Abentüaren lehenean, Maulen eginen da kolokio bat, Indication Géographique edo kalitate handiko mozkinaren ezagügarriaz. Frantziako esküalde desbardineko ordezkariek parte hartüko düe eta beren lekükotarzüna ekarriko. Frantzian ekoizten den hamar ekoizpenetan da Mauleko espartiña ; eta hortakoz IG delako markaren ardiesteko galtoa eginik izan da. Kolokioaren helbürüa da, erakustea beharrezkoa dela leküan berean dena ekoiztürik izan dadin. Mauleko espartiña egileekin ezadostarzün bat bada, zeren eta espartiña zola Bengladech-etik jinarrazten beitüe. Kolokioan parte hartüko düe, besteak beste, Bretainako Granit-a, Marseillako saboina, Laguiole-eko Nabela edo ere Ossau Irati sor marka ! Akitania Esküaldea, Maule-Lextarreko Herriko Etxea eta Xiberoa Herri Alkargoa dira antolazaleak. Hitzordüa, Maule Baitha zinegelan abentüaren lehenean arrestiriko 3 etarik 7ak arte !
Michel Etxebest :

Gazteek beren entrepresaren sortzen lagüntzeko egitürako CLEH 6. eta 7.ek biltzar nausia antolatzen düe ostirale hontan Urdiñarbeko Juana Etxeberri-ren ostatüan 7 orenetan. Clej 6.aren bilana eginik date, eta 7.a abiatüko da, jentekal 180 euroko parte hartzearekin, pertsonaka. Bestalde EUSKO euskal moneta presentatürik dateke. Nahiz eta 2013tik hanitx garatü den, Xiberoan ez da hainen zabaltürik. Alta 450.000 Eusko beno haboro ebilten dira esküz eskü. Euskal Monetako kide direlarik 3000 bat jente, 500 entrepresa, 150 alkarte, eta 4 Herriko Etxe. Ondotik 20:30etan, Urdinarbeko gelan, DEMAIN filma ikusgai date, hor mündü osoan jadanik plantan emanik izan diren alternatiba konkretüak agertzen direlarik.
Euskal monetaz puntu bat egiten dugu Xebax Krizti Eusko-aren lehendakariarekilan:

Leküko alternatiba ekonomikoetaz sensibilizazione eta promozione gaüaldia bat antolatü züan Azia alkarteak iragan ostiralean Urdiñarben. Parada horrez baliatü da CLEJ 7az berri emaiteko eta « Euskoa » Eüskal monetaren berriz presentatzeko. Iragan martxoan abiarazirik izan zen 7. CLEJ-a eta jadanik 218 kide dütü. Horiek 39.240€ perestatü dütüe eta lau xede lagüntürik izan dira, 10.500€ren heinean. Urte ondarra gabe beste hiru xede aztertüko dütüe. CLEJ 7ko ardüradünek erran deiküen bezala azkar hasia da 7.CLEJ eta orano zabalik da sos perestazale eta xede eramaileer. « Eusko » Eüskal moneta berriz presentatürik izan da ere gaüaldian eta jakinarazirik izan da dagün 2017ko martxoan Euskoaren karta elektronikoa plazaratüko düela. Hori baino lehen, dagün abentüaren 9an, Maule Baithan, filma baten üngürüan gaüaldi berezi iraganen da berriz Euskoaren promozionearen egiteko.
David Etxekopar :

Xiberoko turisma sasua zinez ontsa igaran da. Nahiz eta zonbakiak oro ez orano bildü, igaran urtean bezala jente hanitx izan da Xiberoan ; bai Pettarran bai eta ere Basabürüan edo Arbaillan. Berritarzünen aldetik, sokaren üngürüko kirolek arrakasta geroago eta haboro badüe, ordüan ondoko urteetan eskentza hori handitüko düe, izan dadin arroila eraiste edo canyoning-a, izan dadin eskalada edo beste. Bizikleta elektrikoek ere arrakasta gero eta haboro bildü behar lükeee, jakitez aurten jadanik Iratin jarri dütüela. Ondoramen aipatze bat egin dügü Jean Otazu Turisma Bülegoko züzendariarekilan: