- Ekonomia / Turismoa
- Agerraldiak: 1783
Serrano entrepresaren bürüzagia kanbiatü da
Mauleko Serrano neguko xapina edo pantoufla egingia, arrahartürik izan da 2016. urte urrentzean. Arraharzalea ez da batere modaren mündükoa, bena honenbeste bat entrepresa joanarazi dütü jadanik, hala eraikuntzan nola aholkülaritzan. Bere xedeetarik bat internet-en bidez saltzeak goraraztea da. Serrano entrepresak 15 langile dütü, urtean 1.500.000 euroko saltzeak egiten dütü, 260.000 xapina saltzen dütüalarik, “charentaise” motakoak. Bere merkatüa Frantzia osoan hedaturik da.
Pinson jauna, entrepresa bürüa :
Bildozeko Biltegia ostatü, jatetxe eta trinketa arrazabaltürik izan da. Jadanik uste beno arrakasta handiagoa bildü dü. Hala, egün oroz, 15 eta 25 bazkariren artean egiten dütü, 40 jentetako saldoak ere hüllantü direlarik. « Etxen bezala » da Biltegiko leloa, ez dü kartarik bena ahal düena oro egiten du jileak kontent arra joan ditean. Martxoan pala txapelgoa abiatuko da, bi hein gizonendako eta bat emazteenako. Izen emaiteak barantailan hasiko düe. Berantago postagüne bilakatu nahi lizate, eta egünkariak ere salgei ezarteko ahaleginak egiten dütü.
Aurtenko beren urte hatsarreko agiantzetan jakin da Ligiko Shem hidroelektrizitate edo hurarekilako argindar lankiak 100 urteak ospatüko dütüala. 2016. urtea idor izan bada ere, Ligiko hurtegia ttipi delakoz, ez da hanitx honkirik izan. Bestalde; bere antoladüra kanbiatü dü, deszentralizatü beharra beita. Hola zalheago arrapostü emanen düe beharrüne berezier. Azkenik, bi miliuko euroko lanak egin dütüe 2016an, aurten 4 miliukoak egitekoak dütüelarik. Segürtantxa hobetzeaz gain, Santa Grazi eta Ligiren arteko hodia kanbiatüko düe, besteak beste.
Xiberoko Crédit Agricole diharü-etxeak, urteko gorabeherak presentatü dütü eta Xiberoko lehuak eman dütüe bi entrepreser eta kirol alkarte bati. Urte hona izan da, jesaiteen aldetik emendatze bat izan delarik. Hala 34 miliu euro perestatü zen iragan urtean eta aurten 37 miliu ! Hori marka hona dela uste dü bankak, erran nahi beitü lana badela sail desbardinetan, etxegintzan, entrepresetan, bai eta laborantxan ere. Iragan urtean 18 gazte instalatü dira laborantxan, aitzineko urtean 9 zirelarik. Bestalde, bankaren biltzar nausian, internet sarearen inportantzia aipatü da, Patricia Pourrillou-ren jakilegoarekin.
Frantzian gainti, 5 000km kurritü bizikletaz, etapakal, espartiñak saldü, eta irabaziekin, Afrikako Ginean exker pareta bat eraiki Artatze Etxe batekin batean.