Previous Next

Omizepean plantatürik den 30 urteko alkarteak, aktibitate eta elkaldi hanitxen antolatzeko üsantxa hartü dü, jente oroentako. Iragan urtean adibidez, apairü, haurrentako eskülan, bidaje otobüsez eta treinez ala beste familientako elkaldi antolatü dütüe. Urtean zehar ere, talde bat biltzen da asteazken oroz kartetan txostakatzeko.

Jenteak harremanetan sartzeko eta jente horier hainbat gaüzaren deskubriarazteko helbürüarekin, ber maneran jarraikiko düe horra den urtean.

Lüxi Etxekopar :

Ondoko ateraldien xehetarzün habororen ükeiteko 0559288366 zenbakilat deitzen ahal düzüe.

Gas natüral bat da hau lürretan agertzen dena eta ezkapatzen dena egünan kurtsean. Ipar Eüskal Herriko 11 herri 3. mailako zonan ezarririk izan dira. Erran nahi beita Radon -ari kasu egin behar den herria. (Biriatu, Uruna, Ezpeleta, Sara, Arrosa, Orzaize, Lasa, Uharte Garazi, Arnegi, Hozta, Donaixti-Ibarre eta Santagrazi).
Radioaktibitate apal bat düan gas bat da hau eta horrek minbiziak ekarten ahal dütü lüzaz egoiten bagira kontaktüan horrekin. Tabakoaren ondotik, birikien minbizia sortzen düan 2. kausa da Frantzian.
Horren kontre jesto sinple bat bada egiteko leihoen zabaltzera egün oroz.
Halere noiztenka jesto sinple horik ez dira aski osagarrian ondoriorik üken ez dezen heinetara joaiteko, horrentako obra zonbait egiten ahal dira.

Hori oroen esplikatzeko, CPIE (ünguramen ikerketa eta pedagogia erakundeak) eta ARS (eskualdeko osagarri erakundea) agentziek proposatzen dütüe WEBinario bat.
Ostegün hontan (urtarrilaren 16an) arrestiko 5ak 30tatik goiti.
Izenaren emaiteko deitzen ahal da  05 59 37 47 20 zenbakiala.
Urtarrilaren 30ean ere bilküra pübliko bat egin gei da Uharte-Garazin non eta dosimetra zonbait banatüko diren jentek hen etxen neur dezen
Philippe Iñarra CPIE ko langileak haboro erraiten deikü : 

Previous Next

Arrokigan, Barkoxen, Eskiulan eta Ospitale Pean, « Elkarbidea » izeneko xedea sortü da, « Barkoxe Bizi » alkartearen ideiatik joaitez. Bere helbürüa ateleri ezbardinen proposatzea da, hala nola gitarra kurtsoak, argazkilaritza kurtsoak, eüskara kurtsoak, bizikletak arranjatzeko ateleriak, sorterroari (ala genealogia) lotüriko ateleria herri horietako historiari bürüzko mintzaldiak haurrentako istorio kontaketak bai eta permakültara ateleriak eta mendi ibilaldiak ere. Astean zehar permanentziak badira ere.

Iragan agorrilan hasi ziren pentsamentükatzen, lau herri horien biziarazteko manera bati eta egün arte erauntsi düe horietan jente andana bat hüilantaraztez. CAFak deliberatü züan ere haien lagüntzea, eta horri esker, gei düe jarraiki beste aktibitateak proposatzez.

Marcel Castège :

Xiberoan atzamaiten dire zerbütxüetan, badü urte zonbait orai Maider Dascon-ek masajeak proposatzen dütüala.

Maulen 2018tik instalatürik da kabinet batetan, masaje Kaliforniarrak edo hawaiarrak proposatzen dütü. Horien berezitarzüna besoaren aitzineko parte osoa erabilten düala masaje egileak, esküak baizik erabilteko partez.
Ber orientazione baten ondotik erabaki du lan hortara joaitera.

Edozoinentako egiten dütü, haurretarik adineko jenteala arte. Bere ustez masajeak urtean behin beno haboro errezebitü behar lüke korpitz bakotxak.

Maider Dascon :