Soziala - Osagarrigintza - Xiberoko Botza

: Soziala / Osagarrigintza; 2021 Apirila 14; Agerraldiak: 2013

Herriz herriko txertatze kanpaina bat antolatzen da Basabürüan

Düala 3 aste Astrazeneca pikotatzen hasi dira bedeziak bena txertoaren hornitzea oso gogorra da.

Maiatza hatsarretik goiti, aski galto baldin bada, herriz herriko txertatze kampaina bat plantatü gei da basabürüan, Pfizer txertoarekin.

Txertoa egin nahi düen 60 urtetik goi goitiko herritarrek, beren herriko etxea informatzea galteginik da. Herritarren numbrea bildü bezain laster, prefetüari txertatze igikor baten plantatzea galteginik izanen da.

Hortarako, binaka, bedezi bat eta erizain bat herrietako geletan kurritüko dira süehaileen kamiu batekin herritarren pikotatzeko.

Agathe Beuscar Atharratzeko bedezia :

: Soziala / Osagarrigintza; 2021 Apirila 08; Agerraldiak: 1258

APETAB alkarteak bere urteko bilana eskeini deikü !

Igan neskenegünean, Apetab edo Boliviaren aldeko alkarteak bere biltzar nausia egin züan.

2020an nahiz eta ekitaldi hanitx ezeztatürik izan ziren, sos biltze zonbaten bidez ekintzak egin ahal izan dütüe Bolivian.

Madouce Araguas-ek dena kontatü deikü :

: Soziala / Osagarrigintza; 2021 Martxoa 11; Agerraldiak: 1285

Olorueko ospitaleko informatika sistema piratatürik !

Mauleko ospitalea Oloruekoari lotürik da. Ataka hasi ondoko astelehen arrestitan (2021-03-08), Oloeueko eta Mauleko ospitaleen arteko konekzionea moztü düe. Arresti apalean, zerhelere Mauleko informatika sistemak ere moztü dütüe.

2 egünez ordenagailürik gabe lanean erauntsi ondoan, üsatü bezala lanean arra hasi dira asteazken arrestitan. Haatik, oranokoan ez düe internet baliatzen ahal.

Bena orokorrean, afera goizik hartürik izan denez Mauleko ospitalearentako ez dateke ondoramenik. Atakazaleek ez düe Mauleko ospitaleko egoiliarren osagarri informazionerik kausitü ahal izan.

Chantal Lassus-Pigat, Mauleko ospitaleko ordezkari ordea:

: Soziala / Osagarrigintza; 2021 Martxoa 18; Agerraldiak: 1272

Zentako aide kalitatea txarra zen martxo hatsarrean?

Hilabete hatsarre hontan aidearen kalitatea izigarri txarra izan da Xiberoan. Üsüan kozadüaren goratze horik üdan haboro igaiten badira, Saharatik horra zen hain batengatik goiz izan dira aurten.
Kozadüra indüstrietarik, berogailüetarik eta karreiüetarik horra da haboxienik eta heina izigarri azkarra delarik lanjoros izaten ahal da hanitxen osagarriarentako.
Atmo izeneko alkartea bada frantzian, aide kalitateaz axolatzen da eta egün oroz zenbakiak argitaratzen dütü.
Aholkatzen düe aide kalitate txarra delarik aktibitate fisikorik ez egitea eta osagarri arrenküra direntako ez elkitzea ere hen etxetarik.

Julie Gault Atmo-ko langilea :

https://www.atmo-nouvelleaquitaine.org

: Soziala / Osagarrigintza; 2021 Martxoa 05; Agerraldiak: 1188

Marrazki erakusketa batetan parte hartzen ahalko düzüe Mauleko merkatüan !

Anti Linky eta 5G kolektiboak marrazki erakusketa batetan parte hartzea proposatzen dü dagün neskenegünean, Mauleko merkatüan.

Herritarrek berritarzün teknolojiko horiek nola ikusten dütüen ikusteko parada izanen da, medio artistiko libre baten bidez. Kolektiboaren arabera, gizarte eta üngüramena azkarki hunkiko dütüe berritarzün horiek.

Xerbütxü püblikoetako harremana desagertaraziko dütü, bideo kamerak azkartüko. Dematerializazioak lür arpillatzea indartüko dü lehengaien biltzeko eta lano elektromañetikoa lodiaraziko. Huna marrazkien bidez jorratzen ahalko diren ideiak.

Marrazkiak aitzinetik prestatzen ahal dira ere bai, eta kiozka üngürüan erakutsirik izanen dira. Bestalde, « linkyrikez » izeneko webgünean ere bai agertüko dira.

Hitzordüa 10 orenetan emanik da, bihar, Mauleko merkatüan !

Kolektiboko Pierre Visler :