XÜXENEAN ENTZÜN

Hezkuntza

Champo lizeoaren borten zabaltzea ere neskenegün hontan dateke. CAP eta Bac Pro proposatzen dütü bekanika sailean, izan dadin antolatzeen egiteko edo erbilkarako. Borten zabaltze hori esker, ikusten ahal dateke zer formakuntza mota eskentzen düen, bai eta ere zer baldintza honetan ikasteko paradak badire ere. Bastimentüak planta honekoak eta tresneria haütüa beitütüe. Zinez konta da ere, erakasle eta besteekilan elestatzea, ikusteko haurrarentako zer den hoberena hots CAP ala BAC pro batetara abiatzea. Borten zabaltze honek goizanko 09:00etaruj 12:00etara eta arrestiriko 14:00etarik 17:00 etara iraünen dü.
Thomas Lecoeur erakaslea :

Basabürüko ikastolan, borten zabaltzea düe neskenegün goiz hontan. Audela, aitzineko urtetik, ikastola berri berria düe Alozeko plaza kantüan. Ikastola, düala 40 urte abiatü balin bazen, 2005etik goiti baizik ez ziren agitü lehen mailaren ondoko gelen zabaltzea. Orai bada 5 urte, kolegioaren aitzineko urteak oro Basabürüko ikastolan berean egiten ahal direla. Orotara, 37 ikasle dira, 21 lehen mailan eta 16 bigerrenean. Hortarako, 3 andereño dütüe, biga eüskaraz denbora osoz eta hirugerrena frantsesez ¾z. Borten zabaltzea goizanko 9:30etarik 12:00ak arte iraünen dü.
Maylis Uthurry eta Joana Arhancet :

Mauleko  « Xübükota » izeneko haurzaingiak, Xiberoko "lehu" bat errezebitü dü. Urte oroz bezala, « Crédit agricole » banketxeak bere Xiberoko "lehu sariak" eskentü dütü. Aurten, eüskarazko haurzaingia ohoratürik izan da. 2016ko urtarilaren 4an hasirik, bada urte bat iraganik Xübükota haurzaingia ebilten dela. 7 haurrekin abiatürik, egünko egünean 12 haur dira. Gaüza izigarri baikorra da ez beitüe haboro lekürik hilabete zonbaitez. Haatik, min egiten deie familia zonbaiten galtoer ez erraitea.
Lüxi Agergarai :

Xiberoko Laborantxa eskolak beti arrakasta badü : 340 ikasle, 4 baxo profesional desbardinekin eta 55 langile eskolaren joanarazteko behar bezala. Egin berri den biltzar nausian,  barnategi baten altxatzeko xedea presentatürik izan da. Eskola honek, kolegioko azken bi urteak egiten dütü eta 4 baso profesional: adinetako jenteen lagüntzeko, laborantxa orokorra, kabale salgietan lan egiteko, eta azkena, txakürren hazkuntzarentako. Akitaniako eskola bakoitxa denez txakürren hazkuntzaren saila eskentzen düana, ikasleen gehiengoa sail hortan da. Lehenagoko bederazkatzeari konparatzez, lanborantxa saileko ikaslegoa ttipitüz joan da. Bestalde, orai artino Agerrian antolatürik zen barnategia ordezkatürik date. Eskolak, barnategiaren eraikuntza plantan ezarriko dü eta 65 ikasle hartzen ahal dütüke. Emaitzen aldetik, aski honak dütüe. Azken urtean, ikasleen  %87ak bere diploma üken züen.
Julien Bercaits lehendakaria :

Neskenegün goizan, Ligi-liginagako eskola botingoaren geroaren aipatzeko bilküran, Santa Graziko aitetama zonbait agertü dira, bai eta, Jocelyne Dejoux, hezkuntza nazionaleko ikuskaria ere. Santa Graziko eskola, arauez saiheste berezi bat uken dagün urtean zabalik etxekitzeko 6 ikaslerekin. Aüzoko herrian den Ligiko eskola botingoak aldiz, 19 ikasle baizik ezüukeitea arriskatzen dü. Horrek 2 geletarik bat galaraziko lüke. Egün, astelehenarekin, Akademmian eginen den bilküran deliberatüko da, ea bi gelak etxekirik izanen direnez ala ez. Jocelyne Dejoux ikuskaria aski baikor agertü da hortaz. Bere ustez bi gelak etxekirik izanen dira. Bena halere, hebentik bi urtetara, eskola botingoaren geroaren segürtatzeko, Santa Grazik hortan sartü behar lükeala erran dü. Dena den, Liginagako eskola botingoaren geroa arresti hontan jakinen da, hori guziaren, aitzina asmatzeko, bilkura zonbaitetan bildüko zirela hitzartü düe. Herri deskart horietan, karreiatzeek antolaka berezi bat behar beitüe, eta herri bakoitxak nahi beilüke bere eskola zabalik etxeki.
Jocelyne Dejoux, Hezkuntza nazionaleko ikuskaria :