• PDF
  • Imprimer

2009ko Agosti Xaho saria

Benito Lertxundik dü aurtenko Agosti Xaho saria ükenen. Haren aitzinetik Jean Mixel Bedaxagar, Junes Casenave, Daniel Landart, Jean Louis Davant eta Txomin Peillenek üken züen. Kantari gipuzkoarrak plazaratü dütüan hamasei disketan behin eta berriz ageri da Xiberoa eta Nafarroarekiko düan lotüra. Segürrenik hargatik dü Agosti Xahok omentü nahi.
Neskenegünean kantaldi bat emanen dü eta ondotik dü esküetan hartüko Agosti Xaho saria. Bizkaiako Zalla herrian izanen da gaüko 8 orenetan.
Entzün Benito Lertxundi Xiberoaz elestatzen :

  • PDF
  • Imprimer

Pastoralaz gogoetak

Eusko Ikaskuntzak kümitatürik, pastoral idazle eta errejent zonbait bildü dira Barkoxen iragan astean. Egünaldia Jean-Louis Davanten mintzaldiarekin hasi zen, pastoralaren historia züalarik ardatz. Ondotik, idazleak bildü ziren mahain-üngürüan (peko argazkia), eta lehenik bakotxak esplikatü züan nola hasi zen pastoral idazten. Hortarik landa, patoralen üngürüko arrenküra zonbait aipatürik izan ziren.

Eüskara

Zenbakiek argi erakusten düe eüskararen erabilpena ez dela hobetzen ari Xibero hontan. Mixel Etxekoparrek bere ofizioko zenbakiak aipatü zütüan ; erakasle ibiltaria da, eta dütüan 250 ikasleetarik 5 eüskaldünak dira. Haatik, pastorala heltzen delarik, üdüri lüke herrian eüskaldün konzientzia bat pizten dela, edo erranik izan zen bezala, zonbaitek pastoral egünean hala agertü nahi düe hasteko. Pier Paul Berzaitzek mezarekin konparazione bat ere egin züan, erraitez mezak latiz emaiten zirelarik, jenteek kantoreak kantatzen zütüela deüs ere konprenitü gabe. Galtore batekin jarraiki behar litzatekean eztabaida da : norat bürüz doa pastorala eüskara galtzen bada ?
Pastoral geiak
Aipatürik izan zen pastoral zonbaiten geiak merexi lüküela arra hartürik izatea, hala nola Matalaz, Eskiulan eta Parisen bera emanik izan beitzen. Bena eüskaldün züjetak agortzen ari ote direnez ere aipatü delarik, kanpoko geiak elkibide izaten ahal liratekeala erranik izan da. Bena hori, eta beste aipageiak funtsean, beste eztabaida zonbaiten abiapüntü izaten ahalko dira geroan ere.
Dena den, Xiberoko Botzak mintzaldiak beren osotarzünean hedatüko dütü. Hasteko dagün asteartean (azaroaren 24an) Jean-Louis Davanten mintzaldia pastoralen historiaz.
Entzün Jean-Louis Davanten mintzaldiaren hatsarrea :
Entzün idazleak nola hasi ziren pastoral idazten :

  • PDF
  • Imprimer

EPFLak Agerria erosiko dü

Agerria erosiko dü EPFLak (Etablissement Public Foncier Local). Hala deliberatürik izan dela jakin da Agerria erosteko antolatü den bigerren biltzar püblikoan, Maulen. Société d'Economie Mixte edo sos üturri pübliko eta pribatüak alkartzen dütüan egitüraren kapitala 400 000 eurokoa izanen da orotara. Herriko Etxeak gehiengoa ezarriko dü, hots erdia eta zerbait haboro. Ondarra berriz, herritarren akzioekin pagatüko da. Aski jente biltzen bada 500 euroko akzioen erosteko prest litzatekeana, hala eginen da, eta bestela 1 000 euro pagatüko lüküen jente gütiagorekin eginen da. Abentüan berriz biltzekoak dira interesatürik diren güziak, akzioen prezioen eta oro har xedearen aitzinarazteko.
Azkenik, erran dezagün Agerrian zer egin ez beita orano deliberatürik, alkarte sortü-berri batek bere xedea aurkeztü düala. Alzheimer eritarzünak etxekoengan düan pezüa arintü nahian, egünean zehar eriak Agerrian etxekitzea proposatüko lüküe alkarteko kideek.
Akzioen prezioaz entzün Mixel Etxebest Mauleko aüzapezak erran deigüna :

  • PDF
  • Imprimer

Bihotzetik jana emaiten

Bihotzeko ostatüak edo Restos du Coeur delako alkartearen negüko kanpaina laster hasiko da (abentüaren 7an). Coluchen bidea hartü düenek bi permanentzia eginen dütüe dagün astelehenean eta ondokoan (azaroaren 16 eta 23) Mauleko sühilzaleen egoitza ohian. Iragan urtean jadanik, apairü horien beharrünean zirenak bikoiztü ziren aitzineko urtetik.
Entzün Norbert Olagarai :

  • PDF
  • Imprimer

Hemen, Xiberoan ere

Hemen alkarteak biltzar nagusia Mauleko herriko etxean egin dü iragan astean. Ekimen berria plazaratü düe alkarteko kideek, zoinetan jenteen parte hartzea galtegiten düen. Web güne batek dü eskeintzen horrentako leküa, eta zehazki erranik, wiki batek. Wiki bat zer den bi hitzez argitzeko, interneten atzamaiten den arbel gisako zerbait da, zoinetan nornahik bere oharrak ezarten ahal dütüan. Gisa hortan, aipagei ezberdinetaz bakotxak bere iritzia idazten ahalko dü. Helbidea hau da (klika) : http://wiki.hemen-herrikoa.org
Web güne hortan jorratüko diren geiak Hemen alkarteak dütü proposatzen ; kostaldea eta barnekaldearen arteko "beharrezko harremanak" edo abiadüra handiko treina eta jadanik badiren trenbideak adibidez. Xiberoko geiak ere eztabaidagei dira Hemenen baitan. Batetik, Larraiñeko aspaldiko xede bat : ahalmen ürriko jenteer batzarri egiteko günearena. Mauleko Agerria apezetxe ohiaz zer egin erraiten ahalko düzüe ere delako wiki hortan. Entzün René Harlouchet, Hemen alkarteko lehendakaria :

Lire la suite...

JPAGE_CURRENT_OF_TOTAL