Euskal herriko alkargoaz, herriek,  beren ikus moldea eman düe eta  Xiberoko 36 herrietarik, 27 alde eta 8 kuntre agertü dira. Pettarrean , Mitikile, Bildoze eta Gotaine ; basabürüan aldiz ; Montori, Etxebarre, Ligi, Santa grazi eta Liginaga. 
Bozka hortara heltzeko,  eztabadak eraman dira herriko kuntseiluetan , biltzarre handi bat egin zen Maule baita zinema salan ,non ere herriko kontseilü güziak kümit izan ziren. Hots informazioa banatü ondoan bozka egin da eta gehiengoa nausia alde agertü da aidez.
Liginagan gehiengoa kuntre agertu da: 6kuntre, 4 alde eta xuri bat,  eta Ruben Gomez merak erran deiku zertako kuntre den:

Mediazio edo artekari lan talde bat sortü da Xiberoko Axuria koperatiba eta Xiberoa herri alkarkargoaren arteko krisiari elkibide baten atzamaiteko!
Axuria koperatiba , Mauleko kabale hiltegitik kanporatzeko mehatsü pean da, ez delakoz adostarzünik izan koperatibak  galtegin düan handitze xedearekin .
Afera heinbat mingartü da ere bi parteen artean eta 40 bat jente agertü da, Axuriaren prentsa aitzinekoala ostegün goiz hontan;  horietan , Pepela Mirande,departamentüko kuntselera eta beste 6 mera edo auzapez. Hatik herri alkargoako ordezkariak ez dira agertü.
Zerbütxü beterinarioetako ordezkari batek parte hartü beharra züan bena azken mementoan ez da agertü eta aitortü dü manüa üken züala ez agertzeko .
Kritikak entzün dira herria alkargoa eta hiltegiako züzendariaren egiteko maneraz.
Hots, ,arratekari taldea sortü da ; Pepela Mirande departamentüko kuntselera, Arnaud villeneuve Atarratzeko merak beste haütetsi zonbaitekin, hitzeman düe elkibide baten atzamaiten intseatüko zirela.

Arnaud Villeneuve eta Sylvain Ayphassoro lan taldean parte hartüko düene:

Iragan ürrietaren 6an eküatürik edo atxilotürik, Egoitz Urritikoetxea sartü da Euskalerrira.
Ez dü euskalerrian egoiteko debekürik, bena bere helbidea Parisen izanez, harat joan beharko dü berriz.
Bere arrestatzea aipatzen dilarik, dio, Espainain laster bozkak izanki, atxiloketa interresatü bat baizik ez dela izan espainol gobernüaren ganik, Frantzes estadoaren  lagüntzarekin, eta bere ustez ükenen düan epaiketa, barantaile aldean igaran behar lüke.
Euskalerriko egoera politikaz, berak dio ez dela bake prozesürik abiatü, jakinez, ez Frantzes ez Espainol gobernüek ez dütela oranokoz ürratsik egin.
Egoitz Urrutikoetxea:

Hiru ütürri badütü Xiberoko hur zindikatak gure etxeetan edateko baliatürik direnak. Horietarik bata ühaitza delarik. 2014eko edateko hurraren analisaren bilana elki berri dü ARS (agence régionalde de santé), eskualdeko osagarri egitürak. Hein bat hona izan badira analisa orrokorrak, uhaitzekoak ez hain beste artoan Peztiziden arloan "metholachlore" molekülan bi gainditze izan beitira 2014ko urtean. Moleküla honen heinak ez dü 0.10 mikrograma gainditü behar. Hur litroka 0.10 mikrogramo ordez 0.19 ta 0.11tan urtean bi gainditze izan dira. Neurriak 0.1 ez badüe gainditü behar, osagarri traba lioke 0.5tarik aitzina.
Mauleko herrian edateko hurra, sindikatütik kanpo dena bere emaitzak orano txarrago dütü  0.73 mikrogramotan artino izan beida "methaclore"moleküla bere Irabarneko hur zentroan.  2014ko Arramaiatzeko tenpesta ta uztaileko üholdeen gatik lizateke gainditze horik. Mauleko herriak ez dü arrapostürik eman üken nahi bena gütünez bere herritarrak abisatü dütü düala aste zonbait.
Jean Marc Hastoy eta Philipe Perrot Lagun empresako eta Pierre Suescun xiberoko hur sindikatekoak xeheetarzünak emaiten deizküe: