Kultura

: Kultura; 2020 Urtarrila 16; Bisitak: 173

Abdelkader pastoraleko mostrakak abiatürik!!

Ezpeize-Undüreineko, ta üngürüko herrietako 79 arizale, haurrak, eta beste lagüntzale edo ikusle hor ziren Apezetxeko artegian bibilkatürik.

Abdelkader pastoraleko mostrakak abiatürik!!!

Bakotxa bertset bat emaitez hasirik, kantore bat lantzen eta gero ürratsean ebilten iragan dütüe 3 oren.

Kargüak barantailaren 15ean eman gei dütü errejentak.

Harekin, arizale ta lagüntzaleekin elestatü gira:

: Kultura; 2019 Abendua 23; Bisitak: 192

Euskal herriko atlas geopoetikoaren bigerren edizionea agertü da!

Mixel Etxekopar-ek pusatürik, berriz ere Jean Christian Irigoyen, Pierre Vissler eta Patxi Lascarayekin ekipa egin dü Euskal Herrian kurritzeko.

Batak Mikro bat,besteak argazki tresna bat eta hirugerrenak lüma bat abentüra hortarik libürü baten elkitzeko, erreportaje radiofonikozko bi diskarekin.

Lehen libürüan Hendaia Iruna Bera Barkoxe edo Pagolan ebili badira oraikoan Bilbo, Senpere, Arano Gamarte Otxandio Ataun eta Izarrako herritarrekin jüntatü dira.

Izenak dion bezala bidaje geopoetiko bat gure Euskal HerriEn hobekin ezagützeko begiekin eta beharriekin..

Mixel Etxekopar:

: Kultura; 2019 Azaroa 28; Bisitak: 232

Etxahunen ekarpena nolakoa izan da?

Xiberoko hitzordüen aldetik, Eüskararen urtaroa ostiral arrats hontan ürrentüko da. Etxahun Iruri eta ützi düan ondarea dirate aipageiak. Hortako hitz eta kantoreak dirate ekeiak.
Aurten 40 urte eginen dü Etxahun Iruri koblakari, pastoral idazle eta kantore honzalea zentü dela.
Idatzi dütüan kantore eta pastoralen bidez egin düan ekarpenaz hitz egiteko bildüko dira : Jean Pierra Recalt, Lüxi Etxecopar, Allandu Etxahun, Mixel Arotze, Mixel Etxekopar, eta Maider Bedaxagar .
Parte harzale horiekin, eztabadatüko da zer ondare ützi deikün, bai eta aipatüko, egünko eüskal kültüran bere lanak zer ondorio üken düan.
Arren hitzordüa emanik da ostiral arrats hontan 8:30tan Iruriko herriko gelan.
Ttittika Rekalt-ek dü gaüaldia animatüko:

: Kultura; 2019 Azaroa 28; Bisitak: 324

Eüskararen ikastea kantorearen bidez

Mintza kanta ! Düala 2 urte Gotainen abiatürik, orai Mauleko Hebentik-eneala jinik da, dinamika sendotzeko baita zabaltzeko ere.
Zonbait hütsetik abiatürik, beste zonbaitek gaü eskolan ikasirik, kanpoan erabili edo eman nahi ; oro jüntatzen dira, kantoreen üngürüan.
Bena jakin trago batekin, eta bakotxak ekarten düan hatiarekin 2 orenak zale iragaiten dira beti.
Arren hitzordüa oroer zabalik "mintza kanta"-rentako astearte oroz Mauleko Hebentik-enean. Arrestiko 6etarik 8tara.
Mixel Etxekopar:

: Kultura; 2019 Azaroa 27; Bisitak: 207

Emazteen leküa dantzan..??

Ikustez, emazteer dantzatzea debekatzez ez diela kausitü, 'historialariek' üko egin düe lehen dantzatzen züela. Euskararen urtaroa’kari Sü azia elkarteak mintzaldiak antolatu dütü, azkena ‘emaztearen leküa euskal dantzan’ gaiaz. Oier Araolaza dantzari ta antropologoa hizlari. Bada 5 urte gaiaren üngürüan ikerketa lan bat eramaiten düela, gipuzko ta bizakaiko dantzetaz; bena ikusiko dügü xiberoaz ere badüala jakitate, baita buhame, kauter ta bestetaz. Haren ikerketari esker, dokumentü hanitxetan ikusi dü emazteak, gizonak bezala, bere leküa bazüela. OIer Araolaza: