Santa Grazin kokatürik den laminen ziloan beste balentria bat eginik izan da üztaila hontan. Leize ikerzale bolondres talde batek eraman lanari esker, bi gizon 140 metrolat lür pean joan dira eta lehentze da agitzen. Erran behar da, 1953tik goiti leize ikerlek ixeatzen düela gerogo eta barnago joaitea. 2009an 120 metrolat heltü züen eta aldi hontan 20 metro barnago joan dira. Holako lanen helbürüa da, hurren barnen edireiten den bizia ikertzea, harriak estüdiatzea eta ondoko urteetan orano barnago eta hürrünago joaitea eta jadanik eginik izan den kartografiaren garatzea prefosta.

Entzün Ruben Gomez Xiberoan den leize ikerlaria :

200 metrako lüja pista sintetikoa, V.T.T edo mendiko bizikletaz eraistea, 2000 metro goratarzünean den Arla kaskoala joaiteko telesieja, asto ibilaldiak, mini golfa, marmotak ikusteko parada, artzain etxoleen bijitak eta ibilaldiak, eskentza zabala proposatzen dü San Martiko Harriko lerragüneak üda hontan. Audela, denbora eijerrarekin bista paregabekoaren gozatzeko parada dükezüe. Inganio günea üztailaren 13tik agorrilaren 19ala zabalik date. Xehetarzün habororen ükeiteko San Martiko Harriko webgünean edo deit dezakezüe 05.59.66.20.09 zenbakiala.

Entzün René Erreçaret San Martiko Harriko lerragüneko süstazalea :

Bada urte bat "Haupa" enpresa sortü dela Maulen. Kolektibitate eta jatetxe ezbardinetan baliatürik den olioa biltzen dü enpresak, filtratzen eta ondotik, Lyoneko enpresa bati saltzen deio bio erregeiaren egiteko. Aurten, xede berri bat plantan jarri dü Haupak, etxeko olioa biltzeko tresna bat ezarririk izan beita Carrefour saltegiko aparkaleküan. Printzipioa xinple da, pinta bateko ontzi bat erosten da 2 eurotan Mauleko Herriko-Etxean, Carrefour saltegian, Dani Coiffure edo Authentique saltegietan. Botila bete ondoan, bekanikan ezarten da eta tresnak beste ontzi bat emaiten dü, hütsa eta xahüa. Tresna berri hori heben gaintin bakotxa da eta Gipuzkoako Eko3R kooperatibak dü sorarazi. Pascal Bidart "Haupa" enpresako bürüak beste herrietan holako tresnen garatzea xedea dü. Xehetarzün haboroentako, Haupa enpresa edo Mauleko Herriko-Etxearekin harremanetan jarten ahal zidee.

Entzün Pascal Bidart Haupa enpresako bürüa : 

2150 euroko txeka bat esküratü düe bedera “Le panier souletin” eta “Les amis du château » alkarteek. Crédit Agricole Eskualdeko Kesak dütü proiektü berri ürgaizten IDL lagüntzen bidez. Orotarat, lau xedeak izanen dira lagüntürik, behinkoz « Le panier souletin » eta « Les amis du château » eramaiten diren xedeentako. Mementoko, laborantsa sailan lagüntza güti balinbada, kültür, sozial, ekonomia edo arkitektüra sailan lagüntza zonbait esküratzen ahal dira.

Entzün Juju Erbin Maule eta Atharratzeko Credit Agricoleko lehendakari ordaria :