- Hezkuntza
- Agerraldiak: 2812
Bixta Ederreko ikasleak irratilari !
Barda entzün düzüe balin bada, Berrogaineko Bixta Eder Laborantxa lizeoko ikasleek emankizün bereziak egin dütüe Xiberoko Botza irratian. Alde batetik, laborantxan instalatzeko xedea düenek, beren proiektüeri lotürik diren etxalte ezbardinen bisitak aurkeztü deizküe eta ondotik, Garapen iraünkorraren astea hasiko baita Apirilaren 1ean, hortaz egin kronika eli bat hontü düe. Bi emankizün horiek arra behatzen ahal dütützüe :
Lehen emankizüna :
Bigerren emankizüna :
Berrogaineko lizeoaren erakaskuntza eskentza hobeki ezagütarazteko, borta zabalak antolatürik dira martxoaren 26an neskenegünarekin. Lizeoan 3 edo 4 gerrenean sartzen ahal da proposatürik diren 4 baxo profezionalen prestatzeko. Ondotik, haütüa bada laborantsa, jenteer zerbütxüa, kabale hazkuntza edo saltzearen baxoaren artean. Horrez gain, nekezian diren ikasleer jarraiki berezia eskentzen zaie. Lizeoak, enpreseetan ere ikastaldi franko proposatzen dütü. Erakaskuntzaz gain, ikasleer aktibitate ezbardinak ere proposatzen dütü. Xehetarzün güzien ükeiteko, 
Hats berri bat Maule-Gaineko eskolarentako. Eskolako arraberritze lanek hiruzpalau urte iraünen düe eta üdan iraganen dira ikasleak ez trabatzeko gisan. Lanen lehen partea, 2011ko üztailan hasiko dira. Barneak oro berritüko dira eta sartze güziak moldatüko dütüe herbaltüak sar ahal ditian trabarik gabe. Lanen lehen parteak 100 000€ kosteko dü. Lanak aipatzen dütügüno, Mauleko Jai-Alaian ere arraberritze lanak eginen dira aurten. Aldagelak kanbiatüko dütüe, argitarzüna hobetüko düe eta sartzetan aterbe bat gehitüko düe, besteak beste.
« Adolezentziako krisa : mitoa ala errealitatea ? » Konferentzia hau, martxoaren 18ean Maulen iraganen da Dominique Lismonde psikologoarekin. Adolezentzia edo nerabetza, memento handi bat da bakotxaren bizian. Zerentako hainbeste kanbiamen behar den haur denboratik gehitüala iragaiteko ? Zerentako iragaite hau hain gogor den ? Kanbiamen horien ondorioak zoin diren ? Zerentako hainbeste sofritze ? Nola egin behar den, ahal bezain hobe edo ez sobera gaixki igaran dadin ? Gei horietaz mintzatüko da Dominique Lismonde psikoterapeuta martxoaren 18ean ostiralean gaüko 20.30 tan Mauleko zerbütxügünean. Mintzaldi hau ait’ama, erakasle, hezitzaile, animazaleentako da, Karkaila-Xiberoak antolatürik.
Bista-Eder eskola bixkor zela Bista alatü deiküe. Barantailaren 11an egin den LARPSen biltzar nausian, 2009 eta 2010 ikasturteko balorazioa baikorra zela erranik izan da. Ikaslen zenbakia ez da kanbiatü, azterketen emaitzen aldetik apaltze ttipi bat izan da, bena frantziako bataz bestea beno hobeak dira % 86.62a lortü beitüe. Berrogaiñe-Lahüntzeko barnategi berria baliatürik da eta Mendikotan baliatzen züen eraikuntzaren nausi dira. Bista-Ederreko Bac pro lehen urteko ikasleak orai artino Irlanda eta Nafarroala joaiten baziren Erreinu-Batuak zerrendan gehitzen dira.