134 haurrekin hasi düe aurtenko ikasturtea Xiberoko ikastolako erakaslek. Sohütako ikastolan lanak abantsü ürrentürik dira eta Alozeko ikastolan hirugerren mailarekin aitzina jarraikitzen düe.
Entzün Ani Aguer Eperra ikastolako züzendaria :
81 ikasle agertü dira Atharratzeko Jauregi kolegioan ikas sartzeko. Fernandez jaun züzendariak erran deikünaz, sartzea normalki iragan dela eta iragan urtearekin konparatüz bi ikasle haboroekin. Orotarat, 81 ikasle dira eta seigerrenean 26ak. Üda hatsarrean erraiten geneizüen bezala, sail elebidüna zabaltürik izan da. 6.enean bi posibilitate üken dütüe ikasleek, eüskara opzione gisan bi orenez astean edo erakaskuntza elebidünean, eüskara 4 orenez astean eta historia geografia ere eüskaraz. 5.ean diren ikasleek eüskararen erakaskuntzaz gei fisika ere ikasiko düe eüskaraz astean oren eta erdi batez.
Entzün Fernandez jauna Atharratzeko Jauregi kolegioko züzendaria :
Akademiako Ikuskaritzako züzendariak jakinarazi dü, dagün setemereko eskolen sartzean, sail elebidüna zabaltüko dela Atarratzeko Jauregui kolegioan. Mementoko, ikasle güti izanik ere, behar diren ahalen ezartea deliberatü dü, sail horren geroan sinesten beitü. Holaz, dagün sartzean 6.koek eüskara 3 orenez eta historia-geografia 3 orenez ikasiko düe astean eta 5.koek eüskara 3 orenez eta fisika oren bat eterdiz astean. Prefosta, Arnaud Villeneuve Atarratzeko aüzapeza botzik agertü zaikü, alde batetik etxekoen haütü bati ihardesten beita eta bestetik, ikusiz eskola püblikoan ikasle güziek elebidünaren haütüa egiten düen, kolegioan jarraikia eskentüko zaie hebentik aitzina.
Entzün Arnaud Villeneuve Atarratzeko aüzapeza eta Kontseilü orokorra :
Aurten ere, ikasle franko hüilantü dira Xiberoko Gaü Eskolak antolatzen düan ikastaldila Mendikotan. Orotarat, 32 ikasle dira lau maila ezbardinetan zatikatürik kursoen jarraikitzeko. Ikasgeietik kanpo, pausüak, kantina eta gaüko animazioneak oro algarrekin igaraiten dütüe, ahal bezain beste xiberotarrez mintzatzeko. Ikastaldi honen berezitarzüna da xiberotarra eüskalkia ikastea. Hartakoz ere, euskaldün alfabetatüak hüilantzen dira beste eüskalki baten ikasteko eta arrestiriko animazionetan Xiberoaren bijitatzeko. Erran behar da, ikasle haboroenak Xiberotarrak baldin badira, aurten Lapurtar, Baxe-Nafartar, Bizkaitar, Bretu, Parisetar eta Bordalesak ere badira.
Entzün ikasleetan den Parisetar bat :
Xiberoko Gaü eskolak plantatzen düan üdako barnetegia, 2012ko agorrilako lehen astean iraganen da Mendikotan. Urteko kursoer gehitze bat ekarten dü honek, goizetik arratseala aste batez, eüskaraz mintzatzeko parada emanik beitzaie ikasleer. Goizez, kurso arruntak dira hartzen, arrestiri eta gaüan aldiz, talierrak zaitze proposatürik, helbürüa delarik mintzajearen erabiltea ikus püntü teorikotik harat. Aste bateko prezioa 250€ lan gabezian direnentzat eta 295€ lana dütenentzat gei 22€ Gaü Eskolen kartarentzat. Hatik, erran behar da Xiberotarrek, Xiberoa Herri Alkargoak ekarten düan lagüntza baliatzen ahal dükeela. Lagüntza honek kosta erdiaz pürü, apalarazten deio ikasleari. Izen emaiteak üztailaren 13a gabe 05. 59.19.18.44an.
Entzün Jef Goihenexpe Xiberoko Gaü eskolako erakaslea :
