Kabale hiltegietaz, depütatüen inkesta abiatzen da aste hontan ; Sylviane Alaux hego lapurdiko depütatüak erran deikü,  Mauleko kabale hiltegiko ardüradünak entzünik dirateala  ondoko astean ,apirila 27an.
Stephane La foll laborantxa ministroak galtegin dü frantziako hiltegi oroetan inkesta eramanik izan dadin eta 30 depütatüekin lan talde bat muntatü da . Sylviane Alaux hego lapurdiko depütatüak parte hartzen dü  lan taldean eta Mauleko hiltegia lehenik entzünik izan dadin galtegin dü.
Depütatüen lan taldearen egin beharrak dira : hiltegien ardüradünekin mintzatzea , xeheki ikustea gaizak nola igaiten diren hiltegietan,tresneria nolakoa den,  langileria nola formatürik den eta beste…
Oharrak eta aholküak emaiten ahal dütü ondotik  depütatüen taldeak ; hatik ez dü podererik edo ahalik erabakitzeko Mauleko edo besten hiltegiaren berriz zabaltzeko , hau prefetaren eskü batzen da.
Sylviane Alaux:

Iragan azarotik , xiberoan , ondarkinen biltzeko sistema berri bat ezari da eta lehen hilabeteen bilanak erakutsi dü arrenkürak balinbadira ere, ondarkinen  behesketari lotü direla xiberotarrak.
 Ondorioz etxetako ondarkinak apaltü dira 100eko 40 ez eta ber denboran Mauleko ondarkintegiaren baliazaileak azkarki emendatü dira.
Xiberoko herri alkargoak  bilketa eta sailkatze berria plantan ezari dü legearen jarraikitzeko , Kasik 2 miliu euro koste dü sistima berriak eta kritika gogorrak üken dütü.
Arrenküra nausietan ; ondarkinak, zonbaitek ekarri behar dütüela 800 metretan diren  ontzietarat , adinatako jenteentako  neke dena.
Herri alkargoak hitzeman dü zerbütxüaren hobetzea eta adinatako jenteentako  lagüntzaleer dei egitea.
Marie Chéreau:

2 estrenaldi izan dira atzo Atharratzen. Libürütegia eta ‘leheneko gazteak’ elkartearen bi salak leküz kanbiatürik izan dira, eta biak arraberritürik ; 7000 euro inbestitü dira hortan.
Trükaketa horren esker, libürütegia handixago da, haurrentako xoko batekin. Azpimarratü behar da adinetakoek dütüela joanarazten libürütegiko permanentziak.
Bestalde, Atharrazeko eta Alozeko adinetakoaen alkarteak jüntatü berri dira, bulegoa arraberritü düe, eta aktibo jarraikitzen düe.
Libürütegiaren permanentziak astelehen goiz, astezken arresti ta neskenegünean egünaldi osoan dira.
1 Arnaud Villeneuve Atharratzeko mera:

Batera mogimendüaren kampana EPCI Euskal Herriko lürralde bakotxaren alde ürrentü da neskenegün hontan.
Euskal herriko lekü ezberdinetan, EPCIaren alde ziren jendeak mobilizatü dütüe beren süstengearen erakusteko Baionan, Ziburun edo orano Xiberoan .
Xiberoan, Oskaxe lepoan dira jüntatü Xiberotar, Baxe Nafartar eta Amikuztar.
200bat jende ziren BAI eder baten osatzeko.
Texto bat erakuri eta, Argazki bat hartürik izan da, ondotik karta postala gija igorrik izanen dena ez bozkatü düen herriko etxeer.
Mementoan, 158 herrietarik 13ek bai erran düe(100 000bizizale ordezkatzen düena), 2ek aldiz ez erran dialarik(370bizizale).
Léonie Aguergaray: