Previous Next

Mauleko Elkar enpresa hein/ozke batez goratzen lagüntzeko, Akitania Berria eskualdearen partez lagüngoa üken dü.

Horren nuntik norakoak emaiten deizkü Jean Jacques Carriquiriborde Elkar lankiako 2 nausietarik bata:

Oraikotzeko (modernizatzeko) 149.615 euro, ikerketa ta garapena egiteko 95.344 e, langile berri hartzeko 30.576 e baita 'nümerizatzeko' 23.695 euro.

Previous Next

Jentearen elestots edo mardailla eküarazteko xedearekin, Louis Labadot Mauleko merak Agerria zertan zen arra aipatü nahi üken dü ; eta segürtatu egin ahala egiten züala hotelaren salbatzeko.

Louis Labadot: alkarrizketa osoa-

-llabürtürik:

Alkartearen dagun biltzar nausia azaroaren 27an date.

Ondoko urratsa abentüaren 15an date, merkatal epaitegian. Hor Agerriarentako beste xede iraünkorrik edo ekonomikoki bizigarririk badüenez edo ez erakutsi beharko düe.

1982. urtean, Frantzian, irrati libreak sortzeko baimena eman zelarik, lagün talde bat alkartü zen, Xiberoan eüskaraz ariko zen irrati baten sortzeko xedearekin.
1997an, Xiberoko Botza, Irulegiko Irratia eta Gure Irratia bildüko zütüan Euskal Irratiak federazione bat sortü zen. Geroztik Hendaiako Antxeta irratia ere hüllantü zeien, eta 2018az geroz Amikuzeko Irratia sortü ere.

Xiberoko Botzak leküko aktüalitatea, kirola, ekitaldi kültüral haboroxienak jerraikitzen dütü. 2008tik geroz webgune bat badü ere bai irratiak hainbat aldiz kanbiatürik. Eta biltzen dütüan berriak eseiatzen dütü hedatzen ere sare sozialen bidez. Izan facebook, twitter edo ere youtube kontü bat beitügü.
Xiberoko Botzak, leküko programazione bat xiberotarrez segürtatzen dü. Hortarik kanpo, Eüskal Irratiak federazioneak eskeintzen düan programazioneari lotzen da.
Xiberoko Botza langiletaz gain lagüntzaler esker ari da. Urte osoan hainbat jente, kronika, emankizün, kirol partida komentatze edo beste hainbat lanetan ari da.
Edonorer zabalik da, eta emankizün bat sortü nahi bada, irratiko langileak lagüntzeko prest agertzen dira.
Xiberotarrez ari den irrati bakotxa izatez, kantore funts handia badü Irratiak. Eta eüskara galtzen ari den heinean, Xiberoko Botzak egin ahalak egiten dütü xiberotarraren biziarazteko.
Edozoin proposamener zabalik gira. Irratigintza, kazetalaritza edo teknika ezagütü nahi badüzüe, hüllantzen ahal zide gustüan!