Denbora ederra lagün, jente andana ejerra agertü da atzo, agorrilaren 22an, Atarratzeko plazan antolatürik zen gazna feidala. Berrogeita hamar bat mahain herrokatzen baziren, nor bere salgaiekin, 22 ziren gazna baizik eskeintzen ez zütenak. Gazna hona egiten dakinak beti saltzen dü, baina erosleek ez dütüe zatika baizik erosten orai, bekan osoak. Gainera departamentüan gero eta haboro dira eznea gaznatzen düenak. Ondorioz laborariak behartürik dira beren merkatüaren geroago eta hürrünago edireitera. Merkatüen zabaltzeaz gain, laborari hainitxek üdara iragaiten düe beren etxaltearen bijitarazten turisteri, bai eta kostaldealat bidajatzen, beti beren gaznaren ezagütarazteko xedez....
Entzün Johañe Etxebarne Atarratzeko laboraria :
Gazna lehiakan sarixtatüak izan dira, Xiberoko ardi gazna sailan, Atarratzeko Françoise Pitrau, Biarnoko ardi gazna sailan, Lourdios-eko Julien Lassalle eta ahüntz gazna sailan, Baretous Landa-ko Besset.
Entzün Erramun Minondo epai mahainako kidea :
