- Hezkuntza
- Agerraldiak: 2081
Mauleko Xanpo lizeoan, bazterrak kexü !
Hamabost bat ikasle formatzen dü 3 gerreneko MDP6 klase teknikoak, urte oroz azken 6 urte hauetan. Bena Akademiak zerratü nahi dü klase hori dagün sartzean. Lizeoko 44 erakasle eta zerbützüetako langileek ez düe hori batere honartzen eta greban dira astearte hontan. Erakasleak eta zerbützüetako langileak Mauleko karriketan ibili dira goiz hontan, eta Herriko Etxearen aintzinean bildü. Ondotik Mixel Etxebest aüzapezak delegazione bat errezibitü dü. Thomas Lecoeur erakasleak erran deikünaz, Mixel Etxebestek bere süstengüa eman deioe eta Akitania eskualdeko Rousset lehendakariari gütün bat idatziko züala hitzeman dü. Mauleko aüzapezak gehitü dü, Xanpo lizeoko erakasleek, errektorearekin biltzeko galtatü düen hitzordüa süstengatüko düala. Hebentik aitzina beti mobilisatürik egonen direla baieztatü deikü Thomas Lecoeur erakasleak. Ikasleen eta etxenkoen inplikazioa galdeginen düe eta beste greba egünak antolatüko dütüe ondoko asteetan.
Entzün Thomas Lecoeur erakaslea :
Sohütako lizeoak eta ODACE alkarteak, GRETA egitüraren lagüntzarekin español kursoak proposatzen dütüe, enpresa bürü, langile, saltzale, ofiziale eta pübliko zabalari. Azken teknologiaz tresnatürik den Sohütako lizeoko hizkuntz gelan emanen dira. Kursoak asteazken gaüez dirate 19etarik 21etara, martxoaren 2tik arramaiatzaren 29ala, orotara 30 oren. Lehen egünean erakasleak, bakotxaren maila aztertüko dü eta ondotik mailaka ikasleak ezarriko dütü. Partikülarek 8€ orena pakatüko düe eta enpresagintzari lotürik direnek 15€. Lehen esprabüa beita, aldi hontako español kursoetan mügatü dira. Ondotik, ontsa iragaiten bada ingles eta eüskarazko kursoak ere zabaltüko dütüe. Izenak urtailaren 31a aitzin eman behar dira ODACEko bülegoala deitzez 05.59.28.12.49 edo 06.84.70.17.08 zenbakietan.
Mauleko Xanpo lizeo teknikoko 3 gerreneko MDP klasea hetsi nahi dü Akitania Akademiako Ikuskaritzak. Hori jakinarazi dü berriki plazaratü düan formakuntzen kartan. Erakasleek ez düe hori honartzen, holako deliberoak hartzen beitira bakarrik Akitania eskualdean eta Pirinio Atlantikako departamentüan holako klaseen kopurua kontütan hartzez. Erakaleek ikasleer ekartzen zaien lagüngoa ere ikusi behar dela gehitzen düe. Astearte arratsean lizeoko administrazio konseilüa bildü da bere ikusmoldearen emaiteko eta asteazken hontan erakasleak bildüko dira Akademiako Ikuskaritzarekin geiaz mintzatzeko. 3 gerreneko MDP klaseetan, erakaskuntza arruntaz gain, 6 oren eginten dira mekanika atelieretan eta ikastaldiak egiten dira enpresetan. Erakasleek eta ikasleek diotenez 3 gerreneko MDP klasea oso lagüngarria da orientazione profezionalaren argitzeko.
Mendikota, Ozaze, Zalgize, Altzürükü eta Idauze Mendiko eskolak biltzen dütüan Arbailla botingoa, Idauzeko eskola handitzen hasia da. Obrak dagün setemereko eskola sartzearentako ürrentürik izan behar lüküe. Oraiko eskolari 325 metra karratüzko beste eraikin bat gehitüko zaio. 600 000 euro kosteko dü eskola berriak bena ehüneko 70 heineko sos lagüntzak ükenen dütüe. Eki taulak pausatüko dira hegatzan eta informatika klase bat eginen düe non ere, arbel nümeriko eta bederatzi ordenagailü badiratekean. Orain bezala lau erakasle ariko dira lanean, bi eüskaraz eta besteak frantsesez, Arbaillako eskola püblikoa helebidüna beita. Eskualde hortako ikasle gazteak baldintza ezinago honetan ikasten aritzen ahalko dira düdarik gabe.
Sohütako Ikastolaren handitzeko xedea baieztatü dü Habia alkarteak iragan ostiraleko Biltzar Nausian. Eperra Ikastolak 99 ikasle badü eta jadanik egongiak hersiegi dira. Seaskako Egoitza alkarteak, ikastolaren ondoan den borda erosi dü Sohütako herriari. Egoitzak lan güziak bere gain hartüko dütü, aldiz tresneria eta beste Ikastolaren gain dirateke. Habia alkarteak lau langile enplegatzen dütü bena ikasleen goratzeak, beharrüne eta gastü haboro ekarten dü. Ondorioz, Habiak kotisazionearen goratzea deliberatü dü eztabada zonbaiten ondotik. Habia alkarteko kanpoko sos ütürriak %20koak dira bena ez orano aski gastüen tapatzeko. Herriko Etxe zonbaitek sos lagüntza ekarten badüe, beste hanitxek ez düe ürratsa egiten. Beharrere sos emaileen ekarpenak badirela azpimarratürik izan da. Halere, Eperra ikastolako ardüradünak aski botzik agertzen dira familia berrien jiteaz, xiberotar mintzajearen geroa ikastolatik igaraiten beita.