• PDF
  • Imprimer

Herritarrak estatüaren kontre, 2-0

Barkoxen jente andana, lehen herrokan haütetsiak eta ehünka herritar gibeleanGabadi, Domintxine eta Barkoxeko oilo eta ahaterik ez da eho! Alta, sanotzebide zerbütxüek edo «  services sanitaires » delakoek egün eramaitekoak zütüen hegaztiak. Jentearen igitze handiari esker ez da halakorik agitü, eta zerbütxü horietakoak gibelerat egin düe. Goizalde erreüsa izan da, bereziki Gabadin.Haatik, 3 etxalte horiek hazkuntzen jarraikitzeko baimen berezirik ez düenez, ahateen ehaiteko arrajiten ahal dirateke sanotzebide zerbütxükoak, ondoko egünetan. Xehetarzünak Panpi Sainte-Marierekin:

  • PDF
  • Imprimer

Eüskaraz txostakatzeko parada Urdiñarben

Eüskarazko jokü gaüaldi bat antolatürik date ostirale arrats hontan (2017 04 21) Urdiñarbeko ostatüan. Oporrak edo bakantzak beitira, Gaü Eskolako ikasleek ez düe kurtsorik, eta zonbaitek, arte hortan, ez düe eüskaraz mintzatzeko paradarik. Hütsüne horren betatzeko, mintzamena aküilatzen düen 4 jokü proposatürik dirate. Hots, eüskaraz elestatzeko parada, imur honean, eta inganatzez ber denboran. Hitzordüa arratseko 7etarik goiti. Pintxoak badirate ere jateko.
Maritxu Lacarrieu Eüskara teknikalaria :

  • PDF
  • Imprimer

Alkarretaratzea bihar Domintxinen!

Atzo goizan, Domintxine, Gabadi eta Barkoxeko etxalteen jabeek, bai eta ELB sindikatak, Pariseko ordezkaritza batekin züen bilküra gaixki igaran da. Bakoitxa bere plantan egon da eta elkibiderik ez da atzaman. Hiru etxalte horietako oiloak eta ahateak beti ehorik izateko arrisküan dira eta horren kontre ELB-k bühürtzen jarraikitzen du  (izenpedüra bilketa heben).  Hortarako, ostirale hontan dei egiten dü alkarretaratze handi batetara Domintxineko plazan. Laborari, langile, kontsomazale, aüzapez, ororer dei egiten dü 10:30etarik 14:00etara han biltzeko. Algarganatze hortan, ahateki eta arrautze muleta jateko badate.
Pampi Sainte Marie ELB sindikatekoa :

  • PDF
  • Imprimer

Sakatrapu antzerkia neskenegünean Pusunpesenean

Sakatrapu antzerkia jinarazten dü Muskildi Bizi alkarteak neskenegün hontan (2017.04.22). Herriaren biziaratzeko gogoarekin, üsü bezala animazione badate Muskildiko Pusunpesenean. Pantzo Irigarayek ezkiribatü düan « Sakatrapu » arraileriazko antzerkia emanen düe seigerren aldikoz Irissariko gazteek, lehentze haatik Xiberoan. Antzerki hontan, gazte denboran zinez errabiarazirik izan den haur batek (« sakatrapu »  izengoitikoa bildurik) bere « lagün » ohiak kümitatzen dütü. Hor da parada, sakatrapu honentako bere mendeküaren antolatzeko…
Xehetarzünak alkarteko Popol Boscq-rekin :

  • PDF
  • Imprimer

Haur Kantu Txapelketa maiatzean

Beste lürraldeetan bezala, Xiberoan maiatzaren 21ean iraganen da Haur Kantu Txapelketa. Larraineko besta taldekoek galteginik, han izanen da, haien eta Xiberoko Botzako lankideen partaidetzarekin. Izenak emaiten ahal dira 05 59 28 29 87eala deitüz :
Xehetarzünak oro Laurentx Etxegoien eta Beñat Larroryrekin:
Larraineko Tina Etcheto :

Lire la suite...

JPAGE_CURRENT_OF_TOTAL