Larps lizeoko terminaleko ikasleek Tokia antzerki konpainiaren lagüntzarekin, frantsesezko antzerki bat emanen düe ostegün gaian Maulen gaindi.
Errefüsiatüen gaia düe haütatü beren antzerkiarentako. Errefüsatien ibilbidea hanitx aipatürik da hedabideetan, bena aldi huntan errefüsiatüen geia ezberdinki aipatüko da.
Antzerki bat beno, ibilbide bat dateke Tokia kompainiako kasernan abiatüko dena. Gela edo sala esberdinetan errefüsiatü zonbaiten ibilbideaz sentsibilizatze bat eginik da, arte sorkuntza hanitxen nahastez, izan soinü, marrazki, antzerki edo orano bideo.
Ximun joan zaikü mauleko Tokia theatre elkartearen kasernara, elkartekoen lagüntzarekin han beitzien Larps-eko ikasleak, lanean :

Biltzar nausia egin dü Sohütako ikastolak. Haur, erakasle eta langileen heina beti goiti joaiten da. Aurten 6 erakasle, 4 langile eta 111 haur badütüe, eta ondoko hilabeteetan beste zonbait sartü behar lükie orano.
Urtean 250.000 euroko aintzinkontüa düe, beraz gastatze hanitx, eta bereziki etxekoen lan eta ekarpenari esker dena joanarazten düe. Bena ekonomikoki oreka edo plomüa ediren balin badüe, orai haboro aintzinatü nahi dira.
Langile eskazean dira, euskararen presentzia azkartzeko. Jüstoki hori da biltzar nausitik elki den xede nausia, eüskararen erabilpena handitzea. Hortako langileen lanaz bestalde, aitetamer eüskara erakasteko ahaleginak eginen dütüe.
Bestalde, dagün urteko Herri Urratseko jauntsietaz gozatzeko parada düzüe, Maulen iraganen den Egüberriko merkatüan Sohütako ikastolako etxekoak hor izanen beitira, 10etarik 17tara.
Azkenik jakin Olentzero aurten Atarratzen datekeala abentüaren 19an goizanko 10etarik aintzina.
Eric Etxart, Sohütako Ikastolako lehendakariarekin ondoko ürratsak aipatzen dütügü:

Hiru Guinearrek formakuntza tekniko bat jarraiki düe Mauleko Champo lizeoan; helbürüa delarik, beren herrian lürra hobeki baliatzea eta bekaniken arrenjatzeko jakitatearen biltzea.
Mauleko herriko etxea eta alkarte zonbait jüntatü dira esperrientziari, eta hori esker, 3 hilabetez kitorik errezebitürik izan dira eta kitorik ere jarraiki düe formakuntza.
Orai, hiru ikasleak berriz joan dira eta heben ikasia baliatüko düe, halerik ere, jarraikirik izanen dira « Les enfants de l'Aîr » izeneko alkartearen ganik.
Jean Bourdaa, Champo lizeoko züzendaria:

Urteko zorren betatxatzeko xedez, Sohütako Eperra ikastolak bai eta Alozeko Basabürüko ikastolak, Ikaskoli izeneko koli edo saskiak saltzen dütü: horietan leküko ekoizpenak edireiten dira. Beste Helbürü bat da ere leküko mozkinen ezagütaraztea.
Bi saski mota badira : bata Ahüzki izenekoa 40 eurokoa, bestea Irati izenekoa 60 eurotan. Azken honek axoa du haborokin, bestelan biek Ahate gibela, ardi gazna, arroskilla eta eztia dütüe.
2003az geroz Egüberri hüllantzearekin Ikaskoli hori egiten düe, sos horrekin ikastolen urteko sos gastatzearen 100 %5 pakatzen dü. Jakin Etxekoek finantzazioaren % 30 betatzen düela eta administrazioak %20. Beste partea, hots finantzazioaren erdia jendarte ekimenen bidez egiten da.
Abendüaren 4a arte manüak egiten ahal dirateke Ikaskoli webgünearat joanez edo mail baten bidez Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbiderat. Saskiak abendoaren 12an igorriko dütüe.
Benat Etxebest, Sohütako Eperra ikastolaren etxekoa: