- Hezkuntza
- Agerraldiak: 1745
Interneti trebatzeko ikastaldiak antolatürik dira !
Turismaren garapenarentako, internetek geroago eta haboro inportantzia badüala ikustez, Eüskal Mendialdeko Turisma Bülegoek atelier nümerikoaren lantzeko ikasgiak antolatzen dütüe beren kideendako. Hala, badü hiru urte Eüskal Mendialdeko Turisma Bülegoek turisma sailean lanean ari direnak lagüntzen dütüela, internet eta bakoitxaren webgüneak nola egari behar diren erakusteko. Lehen ikastaldia astearte hontan date, goizanko 9.30tarik 12.30etara, Donibane Garaziko Frantsesenea lizeoan. Internet sarean klientak nola ebilten diren edo internet nola erabilten düen erakatsirik date egün hortan. Ostegünean ere hori erakatsirik date, bena, aldi hontan Donapaleüko Indar lankiagünean.
Maite Hontas Erbin antolatzalea :
San Frantses kolejioak bere barnategi berria estrenatü du asteazkenean (2017/01/11). Horrentako Jano Etxetok erretorak benedikatü dü. Barnategiaz gain hegla oso bat arraberitü düe, bai eta ere barrioa eta komitateak ere. Eskola pribatü katoliko hanitx hüsten ari badira, San Frantsesen güti gorabehera ber heinean baratzen dira. Hortarako xede pedagojikoa arraberritü düe, arte martzial ala dantza proposatzez eta süstut arrakasta hanitx düen zaldi ikastaldia. Horrek, bereziki, jentea hürrüntik jinarazten beitü.
Xiberoan eztabada edo mintzaldi animatzalerik ez da. Azken hilabeteetan Xiberoa Herri alkargoa, Azia, Odace eta Collectif Souletin alkarteek Honki Jin izeneko eztabada-gogozkaldiak antolatü dütüe Xiberoko lau herritan. Bena Kanaldudeko Pantxika Maitiak, hots baxenabartar batek dütü horik animatü. Audela, gei hori Xiberoan gainti beste herri hanitxetan eraman nahi düe. Haatik, animazalea xiberotar bat izatea hobeki lizatekeala ohartürik, erabaki düe ikastaldi baten antolatzea. Hortarako interesatürik diren dozena bat jente bildü dira Pantxika Maitiarekin ikastaldi baten jarraikitzeko. Hori igaran astean iragan da Gamere Agerrean. Ikasia praktikan emanen düe dagün ostegünean, hots abentüaren 8an antolatürik den telebista emanaldi plantatzean edo "plateau" delakoan. Ezen, egünaldi bat plantatürik date Aldudeko Ibarreko eta Hergarai Bizi alkartekoekilan, kartiel haietan ere Honki Jin eztabadakaren gisako gogoetaldi bat eramaiten beitüe. Eta egünaren ürrentzean ondorioztatze bat eginen da telebista aitzinean; eta hebenko bai hanko animazalekila. Hitzordüa Irabarneko jauregian, arrestiri apaleko 18.30tan.
Bazter eder eta kültür ohidüra indartsüak dütüalakoz da Xiberoa erakargarri. Hori da agertü, Odace, Herri Alkargoa, Azia, eta Collectif Souletin egitürek eraman dütüen biltzar püblikoen emaitzetan. Xiberoko 4 herritan dira biltzar pübliko horiek egin, « Honki jin Xiberoala » lelo pean. Üngürümenaz eta kültüraz gain, Xiberoak alkarte sare indartsü baten ükeiteak, kanpotiarren hebenkotzeko balio dü, eüskararen jakiteak balio düan bezala. Gaüzen agertzen horrek, ñabardürak ere badütü, alokairatzeko diren etxeak ez badira kario ere, ez dira beti traza hoberenean, eta lan egiteko paradak ez dira üsü diplomaren araberakoak, lansariak bestetan beno apalagoak direlarik. Algarganatzeko leküak ere galtegiten dira. Lan honen ondoko ürratsa da, leküko bolondresen edireitea, kanpotiarren hebenkotzearen lagüntzeko…
Ürrietaren 3az geroztik, Xiberoko Gaü Eskolak abiatürik dira. Aurten 63 ikasle badira, adin eta sorterri orotarik. 4 maila edo heinetan banatürik dira ikasleak, beren eüskara ezagüpen heinaren. Maulen berean 6 talde baldin badira, bi hortik kanpo dira. Barkoxen eta Atharratzen talde bedera beitira. Bestalde oritarazi behar da 2017ko apirila hatsarrean Korrika igaranen dela. Hor datekeala-eta, aste kültürala eta zernahi besta antolatürik dirate. Patxi Patalagoiti :