XÜXENEAN ENTZÜN

Ekonomia - Turismoa

×

Abisua

JUser: :_load: Ezin izan da erabiltzailea kargatu ID honekin: 294

Xarrikota-Peko "Mendixka" ondarkintegi günean lanak hasi berri dira. Auzi bidetako baimen haidürü egon dira Bil ta Garbikoak lanen hasteko. Hots, martxoaren 26an segürtarzün osoz hasi dira, lanen üngürüan ez beita beste ele egiterik izaten ahal. Orai arte bezala jarraikiko düe, lanen aitzinamentüetaz komünikatzen eta Eüskal-Herriko ondarkinak Senpere eta Girondako ondartegietan bildüz 2014ko setemere arte, non esperantxa düen bi ondarkintegien plantan ezartea.

Entzün Alain Iriart Bil ta Garbi Zindikateko lehendakaria : 


Soinüaren telekargatzeko (esküineko klika)

"Geroko Enplegüak" edo «Emplois d’avenir» delakoek ez düe Estadoak esperantxa züan arrakasta. Hortarako, Laneko Züzendaritzako ordezkariak Herri alkargoak bezalako institüzioen ützülüa egiten ari dira, haütetsier xüxenka informazioaren igaranazteko. 2013ko Estadoak 690 "Geroko enplegüak" sorazteko helbürüa dü departamentüan bena mementoko %10a baizik ez dira gaüzatü. "Geroko Enplegüak", egitüra püblikoer eta alkarteer züzentzen dira, diplomarik gabe diren 26 urtez peko gazteentako. Hiru urte iraüten ahal dira eta formakuntza plana eskentü behar zaio gazteari. Estadoak soldata gordinaren %75a bere gain hartzen dü.

Entzün  Jean-Marc Baranthol Xiberoa Herri  Alkargoako ordezkaria : 


Soinüaren telekargatzeko (esküineko klika)
Entzün Jean-Michel Trognon Laneko Züzendaritzako ordezkaria : 

Soinüaren telekargatzeko (esküineko klika)

Zortzi urtez Credit Agricoleko lehendakari izan ondoan, Albert Hastoyek bere leküa utzi deio lehendakari ordariari Juju Erbin Ürrüstoi-Larrabileko aüzapezari. Albert Hastoyek eraman düan lana goraipatü düe administrazaleek. Juju Erbinek bere aldetik, jakinarazi dü orai arte eraman den ber bidea jarraikiko düala. Biltzar nausian Xiberoko lehuak partekatürik izan dira, Azia alkarteari, Arla enpresari, Pier-Pol Berçaitsi, eta Pierre Hardoyi. Lau horik haütatü dütü Administrazio kontseilüak, Xiberoari ekarten deien lanaren eskertzeko. Bestalde, beste bi lehu emanik izan dira, Françoise Sallaberry berriki erretretala joanik den langileari eta Albert Hastoy lehendakari kargüa ützi düanari.

Entzün Albert Hastoy Crédit Agricoleko lehendakari ohia : 


Soinüaren telekargatzeko (esküineko klika)
Entzün Juju Erbin Crédit Agricoleko lehendakari berria : 

Soinüaren telekargatzeko (esküineko klika)
Entzün Crédit Agricoleko bi züzendariak Dominika Epherre Atharratzekoa eta Stéphane Urruty Maulekoa :

Soinüaren telekargatzeko (esküineko klika)

Xiberoko ekonomiaren garatzeko nahikünte azkarra agertzen da Herri Alkargoaren 2013ko aitzinkontüan. Kasik 8 miliu euro funkzionamentüan eta 3 inbeztizamentüan, gastüen %22a ekonomia garapenako ezaririk da. Miliu bat euro "Lantegi Mintegian" eta enpreser alokaidatzeko izanen diren 4 eraikuntzetan ezariko dira. Aldiz, 460 000 euro izanen da, leheneko ISPAC lantegiaren erosteko. Bi lantegi interesatürik agertzen dira eraikin hortan plantatzeko, CAOSO kooperatifa, aragi puxkakatzeko lankia baten egiteko eta beste enpresa bat zoinen izena ez den oranokoan zabaltü behar. Beste xede franko lagüntürik izanen dira, horietan Atharratzen eginen den "Turismoaren Etxea" eta “Ahotik beharriala” turisma sailako informazioaren zabaltzeko sare nümerikoa.

Entzün Mixel Etxebest Xiberoa Herri Alkargoako Ekonomia batzordeko bürüa : 


Soinüaren telekargatzeko (esküineko klika)

Xarrikota-Peko ondarkintegiaren aferan, Paueko Auzitegi Administratiboak, bigerren aldikoz, arrazu eman deio Bil ta Garbi zindikatari. Martxoaren 8an eman den erabakian, ez da honartü Xarrikota-Peko Terre Verteren salhatzea, beraz, ondarkintegiaren eraikitzeko permisa baieztatü dü Auzitegak. Aldi hontan, Bil ta Garbiren ustez, denak ontsa dira eta ontsalas lanek hasi behar lükee ondoko egünetan. Bestalde, informazione sailan, Bil ta Garbik Zindikatak ahal bezain beste xehetarzün eman nahi dü ondarkintegiaz eta zenbaki berde bat plantan ezari dü 0.800.71.88.42. Aldiz, Terre verte alkarteak ez dü mementoko jakinarazi zer eginen düan.

Entzün Dominika Boscq Bil ta Garbi Zindikateko lehendakari ordaria : 


Soinüaren telekargatzeko (esküineko klika)

Ausaz

Kronika

Emankizüna

Artxiboan