Gazteek hartzen düen orientazioa eta Xiberoa lürraldeak eskeintzen dütüan lan proposamenak ez beitira beti zentzü berekoak, 2015ean Azia alkarteak “Xiberoan lan eta bizi” egitasmoa bürütüko dü. Lehen ürratsa date, Xiberoa Herri Alkargoa eta Odace alkartearekin partaidetzan ikertzea zoin den Xiberoko enplegüaren merkatüa. Bigarren ürratsean, arloka bilküra püblikoak antolatüko dütü, urtarrilatik maiatza artino enpresa bürüekin sektore bakotxeko egoerarern berri hartzeko. Ondotik xehetarzün güzi horiek bildüko dütüan “Ofizioen gida” sortüko dü eta azkenik Xiberoko ikastetxeen ützülia eginen dü gida horren zabaltzeko. “Xiberoan lan eta bizi” egitasmoaren sortzeko eta eramaiteko “Udalbitza” egitüraren lagüntza üken dü, sei mila euro heinean.
Joana Hoki Aziako presidenta :

Bilküra püblikoak arloka :
 -  Asegürantza, bankoa, imobiliario, komerzio eta küdeaketa arloak urtarrilaren 22an 20etan ostegünarekin Mauleko Ahüzki gelan.
 -  Laborantza, oihana, egürra eta üngürümena arloak, barantailaren 05ean 21etan ostegünarekin Gamereko Aguer ostatüa.
 - Osagarri, sozial, eta jenteer zerbütxüak arloak barantailaren 19an 20.30etan ostegünarekin Mauleko Ahüzki gelan.
- Industria, zientziak, eta teknikak martxoaren 5ean 19etan ostegünarekin Atarratzeko zerbütxü günean.
- Agroalimentario arloa, martxoaren 19an ostegünarekin 19etan Mauleko Ahüzki gelan.
- Eraikuntza eta obra püblikoak arloak apirilaren 2an ostegünarekin 19etan Atarratzeko zerbütxü günean.
- Hostalaritza, turisma, kirolak eta inganioak, apirilaren 16an ostegünarekin 19etan Mauleko Ahüzki gelan.
- Arte, kültüra, eta komünikazioa arloak apirilaren 29an asteazkenarekin 19etan  Atarratzeko zerbütxü günean.
- Beste zerbütxüak, garaioak, logistika, züzenbidea/Justizia, informatika, erakaskuntza, formakuntza, eta beste, maiatzaren 6an asteazkenarekin 19etan, Mauleko Ahüzki gelan.