Urte oroz bezala, Tipiñakoa egin da Xiberoko Gaü Eskolak antolatürik. Aldi hontan, Xiberoko Gaü Eskolako kideak eta beste jente hanitx Ozaze herrian bildü dira egün goxo baten igaraiteko. Goizan, 13 taldeek axurkia adelatü düe eta 120 jente beno haboro bildü dira egüerdiko bazkarian axurki salsa ezbardinen txestatzeko. Bazkariaren ondotik, Pierre Visslerek bere aktür ganoa erakutsi dü « No future » eüskarazko antzerkian eta gaüaldia ezinago ontsa ürrentü da antolatürik ziren kontzertüekin. Prefosta, Tupiña berri bat badate dagün urteko, artean, Gaü Eskolak jaraikiko dü bere helbürü nausiarekin : Jentea eüskaldüntzen eta Eüskara maitarazten ! Gogoan etxek dezagün ere, Gaü Eskolak bere urteko ikastaldia antolatüko düala agorrilaren 1etik 6ala Mendikotan. Parada berri bat eüskararen ikasteko eta eüskaraz gozatzeko !
Entzün Jef Goihenexpe Xiberoko Gaü Eskolakoa :
Entzün Jef Tipiñako erabazleak izentatzen :
