XÜXENEAN ENTZÜN

Laborantxa - Üngüramena

Previous Next
Laborantxa / Üngüramena
Agerraldiak: 516

Estatü Batuetako Georgiako Unibertsitateak lan bat eramaiten dü azken urte hontan xiberoko hazlegoaren geroaz, projekzione desbardin zonbaiten egiteko.
Horrentako egünko hazle mota desbardinetarik partitzez, biharkoa nola izaten ahal datekean asmatü nahi dü.
Horrentako, ekologue, klimatologe, geografe eta antropologaz osotürik den talde bat bada, alkarrizketa eta beste lan zonbaiten egiten ari.

Kanbiamenak izanen beitira, izan klimaren aldetik, edo ere eritarzunen azkartzea…
Xiberoko Sindikataren lagüngoarekin dü lan hau egiten nahiz eta finantzamentüa osoa kanpotik horra den.

Simon Maraud Post Doctorant-a lan horren eramailetarik bat da :


Jakin lanaren berri emanen düe bilküra pübliko batetan üztailaren 4ean, Mauleko zerbütxügüneko Irati gelan.
Previous Next
Laborantxa / Üngüramena
Agerraldiak: 348

Etxalteen arrahartzeko arrenküra hanitx atzamaiten beitütüe laborariek, eta beste aldean, gazte hanitxek laborantxaren ganoa badüe bena etxalterik ala lürrik ez. Bena etxalte transmizionearen aisatzeko alkarteak lanean ari dira, adibidez "Trebatu" izeneko alkartea.

2 xede badütüe : lehena formakuntzak dira zoinetan gazteer ikastaldiak proposatzen dütüen. Bigerrena trebatze leküak dira, zoinetan jentea plantatzen ahal den 3 urtez arte etxalte batetan, ikusteko prestik direnez etxalte horren ala beste baten eramaiteko.

Beste alkarte zonbaitekin ere alkarlanean ari dira, izan dadin kontratüen atzamaiteko formatüer, lagüngoa administratiboentako, ala alkarlan egün horietan, kanpoko pertsona batekin ikasteko. Igaran urtean 12 formatü dira eta 8 pertsona trebatzeko leküetan ebili dira, horietako 1ak eküratü züan eta beste bat plantatü da lanean ari zen etxaltean (besteek jarraikitzen düe trebatzen).

Miren Harignordoquy :

Trebatu kontaktatzen ahal da Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. mailean en edo 06 49 43 49 42 zenbakian.

Previous Next
Laborantxa / Üngüramena
Agerraldiak: 732

Behi tuberkulosiaren aipamena berriz bazterrak iharrausten dütü. ELB sindikatüko eta 100 bat laborari Olorueko suprefetüran sartü dira ostegün goizan.
Prefetürak Martxoaren 17an izenpetü züen erabakia, mesüra zorrotzen inposatzez behi hazleer, Xiberoan eta Xibero kantüko eremütan. Mesüra horien salatzeko oküpatü düe Olorueko suprefetüra.

Benat Larrori han zen eta xehetarzünak emaiten deizkü :

Previous Next
Laborantxa / Üngüramena
Agerraldiak: 316

Ostegünean Urdiñarben, Eüskal Herriko Alkargoak oroer zabalik zen mintzaldi bat antolatü dü. Gei nausia, etxalteen transmisionea zen, eta horrek sortzen ahal dütüan galto ala traba oroer arrapostü hastapen baten emaiteko helbüra bazüen. Horrentako, hiruzpa lau alkartek eta organismok, bai eta lekükoen emaiteko laborari zonbaitek hitza hartü düe.

Haien artean Xabi Etxart Herri Alkargoko langileak transmisione mentsari bürüzko bere diagnostika lana presentatü dü. Gero PAIT (instalatzeko eta transmisionean lagüntzen düan organismoak) haien RDI (répertoire d’installation) webgünea partekatü düe. Ondotik SAFEReko batek haien etxalteen ebalüatzeko posibilitatea aurkeztü dü. Azkenik EPFLeko batek etxebizitzen arrenkürak aurkeztü dütü plantatü nahi düenentako.

Xabi Etchart :

Previous Next
Laborantxa / Üngüramena
Agerraldiak: 494

Muskildiko Arrokain etxaltean behikia, xahalkia, xerrikia eta ardikia tranformatzen düe eta hortaz gain düala 4 urte Lorea, etxalteko alaba, gaznatzen hasi da.
Hatsarrean Ossau Irati gaznarekin hasi zen, ondotik crottin aux epices izeneko gazna ttipiak, eta aurten berritze bat sortü dü, Mont d’or izeneko gaznaz ispiratzez.
Hola da sortü TTONTTOR izeneko gazna, salgei dena Xirikota saltegian eta Mauleko merkatüan neskenegünez

 

Xehetarzünak bildü dütügü :

  1. 200 pertsona Pauen Tuberkulosarentako
  2. Laborantxan transmisioneaz gaüaldi bat antolatzen dü Pitxu gaztetxeak
  3. Tuberkulosaren kontre berriz mobiliziatzen dira laborariak
  4. Iratiko oihanetan peztizida eta kozakor molekülak agertzen dira