Ligi Atherei egitzen den herria ! Bi merkatü antolatürik dira Athereien üda hontan herriko mozkin egileekin.
Gazna egile franko, urdanki, bixkotx ala oraino baratzeki eta frütü. Eskentza zabala izanen da berriz ostirale hontan 7orenetarik goiti Athereiko plazan.
Müsikaz eta herriko dantzariekin alageratürik izanen da arrakasta biltzen düan hitz ordü hori azken hiru urtetan.
Peio Quihillalt:
Xiberoko etxalteetan diren kabaleak üsü ardiak ala behiak badira, La Kabane a Kabris izeneko etxaltean ahüntzak dira nausi.
2023an Marion eta Arnaud plantatü dira Etxebarreko laborari etxe ohi batetan, ahüntz eznearen transformatzeko.
Gazna mota desberdinak proposatzen dütü.
Horrez gain Turismo bülegoarekin, ostegünez 1h30 eko bisitak proposatzen dütüe etxaltean.
Haien mozkinak salgei dira etxondoan, Gohetxean, Atharratzeko Casinoan bai eta ere Iratiko magasian.
Xehetarzünak Marion eta Arnaud-ekilan:
Igaran urtean lehentze egin zen « Andereen üztak » izeneko merkatüa. Ürrüstoi Larrabile eta üngürüko laborarixak eta artisauak bildü dira haien lanaren ezagütarazteko.
Hitzordua uztailaren 6an gaüko 6etarik aitzina merkatüarentako ondotik 9etan aiharia badukezue emazteen mozkinekin, eta gaualdia animaturik dateke triki sonü eta herriko dantzariekin.
Xehetarzünak Maider Uthurry Davant, antolazalearekin :
Bilgüne handiena, Sarikota Pean den « Mendixka » izeneko ondarkintegi edo dexeteria arrantolatüko da.
Orotarat 30 mila tona ondarkin tratatzen dütü güne horrek, erdia arra-erabilten ahal dena, eta beste erdia lürpealatzen ala leküz kanbiatzen.
Günearen arrantolatze bat izanen da hüllan 2 miliu euro kosteko düana.
2025ean Projeta bürütüko denean, biohondarkinak hots belhar eta zuhain ondarrak eta janari ondarrak baizik ez dira sartüko Mendixkan.
Baratzen direnak oro hots etxe hondarkinak Baionako Kanopian tratatüko dira.
Xehetarzünak Jean Michel Iroume-ekilan:
Laborantxa mota berri bat sortü da ibar esküinean.
Zitru eta iranja bezalako agrüma zühainak pusatzen ari dira Altzai eta Lakarriko sohoetan.
Veronique Coupé xiberoalat heltü da üsantzetarik kanpo den xede batekin; agrüma horiekin konfitürak egitea. Horrez gain, merkatüetan eta ostatüer saldü nahi lüke.
Véronique Coupé :
