Aurtenko Xiberoko Gaü Eskolen Barnetegia, üztailaren 30tik, agorrilaren 4ra arte date, eta Mendikotan iraganen da. Aste batez, bost ordüko kurtsoak badirate goizez, arrestitan aldiz, aisaldi edo talierrak badiatekialarik, zointan prefosta, eüskara egaririk datekean. Ohizko parte hartzaletan, Xiberotarren ikastera jiten diren hegoaldeko eüskaldünak badira. Bestalde, Xiberoalat jin kanpotiarrak, gei hebenkoak, zoineri, beren familian ez zaüen eüskara iganarazirik izan. Jakin, Xiberotar, erretretat eta langabeek, prezio apalagoak ükeiten ahal dütüela barnetegirako. Hortarako Gaü Eskolarekin harremanetan sartü behar da, eta jakin ere, barnetegiko izenak, üztailaren 18 gabe eman behar direla. Xehetarzünak Patxi Patalagoiti eta Niko Guiresse Gaü eskolako langilekin :

Alkarbizitza eta kooperazioa düe aurtenko sujeta, eta hori dela eta ikastolako mürrüak tindatzez ürrentü düe eüskal mitologian bermatzez. Ikastolako gela oroek Euskal mitologia lantü düe denbora batez ; pertsonaiak, beren indarrak, istorio edo leiendak eta beste. Ondotik Pette Etxebarria eta Laure Gomez artisten lagüngoarekin lanak obra bilakatu dira. Ximun Uthurralt lankidea erreportaje bat egin deikü :

Argia Kolegioak Collectif souletin alkartearekin batetan, interneten erabilpenaz mahai üngürü bat antolatü dü. Horrentako Charniere deitütako alkartea jinarazi düe, hau internetetaz sensibilizatzera direlarik helbürüa. Internet erabiltzekoan bi arrenküra nausi izaten ahal dira, lehena piratatürik izatea, bigarrena irainak jasaitea edo jazarpena. Hau ez agitzeko ordüan emaiten dütü aholküak Charniere alkarteak. Hala nola interneten ezarten dena oro ez dela sekülan desagertüko ohitarazten dü ikasle eta aitetamer. Eta horrentako bizitza pertsonala ez dela interneten zabaltü behar diote. Hainbat eskoletara ibiltzen beitira, belaunaldi berrier ere bai sensibilatze kanpainak eramaiten dütüe. Internet aisa eskütan hartzen badüe gazteek, ez dira aski mesfidatzen eta horrek ondorio latzak ükeiten ahal lüküe. Orokorrago ere bai, gazteek pantailaren aitzinean sobera egoiten direla diote, eta horrengatik ez direla aski lo egiten. Marvin Bouquet Charniere alkarteko langilea :

Dagün eskola sartzeari so, Ikastolen federazioen kudeazale den Seaskak, 25 bat erakasle postü ments dütüke, eta hezkunde nazionalak ez deio ez eta bat honartü nahi. Beste eskola hanitxetan ez bezala, ikastoletara doan haur heiña emendatüko da dagün urtean ere : %6az., eta errealiate honi bürü egiteko dütüe behar lan postü horik. Azken urte horietan negozieaketen bidez , hezkunde nazionalarakin heltzen baziren hautsi mautsi batetara, oranoko hontan, ez dü üdüri ber bidetik doatzanik, Seaszkak beitio, Estadoak bere hitza jan düala. Ostiral arrats hontan Iparraldeko Ikastola güziak zerratürrik dirateke, eta Baionan bildüko dira, haur erakalsle eta familiak, arrestiko 5 tan. Eric Etxart Eperra ikastolako aita :