XÜXENEAN ENTZÜN

Hezkuntza

Ez da sekülan berantegi instrumentu baten ikasteko

Aste hontan izan da Xiberoko Müsika Eskolako ikasleentako sartzea eta hortaz baliatü gira aurtenko eskaintzaren ezagützeko. Pianoa, Gitarra, Trikititxa, Saxofoia, Bateria, Soinu tresna, Panderoa eta Klarineta ikasten ahal da eta audela lehen urtean 4 instrumentü desbardin esprabatzen ahal dira. Müsika eskola honen beste berexitarzüna da urte oroz ikusgarri bat muntarazten direla ikasleekin. Musiketa dantza izenekoa, aurten martxoaren 20 date. 3. proposamen berezia da Müsikoterapia, edozoin elbarri mental edo fisiko direnentako proposatürik dena, müsikaren bidez sendatzeko orenak proposatzen dütüe. 6 erakasle dira orotan 90 bat ikasleentako eta orano lekü zonbait baratzen dira instrumentü zonbaitentako interesatürik bazide. Xehetarzünak oro Soizig Pineau erakaslearekin :


Xehetarzün habororentako deit : 05 59 28 14 88 edo eskükoa : 06 07 43 20 72

135 ikasle San Frantses kolejio-lizeoan

135 ikaslekin San Frantsesen sartzea ontsa iragan da ; beste berritarzünekin. 100 kolejioan badira, 35 dira lizeo heinean. Igan urtean elebidün sailaren zabaltzea bazen berritarzüna, aurten jarraikitzen düe ; eta hola 4,5 eta 6.ekoen artean 15 ikasle badira. Azken berritarzüna kirol sailen abiatzea date. Azken 15 urteetan zaldi egiteko parada baldin bazen, urte hontatik aitzina karate eta pelota ere lantzen ahalko da. Karate saila ofizialki abiatürik bada, pelotarena dagün urteko date. Andre Larralde züzendaria :

Gaü eskolako izen emaitea zabaltzen da

Eüskararen ikasteko gogoa balin badüzüe gaü eskolako formüla züentako eginik da Gaü eskolak bere sartzea egiten dü setemearen 30an. Han artea, hilabete huntan izen emaiteak eginen dira. 10 orenetarik eguerdi eta erditarat eta 3ak eta erditarik 7ak eta erditarat züen izena emaiten ahal düzüe Herrietan ere jiten ahal dira eüskararen erakastera 6 herritar beno haboro nahiant badira. Metoda pedagogika bat da mintzatzean indarra emaiten düana ezkiribüan beno. Jakin behar da ere Lagüntzak badirela eüskararen ikasteko Patxi Patalagoity:

Altzaiko eskolaren sartzea

Gure eskolen üngürüa jarraikitzen dügü. Iragan astean Muskildi Urdiñarbe edo Sohütako ikastolatik igan ondotik, egün ibar eskuiñeko Altzaiko eskolalat gira hüllantzen. Elebidünez den eskola pribatüa da eta 29 haur badütü aurten Arrabotüa edo salarekin kantü kantüan ezinago untsa plantatürik dira eta sartzea egin dü iragan astean. Orai jadanik beren xede pedagogikoari pentsatzen düe, kantorea eta mündüko kültüraren üngürüan Marlène Irigoyen:

Postü erdi bat gütiago Eperra ikastolan!

Sartzea nola iragan da? lanpostü galtze horrek zer ondoramen dü? xede nausiak zoin dira? Horiek eta beste esplikatzen deizkü Oihana Larrandabürü züzendari berriak: Oihana Larrandabürü: