"Xiberoa Herri Alkargoako" osagarri taldeak, Atarratzeko kantonamentüko oraiko bedeziren segidaren segürtatzeko, lanean jarraikitzen düala baieztatü deikü Arnaud Villeneuve, osagarri taldeko haütetsüen ordezkariak. Hartarako, alde batetik bedezigoako ikasketak jarraikitzen düen Xiberotar gazteekin harremanetan sartü da. Helbürüa da, informazioen trükatzeko, jakiteko zer xede düen ondoko urteentako, Xiberoala ützüli nahi düenez eta zoin leitean trabak heben plantatzeko. Bestaldetik, Frantzian agertzen diren bedezien iragarkiak hüllanetik jarraikitzen dütü eta España edo Errumaniako pistak ere ez dütü baztertzen. Oritarazten deizüegü, bedeziren eskasari bürü egiteko, "Xiberoa Herri Alkargoako" osagarri taldeak, Atarratzen osagarri etxe baten eraikitzeko xedea ikertü züala eta azkenean baztertü züala, osagarri sailako profesionalentako ekonomikoki ez zelakoz erakargarri.

Entzün Arnaud Villeneuve "Xiberoa Herri Alkargoako" osagarri taldeko kidea :

"Mündüko Bortüetako Popülüen" alkarteko topaketak eta biltzar nausia igaran dira ostiralean Oloruen. Topaketan 5 kontinentako berrogei bat ordezkari jüntatü da eta parte hartü tailer ezbardinetan. "Lürraldea eta bere baliabideak", "Ekoizpena eta trebetarzüna" edo "Ekintza politikoaren berriz esküratzea" izan dira taileren aipageiak. Biltzar nausiaren aipagei nausia, « Lürraldeak eta baliabideak bortüan » manisfestü xedea izan da. Textoa nazioarteer, gobernüer, leküko podereer züzentzen da. Baliabide natüralen kudeaketa aldarrikatzen da, eta bioainiztarzünaren pribatizazioa salatzen da. Horrez gain, bortü lürraldeetan bürütü nahi düen hainbat mehategi, hurtegi edo turisma saileko xedeak salatzen dira. Manifestüa honartürik izan da eta dagün astelehenean Pariseko UNESCOko ordezkaritzari emanen deioe. Bestalde, aho batez Jean Lassalle depütatüa berriz haütatürik izan da, Mündüko Bortüetako Popülüen alkarteko lehendakari kargüan.

Entzün Jean Lassalle Mündüko Bortüetako alkarteko lehendaria :

H.A.D, Hospitalisation à Domicile edo « Etxen Ospitalizatzea » egitüraren Xiberoko adarrak bere lehen urtebürüa ospatü dü berriki. Bedezi, erizain, psikologo eta gizarte-lagüntzale, egitürak orotara 10 bat langile enplegatzen dü, 15 bat eri artatzeko. Bedeziaren baimena eta jarraikiarekin, ospitalean artatürik izateko partez, eriak artak etxen ükeiten dütü. Ospitalean eskentzen diren ber artak dira, gehitzez familiaren üngürüamenak eriaren xendatzeko ekartzen ahal düan lagüngo morala. Holako zerbütxü baten plantatzea, familia baten ükaiteak aisatzen dü. Bestalde, hala beharrez, ospitaleetan atzamaiten den ber tresneria baliatzen da. H.A.D, Hospitalisation à Domicile edo « Etxen Ospitalizatzea » egitüraren Xiberoko adarra « Clos des Dominicaines » delakoan, hots Belzunce karrikan edireiten da.
Entzün Régis Claverie , "Hospitalisation à domicile"ko ardüradüna :

Azia alkarteak, PIJ edo "Point Info Jeunesse" honespena üken dü eta bere egoitzan Atharratzen estrenatürik izan da neskenegün goizan. 1998an Azia sortü zen gazteentako, bilgüne izateko, informazioen biltzeko eta hedatzeko, gazteen beharren aipatzeko, lagüntza ekarteko edo xedeen eraikitzeko. Hebentik aitzina,  Azia "Réseau d'Information Jeunesse" sarean date. Orai artino egiten düan lana aitzina jarraikiko dü bena sarearen ahalak eta informazioak baliatzen ahalko dütü. Aziako langileak sareko beste langileekin harremanetan dirate. Lanaz, formakuntzaz, ikasketetaz edo ikastaldi egiteko xehetarzün eta lagüntza güziak emanen dütüe. Ber denboran, informazio eta norabide zentro bat izanen da. PIJ edo "Point Info Jeunesse" zabalik da asteartetik ostiraleala. Permanentzia bat etxekiko dü ere bere egoitzan neskenegün goizez eta Mauleko Pitzgarri alkartearen egoitzan asteazken arrestiez oren bakotx eterdietarik 16etara. Gazteetarik hüllantzeko eta bere eskentza berria ezagütarazteko, AZIA gazteen ganara joanen da, kolegio eta lizeo güzietan.

Entzün Maddi Etchecopar AZIA alkarteko lehendakaria :