XÜXENEAN ENTZÜN

Hezkuntza

Mauleko  « Xübükota » izeneko haurzaingiak, Xiberoko "lehu" bat errezebitü dü. Urte oroz bezala, « Crédit agricole » banketxeak bere Xiberoko "lehu sariak" eskentü dütü. Aurten, eüskarazko haurzaingia ohoratürik izan da. 2016ko urtarilaren 4an hasirik, bada urte bat iraganik Xübükota haurzaingia ebilten dela. 7 haurrekin abiatürik, egünko egünean 12 haur dira. Gaüza izigarri baikorra da ez beitüe haboro lekürik hilabete zonbaitez. Haatik, min egiten deie familia zonbaiten galtoer ez erraitea.
Lüxi Agergarai :

Neskenegün goizan, Ligi-liginagako eskola botingoaren geroaren aipatzeko bilküran, Santa Graziko aitetama zonbait agertü dira, bai eta, Jocelyne Dejoux, hezkuntza nazionaleko ikuskaria ere. Santa Graziko eskola, arauez saiheste berezi bat uken dagün urtean zabalik etxekitzeko 6 ikaslerekin. Aüzoko herrian den Ligiko eskola botingoak aldiz, 19 ikasle baizik ezüukeitea arriskatzen dü. Horrek 2 geletarik bat galaraziko lüke. Egün, astelehenarekin, Akademmian eginen den bilküran deliberatüko da, ea bi gelak etxekirik izanen direnez ala ez. Jocelyne Dejoux ikuskaria aski baikor agertü da hortaz. Bere ustez bi gelak etxekirik izanen dira. Bena halere, hebentik bi urtetara, eskola botingoaren geroaren segürtatzeko, Santa Grazik hortan sartü behar lükeala erran dü. Dena den, Liginagako eskola botingoaren geroa arresti hontan jakinen da, hori guziaren, aitzina asmatzeko, bilkura zonbaitetan bildüko zirela hitzartü düe. Herri deskart horietan, karreiatzeek antolaka berezi bat behar beitüe, eta herri bakoitxak nahi beilüke bere eskola zabalik etxeki.
Jocelyne Dejoux, Hezkuntza nazionaleko ikuskaria :

Alozen, Inganiogüne eta Basabürüko ikastolarekin lan bat eraman düe Angeluko Cantau lizeoko « Design » saileko bost ikaslek. Cantau-eko ikasleer galteginik izan zaie eraikuntza baten asmatzea, bizikleta eta txostagailüen aterbetzeko eta holaz dira 16 xede presentatü Eüskal Alkargoari, Aloze-Ziboze-Onizegaineko Herriko Etxeari eta Basabürüko ikastolari. Ikasurte hatsarretik xedea eramanik da eta lizeoko ikasleak jin dira Xiberoaren ezagützaren egitera, üngüramena,  eta kültüra sailetan. Hortan bermatüz beren egitasmüa asmatü düe eta 16 lanetarik bat haütatürik izanen da ondoko egünetan .
Léa Usandisaga Cantau lizeoko:


Maider Zarazola ikastolako erakasla:

Jean Pelle Iriart Aloze-Ziboze-Onizegaineko aüzapeza:

Dagün eskola sartzeaz eztabadakatzeko, Ligi-Liginagako RPI-a edo eskola botitzearen bilküra bat antolatürik da neskenegün goiz hontan (2017/02/11). Hortara kümit dira Liginaga, Hauze, Etxebarre, Ligi bai eta ere Santa Graziko eta Larraineko etxeko eta haütetsiak. Santa Grazik eta Larraineko eskolek zabalik egoiteko baimena ükenik, Ligi-Liginagako RPI herriarteko eskolak klase bakoitxekoa bilakatzeko arrisküa dü ; jakitez 20 ikasle dütüala. Bilküra Liginagako eskolan date, neskenegun goizan 10:30tan, Akademiako lürralde ikuskaria ere hor datekealarik.
Lacq anderea, Ligiko aitetamen alkarteko bürüzagia :

Turismaren garapenarentako, internetek geroago eta haboro inportantzia badüala ikustez, Eüskal Mendialdeko Turisma Bülegoek atelier nümerikoaren lantzeko ikasgiak antolatzen dütüe beren kideendako. Hala, badü hiru urte Eüskal Mendialdeko Turisma Bülegoek turisma sailean lanean ari direnak lagüntzen dütüela, internet eta bakoitxaren webgüneak nola egari behar diren erakusteko. Lehen ikastaldia astearte hontan date, goizanko 9.30tarik 12.30etara, Donibane Garaziko Frantsesenea lizeoan. Internet sarean klientak nola ebilten diren edo internet nola erabilten düen erakatsirik date egün hortan. Ostegünean ere hori erakatsirik date, bena, aldi hontan Donapaleüko Indar lankiagünean.
Maite Hontas Erbin antolatzalea :