Iragan astean, Txomin Peillenen xiberotar idazlearen testuen bilduma bat presentatü dü Euskaltzaindiak Sarako Idazleen Biltzarrean.
Joseba Sarrionandiak Peillenen ikerketak, ipuinak, artikülüak, hautatü eta bildü dütü libürü batetan.
Xehetarzünak Joseba Sarionandia idazlearekin :
Xiberoko Gazten poloak xede bat proposatzen dü gazteer apirilaren 22tik 26eala.
Eüskal hirigune alkargoko gazte zerbütxüa eta Sohütako herriak lagüntürik. Bi antzerki konpaniek ( Théâtre du Voyage Interieur, eta LUIT) Errejent, koregrafo, dendari eta sonü sorzale bat proposatüko düe gazteen lagüntzeko.
Xedea da aste batez ikusgarri delako baten prestatzea, emaiteko ondotik pübliko aitzinean.
Aipageia : 2170 urteko 10 gazte horra dira egüko biztanleen ezagützeko. Hen bizitzeko maneretaz, üsantetaz ariko dira oraikoekin konparatzez.
Antzerki, dantza, eta sonüak nahasi gei dütüe.
Hortaz gain ateleria bat proposatzen due püblikoarentako apirilaren 24an.
Florian Ploffoin, Gazte poloko animazalea :
Aurten, martxoaren 8 eta emazteen züzenen aldeko borroka egünaren kari deliberatürik izan da BRALEA KONTRAPAS dantzaren emaitera eta kantatzera Mauleko plazan neskenegünean, emazte genrazione oroen jüntatzeko.
Hartakoz hitz ordüa emanik da 11 renetan dantzaren eta kantore baten lantzeko Mauleko TOKIAko kasernan, horrez gain, libürüxka bat ageraraziko düe emazteen güdüken, kezken eta bizipenen aipatzeko
Xehetarzünak bildü dütügü Ihitz Iriart eta Claudine Arhencet, antolazaleekin :
Brale dantza handi bat emazte genrazione oroen jüntatzeko eman da martxoaren 8an Mauleko plazan.
Hori da xiberoko feministak taldeak proposatzen züan hitz ordüa
Alkartetik kanpo diren Pitxu gaztetxea bezalako beste antolazale elibatekin alkarlanean pentsatürik izan da.
Bralea kontrapas dantza eta kantorea emanik izan dira eta partekatzeko parada izan da hor ziren 100 bat emazteen artean
Horrez gain, libürüxka bat agerarazi da emazteen güdükak aipatzen dütüanak alkarlanean eraikik.
Orano edireiten ahal da tandem liburutegian Maulen
Mauleko plazara hüllantü gira :
Igan asteburuan Basabürüko ikastolako haur eta aitetamak OIhartzunerat joan dira hanko ihauteen ezagützeko.
Aspaldixkatik biazkatürik dira bi herrietao ikastolak eta partekatzeak egiten dira arrahinki.
Aurten Euskal Herriko ihaute esbardinak deskubritü dütüe haurrek : Altzaiko maskadakariak ikastolarat hullantü dira bena ere Gonzalo Etxebarria artista « Mozorro » erakuskaren aipatzeko
Aldi hontan Oihartzuneko Haurtzaro ikastolaren ganat hüllantü dira. Ihautetaz gain, eüskararen egoeraz eta mintzajearen esbardintarzünaz ohartu dira haurrak
Han ginen Ttittika gure lagüntzaleari esker:
