Ekonomia - Turismoa - Xiberoko Botza

: Ekonomia / Turismoa; 2025 Otsaila 07; Agerraldiak: 1003

Eraikuntzako berritze lagüngoetan zer kanbiatzen da züentako 2025ean?

Eraikuntzako alorra inkiet da geroarentako…
Etxe berri gütiago eraikirik dira eta berritze lanen plantatzeko ürratsak ez dira uste bezain aisa eginik.
Isolazionearen hobetzeko lan handiak eta berotzeko tresnak dira lagüntürik « maprim renov » primaren bidez.
A eta F hizkien artean behezik dira alokaidatü nahi diren alojamentüak, eta dagün urtetik goiti D etiketaz goiti diratekinak ez dirateke haboro alokaidatzen ahal.

Halerik ere, hatsarre batez mehatxatürik izan bada, azkenean lagüngoak hein berxean baratüko dira 2025eko.
Kanbiamen ttipietan : hilabete sari gorenak ez dira hain beste lagüntürik izanen eta sütondo zerratüak gütigo lagüntürik izanen

AMETXECO entrepresako bürüa, Maider Larrori:

: Ekonomia / Turismoa; 2025 Otsaila 05; Agerraldiak: 889

Te salu armeniar bat Atharratzen

Haragitegiaren parean instalatü da « Madeleine » Liana eta Agoba armeniarren te salua. Armeniako espezialitateak bena ere hebenko biskotxak egiten dütüe. Tea, kafe edo txakolata edaten ahal da eta leküan berean jaten edo etxeat ekarten. Ondoko asteetan egüerditan "snak" gisan ogitartekoak eta plat sinpleak proposatüko dütüe.

Liana eta Agoba :

: Ekonomia / Turismoa; 2025 Urtarrila 22; Agerraldiak: 1097

Espartina ateleria berri bat zabaltüko da Maulen

Badü aspaldi ez zela halakorik igaran !

Espartiñen egiteko ateleria berri bat sortüko da Maulen !
Zerratze zonbait izan baziren azken hamarkadetan, Nicolas Ferreira De Sousa Beskoiztarrak erabaki dü espartiñetan prodükzione güne baten egitera Maulen.
Badü urte zonbait oskigintzan lanean ari dela, La loka emaztentako espartiña bat sortü züan eta Lepine konkurtsoan zilarrezko medaia irabazi züan ere 2021an. (Zankoari moldatzen diren oski mota bat asmatü beitzüan sokarik gabe estekatzen zena.)
Arsene espartiña marka arrahartü züan 2022an eta geroztik zonbait egiten dütü bere etxetik.
Mauleon markan sartü gei da. Momentüko Zetoiles ateleria baizik ez delarik hortan.
Xehetarzünak Nicolas Fereira de Sousa ekilan :

Bere ateleria martxo ürrentzean zabaltzea espero dü berantenik.
Italiar bekanikekin josten daküan langile bat txerkatzen dü ere. Interesatürik bazide Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. maileala igorten ahal düzüe haütagintza.

: Ekonomia / Turismoa; 2025 Urtarrila 31; Agerraldiak: 857

7 miliu euro Gurs-eko zerrategiko memoriaren biziarazteko

Auswich-en deskubritzearen 80 urteak ospatzen diren denbora horietan, urtarilaren 20an François Bayrouk estreinatü dü Gureseko xede anbiziotsüa.

Hanko parkean 60 000 pertsona zerratürik izan dira 1939 eta 1945 artean. Frantziak Espaniako errepüblikar iheslariak, jente baztertüak eta europa zentraleko jüdüak bildü zütüan hor.

Geroztik zurrezko etxolak desagertü dira eta bisitazaleentako, hilherria aparte, ez da gaüza handirik ikusteko.

Hartako interpretazio güne bat eraiki nahi da.

Robert Elizondo Ikerzaleak alkartekoak projeta jarraiki dü :

: Ekonomia / Turismoa; 2025 Urtarrila 08; Agerraldiak: 970

16 000 bisitarekin, sasu hona izan da La Vernan

COVID lehenagoko marka hautse du La vernako harpeak !
2010etik zabalik den güne hau bere markak hautse dütü aurten. 15000 bisitari ez bazüeen gaintitü azken 5 urtetan aurten urte hona izan da.
Ohitarazten ahal dügü ere 2024eko hatsarrean, bortüan elürra mentsa beitzen jente haboro joan ziren bisitatzera.
Halere beti handitzea ez düe espero, 18 000 bisitazale maximum bezala ikusten düe momentüko.
Jakin behar da 15 urtez züzendari izan ondotik, Jean François Godart ek bere leküa ütziko dü erretretala joaiten beita üztailan.
Jean François Godart La Vernako züzendaria :