Nazioarteko alkartarzünaren astea zen iragan astean. Parada horrekin, Berrogaineko Bixta Eder lizeoak ikasleen ohartarazteko egünaldiak antolatü dütü, bizigia prekarioetaz. Aste osoan, lizeoko 330 ikasleak iragan dira etxola batetarik. Etxola hori Filipinetako praubeen etxe baten üdürikoa zen. Hola ikasleek xüxenka ikusi düe zer baldintzetan bizi diren hanitx. Bestalde, ostegünean foro bat antolatürik zen Ipar Eüskal Herriko 10 bat alkarterekin. Egün osoan, Lizeoko ikasleak taldeka igaran dira alkarteen ezagützaren egiteko. Erakasle bat :

Nazioarteko alkartarzünaren astea date dagün astean. Parada hortan Berrogaineko Bixta Eder edo LARPS lizeoak egünaldiak antolatzen dütü azaroaren 20etik 24ala. Egünaldien aipageiak ipar/hego harremanak eta bizigia txarren üngürüan dirate, helbürüa delarik ikasleen ohartaraztea. Hortarako, Filipinetako praubeen edo gabezia gorrian direnen kartiel bat plantan emanik date lizeoan berean. Lizeoko eta San Frantses kolegioko haurrak oro taldeka iraganen dira delako kartiel hortarik. Horrez gain, ostegünean forum edo informazione trükatze bat antolatürik date alkarte hanitxen parte hartzearekin. Christophe Gaget LARPS-eko zuzendaria :

Zerbütxü püblikoetako hainbat langilek eüskara ikasten düe lan denboran. ‘Xede' taldeak deitzen dira horik eta 2013an abiatü ziren Xiberoan, 8 ikaslerekin. Aurten, 20 ikasle dira, 123 direlarik Ipar Eüskal Herri osoan. ‘Xede' taldeetako eüskara kurtsoak ikasleer egokitürik dira. Hala, haurzainek, administrazioneko edo turismako langileek beren lan denboraren arabera ikasten düe eüskara. Maritxu Lacarrieu eüskara garazalea :

Atarratzeko kolegioko elebidün saileko 5 & 4.ekoak Bizkaiarat joan dira bidajez. Eüskaraz mintzatzeaz gain, bisita zonbaiten egiteko parada ukan düe. Eta lan sail desbardinetaz alkarrizketa zonbait egin dütüe. Hots kasetalari lanetan erauntsi düe 4.eko ikasleek. 5.ekoak argazki hartzen ari zirelarik. 4. ikasleak :