« Ontsa ene korpitzean, ontsa ene bürüan » mezüaren üngürüan Xiberoko haurrak, gazteak eta beren etxekoak kümit ziren iragan neskenegünean familien egünean parte hartzera. Sohütako herriko gelan eta eskola püblikoan zer nahi lankei, atelier eta ikusgarri proposatürik ziren. Familia hanitx hüllantü zen, haurtzaroaren üngürüan ari diren zer nahi alkarte edo egitüren ezagützaren egiteko, haurrak, bere gainti txostakatü zirelarik. Oso botzik agertü ziren antolatzaleak, parte hartzea hona izan beitzen. Ondoko aste eta hilabeteetan, etxekoentako formakuntzak eta beste hitzordü franko proposatüko dütü 'Le collectif Souletin' alkarteak. Odile Jungas 'Le collectif Souletin’-eko langilea :

Atarratzeko sü-ehaile güneko hiru etxekizale erretretalat joan dira, igaran aste ondarrean. 1980 hamarkadan hor sartürik, hiruek 30 urte beno haboro iragan düe. Tito Egozcuék eta Pierre Carrerek sü-ehaile gisa eta Jean-Yves Pribatek bedezi bezala. Epe lüze hortan, kanbiamen handiena ekarri düana “bip” delakoaren agertzea izan da. Lehen, deiadarra mintzatzen zelarik ez beitzakien zer eta non agitü zen, eta nor joaiten ahal zen. Orai, haatik, ‘bipper’ delakoan dena idatzirik da. 2017an 237 interbentzio egin dütüe Basabürüan, igaran urtean beno 30 haboro. Jakin behar da eskü hartzeetarik %80 jenteen lagüntzeko dela; gaintikoa süte eta beste. Oraitik aitzina, 19 dirate Atarratzeko kasernan. Eta jakin behar da nahiantak txerkatzen dütüela. Jean "Tito" Egozcué erretretaren harzalea:

Mauleko ospitaleko CGTko kide den Sandrine Malyk tratü txar institüzionala salatzen dü. Itxürakeria baizik ez dela lantzen dio, administrazioneak galtegiten dütüan paperak betatzez. Denborarik ez dela adinekoetaz axolatzeko, presaka ari direla, ez beita aski langile eta ez direla bürüzagietaz entzünik. Audela, Mauleko kasüan, bürüzagiak Mauleko eta Olorueko adineko etxeen ardüraren ükeiteak, ez dü afera aisatzen. Sandrine Malyri üdüritzen zaio, adinekoer behar den zerbütxüaren emaiteko, langiletarik hasiz, ardüradünetara arte, denek behar lükeela mobilisatü, estatüaren eretzean pezü habororen ükeiteko eta behar diren baliabideen ardiesteko. Egünko mobilisazionearen paradan, sindikatüetako ordezkariak Pauen errezebitürik dirate, ARS EsKüaldeko Osagarri Agentziako arduradünetarik. Sandrine Maly CGT-ko kidea:

Barantailaren 3an, Sohütan, Familien egüna antolatzen du Collectif Souletin alkarteak. « Korpitzean ontsa ,bürüan ere » lemaren üngürüan. Helbürüa delarik aktibitate güziak partekatzea familian. Alkarte andana jüntatzen dira egunaldiari, hala nula Goxama haurzain etxea, Tokia antzerki ateleria eta Collectif Souletin-eko partaide güziak. Egün osoan hitzordü desbardinak proposatürik dira ttipi eta handientzat, xehetarzünak galtegiten ahal dira telefona hontan 0651891747. Odile Jungas Collectif souletin alkarteko langilea :