Laborantxa - Üngüramena - Xiberoko Botza

: Laborantxa / Üngüramena; 2020 Azaroa 26; Agerraldiak: 1734

Erosten dütügün mozkinen gibelean….güti aipatzen dütügün laborantxako langileak gorderik!

Ez gira beti ohartzen zonbat eskü badiren saju betean fruitu edo barazkien biltzeko…

Bada orai 2 urte eterdi Joana Hoqui etxalte desberdinetan kurritzen dela langile gija.

Aurten, Lahontaneko « Verger Lasserre » etxaltean lan egin dü. Han, sagar eta kiwiak egiten dira 22 hekatarretan. Eta ikusiko düzien bezala, ez dira Xiberoko ber sagartze motak lantatürik….. sagar frekoak proposatzen beitütie.

Kanpotiar hanitxek sajuak egiten dütüe etxalte handietan, jenteek ez beitütüe lan baldintza gogorrak honartzen. Üsü kontratü llabürrak dira, fisikoak, eta ez ontsa pagatürik.

Zerraldiarekin, etxalte ttipietan ez da müga zerratzeen arrenküa hainbeste senditü Joana Hoquien arabera.

Joana Hoqui :

: Laborantxa / Üngüramena; 2020 Azaroa 16; Agerraldiak: 1759

PAC berri baten egiteko bidean dira 2023ko!

PAC berria, Europako laborantxa lagüntzak, sekülan beno berdeago : komünikazione faltsüa ote da ?

Hori dü salhatzen ELB sindikatüak, ber zentzüan Eüskal Herriko FDSEA sindikatüa inkiet da bortüko laborantxa süstengatzen düen lagüntzen geroarentako.

PAC lagüntzen parte handi bat lür eremüen arabera eta kabale heinaren arabera kalkültaürik da, sos laguntzen % 80 a laborarien % 20ak hunkitzen dü.

2023 ko PAC-a mementoan eztabidan da, erreformaren herroka handiak urtarilan elkiko dira.

Benoit Tauzin laborariak erraiten deikü bere etxaltean zertangainen PAC-a hunkitzen düan eta zer dion hortaz:

FDSEA sindikatüan den Sébastien Uthurriagueren gana ere joan gira:

Gei horrek interresatzen bazütüe, igan asteko AITZUR ETA JORRA emankizünean PAC-a zen aipagei:

: Laborantxa / Üngüramena; 2020 Urria 20; Agerraldiak: 2234

Axuria Kooperatibak gorabeherak gaintitürik!!

Nahiz eta covid planetak ondorio gaitza üken, Axuria kooperatibak 10.000 euroko irabazteekin ürrentzen dü urtea.

Biltzar nausia igan da igaran ostiralean, hots urteko bilanaren egiteko tenorea.

Battitta Baqué kooperatibako züzendaria :

: Laborantxa / Üngüramena; 2020 Azaroa 04; Agerraldiak: 2786

Xarrikota pean, baratzezain berri bat !!!!

Maude Fixy TREBATU egitürako eremüan instalatü berri da baratzezaingoan.

Herri elkargoa Xarrikota peko lürraren jabea da eta TREBATU izeneko egitürak dü zaintzen. Hektara bat eterdiko lür eremüan, 300m² ko bi negütegi badira.

Batan, Maud, entsaladen eta azuntzen landatzen hasi da setemez heltü geroztik. Tresneria ere prestatürik zaio lürraen lantzeko gisan.

Urte bateko kontratüa izenpetü du TREBATU egitürarekin, eta hiru urtez egoiteko ahala dü bere xedearen iseatzeko.

Jakin beste hektara bat eterdiko lürra beste norbaiti proposatzeko prest dela TREBATU egitüra Maud Fixy-en lürren kantean !

Maude Fixy:

: Laborantxa / Üngüramena; 2020 Urria 15; Agerraldiak: 1875

"Emazteak laborantxan" gaiaz gaüaldi bat igaran da Barkoxen

Itsasuko Andere Nahia alkarteak lan bat eramaiten dü, laborantxa mündüan emazteen beharren entelegatzeko, laborarixak ahal bezain ontsa lagüntzeko.

Igaran astean Barkoxen antolatü züen lehen eztabaida gaüaldialat 15 bat emazte hüillantü ziren.

Alkarteak badü 20 urte emazte entrepresabürüak lagüntzen dütüala. Berriki, beste sailetaz gain laborarixa geroz eta haboro hüillantzen zeitze.

Hartako, laborarixen arteko eztabaidak antolatzen dütüe lürralde osoan haien bizipenen biltzeko.

Ber zentzüan diagnostika bat eta inkesta bat ere egiten dütüe emazten leküaren hobeki konprenitzeko Ipar EHko laborantxan.

Maider Hoqui han günüan :