentzia hau, martxoaren 18ean Maulen iraganen da Dominique Lismonde psikologoarekin. Adolezentzia edo nerabetza, memento handi bat da  bakotxaren bizian. Zerentako hainbeste kanbiamen behar den haur denboratik gehitüala iragaiteko ? Zerentako iragaite hau hain gogor den ? Kanbiamen horien ondorioak zoin diren ? Zerentako hainbeste sofritze ? Nola egin behar den, ahal bezain hobe edo ez sobera gaixki igaran dadin ? Gei horietaz mintzatüko da Dominique Lismonde psikoterapeuta martxoaren 18ean ostiralean gaüko 20.30 tan Mauleko zerbütxügünean. Mintzaldi hau ait’ama, erakasle, hezitzaile, animazaleentako da, Karkaila-Xiberoak antolatürik.

Entzün Dominique Lismonde psikologoa :

Bista-Eder eskola bixkor zela Bista alatü deiküe. Barantailaren 11an egin den LARPSen biltzar nausian, 2009 eta 2010 ikasturteko balorazioa baikorra zela erranik izan da. Ikaslen zenbakia ez da kanbiatü, azterketen emaitzen aldetik apaltze ttipi bat izan da, bena frantziako bataz bestea beno hobeak dira % 86.62a lortü beitüe. Berrogaiñe-Lahüntzeko barnategi berria baliatürik da eta Mendikotan baliatzen züen eraikuntzaren nausi dira. Bista-Ederreko Bac pro lehen urteko ikasleak orai artino Irlanda eta Nafarroala joaiten baziren Erreinu-Batuak zerrendan gehitzen dira.

Entzün Julien Berçaits LARPS ikasetxeko lehendakaria :

Hats berri bat Maule-Gaineko eskolarentako. Eskolako arraberritze lanek hiruzpalau urte iraünen düe eta üdan iraganen dira ikasleak ez trabatzeko gisan. Lanen lehen partea, 2011ko üztailan hasiko dira. Barneak oro berritüko dira eta sartze güziak moldatüko dütüe herbaltüak sar ahal ditian trabarik gabe. Lanen lehen parteak 100 000€ kosteko dü. Lanak aipatzen dütügüno, Mauleko Jai-Alaian ere arraberritze lanak eginen dira aurten. Aldagelak kanbiatüko dütüe, argitarzüna hobetüko düe eta sartzetan aterbe bat gehitüko düe, besteak beste.

Entzün Arnaud Laphitz Mauleko zinegotsiko lanen ardüradüna :

Urte oroz bezala, Otsail ostegünen kari lau mintzaldi antolatzen dütü Amikuzeko Zabalik alkarteak. Barantailaren 3an, “Eüskalgintzaren komünikazio estrategiez” date mintzaldia, Joseba Kamio komünikazio enpresa bürü aditüarekin. Barantailaren 10ean, “Irlanda bere bake prozesuan”, Joana Etxart ikerle gaztearekin. Barantailaren 17an, “Nola finantza mündütxoak darabilen mündüan”, Jakes Bortairu, Foro Sozialako eta Oldartzen kolektiboko kidearekin. Eta barantailaren 24ean, “Jean Etxepareren bertso-konplaintak (1873-1889) Donapaleütar bertsulari ezezagün bat…..” Patri Urkizu, irakasle eta ikerlearekin. Mintzaldiak Donapaleüko Herriko zerbütxü günean, gibeleko gelan iraganen dira gaüko 20.30etan xüxen.

Entzün Pelle Errezarret antolazale bat :