Politika - Xiberoko Botza

: Politika; 2023 Azaroa 17; Agerraldiak: 971

Mauleko ospitalea salbatürik bena langileriaren doitze batekin ondoko urtetan??

Mauleko ospitalea xüxentze plan batiri bürüz joiten da….
Ospitalearen sos arrenkürak berriz aitzinean ezari dütü Paueko züzendariak.
Ohartaraz dezagün maule berriki berriz paueko ospitaleko züzendarigoarekin lotü dela, urte batez bere ogüz erauntsi ondotik.
ARS osagarri agentziak behar üken dü sos ekarri mauleko ospitaleko lanen pakatzeko.
Ondorioz, mauleko ospitaleak beharko dü plegatü egitüra handiago diren nahiari.
Xüxentze plana urte ondarrean presentatüko da…
Ber denboran xiberoko haütetsiek gogozkatze bat abiatü düe Baionarekin lotzeko mauleko ospitalea.
Mauleko merak hori baztertzen dü, erranez bera dela deliberazale ospitaleko zaintze kuntseilüaren bidez.
Hor zatekino ez zatekiala holakorik errepikatü dü

Vinet jauna paueko ospitaleko zuzendaria eta louis labadot mauleko auzapeza :

: Politika; 2023 Urria 23; Agerraldiak: 1381

Xiberoko bortü güneko azken eskola berritürik izan da !

600 000 euroko inbestizamentüa izan da Larraiñeko eskolarentako.
Neskenegün goizan obren emaitza estreinatürik izan da herritarrer. Haütesiak ere hor ziren honen ospatzeko.

Jean Dominique Iriart Larraiñeko mera :

Haütetsi, aitema, haur eta andereñoarekin ere mintzatü gira :

: Politika; 2023 Urria 16; Agerraldiak: 1261

70 bat jente bildü dira Palestinaren alte

70 bat pertsona bildü dira barda Palestindarren sustengüz Maulen.
Urrüñako elkarretaratzera debekatürik izan bada arrestitan, Mauleko alkarretaratzean 15 bat polizi, haboxienak PSIG ekoak, hüllantü dira manifestalarier erraiteko debekatürik zela herriko etxe aitzinean egoitera.
Manifestalariak ordüan bidearen beste aldean egon dira, banderola bat elki eta alkarretaratzea egin poliziaz üngüratürik.
Oren bat berantago hede xuriak hasi dira jente bakotxaren identitatearen kontrolatzen eta jenteak ordüan joan dira.
Identitate zonbait hartzeaz gain, trakt-en banatzera debekatürik zela jakinarazi düe. Manifestalariekin eztabada zonbait hasi badira, oro lasaiki igaran da.
Bildütako lekükotarzünak :

: Politika; 2023 Urria 18; Agerraldiak: 1457

Sasuko bilan hona xiberoko botingoarentako

Sasuko bilan hona egiten dü xiberoko botingoak, Iratin igaran urteari konparatzez 1700 gaüaldi haboro saldü dütüe. Erran behar da aurten hainbat seminario igaran dira han eta horrek lagüntü dü.
Ohitazteko aurten arrahartü züen Iratiko jatetxea püblikoki kudeatzeko, eta ebalüazione izigarri positiboa egiten düe. Saltegia ere bai ontsa ebili da tona bat gazna beno haboro saldü beitüe.

Aurten ez da arrenküra berezirik izan, igaran urtean idortearengatik hur eraman behar üken züelarik bortüala.
Hortaz gain Eüskal Hirigune alkargoko xede batetan sartzen dira, bizikleta bideen seinalizatzeko, momentüko edonontik igaiten beitira VTTak.
Ohitarazi düe ere gaznategi igikor bat badüela negü hontan libre dena norbaitek gaznatzen eseiatü nahi badü.

Jacques Barreix, Xiberoko botingoako bürüa :

: Politika; 2023 Urria 11; Agerraldiak: 982

Palestinako egoeraz püntü bat

Ez düzüe hüts egin ahal izan, Palestinako Hamas-en beso armatüak ofentsiba bat egin dü Israelen 750 pertsona ehoz eta ehün bat bahitüz.
Arrapostüz Israelek Gazako lürraldealat 1000 bat bomba igorri dütü 580 pertsonaz hilez.
Geroztik atakak ez dira eküratu bi aldetarik eta zibilek düe pakatzen.

Vivi Vissler BDS taldeko kide ohiarekin egoera analisatü dügü :

Bestalde Mauleko herriko etxe aitzinean zen Palestinako bandera elkarazi dü prefetak.
Louis Labadot :

Herrietako berriak

2009 Iraila 17Berriak

Sohüta-Hoki Maiatzaren 22ko berriak Marise Etchegoin Laborde-Laulhé Mixel Etxekoparren bertsetak 2017 02 20 : BasabürüaMaiatzaren 23ko berriakJeannot Etcheto PagolaMaiatz...

Crédit Agricoleren eskerrak Xiberotar zonbaiter

2013 Martxoa 13Ekonomia / Turismoa

Zortzi urtez Credit Agricoleko lehendakari izan ondoan, Albert Hastoyek bere leküa utzi deio lehendakari ordariari Juju Erbin Ürrüstoi-Larrabileko aüzapezari. Albert Hastoyek erama...

2010an Xahakoa pastorala Barkoxen

2009 Urria 17Kultura

Etxahun alkarteak biltzar nagusia egin dü ostiralean (ürrietaren 16) Barkoxen. Lehenik ikasurteko bildüma eginik izan da, bereziki aipatzez iragan negüan Barkoxek egin Maskarada et...

Prefetaren tuberkulosiaren kontreko neurrietaz baikor?

2025 Otsaila 14Laborantxa / Üngüramena

Tuberkülosiari lotürik, 500 bat jente bildü da Irabarnen behien zentzügabeko ehaiteen ekürarazteko. Asteazken arrestitan, prefetak jünta eman zien lürraldeko laborari eta haütetsie...

Aitzina Maulek bere haütagaitza jakinarazi dü 2026eko

2025 Otsaila 13Politika

Mauleko oposizioko abertzale taldea agiantzetaz baliatü da dagün urteko herriko bozketan bere haütagaitza jakinarazteko. Nahiz eta Mauleko finantzak trenpü txarrean izan, plano ber...

Mauleko jendarmeriaren aitzinean bildü dira CGT sindikatekoak.

2025 Otsaila 13Politika

Atzo, mauleko jendarmerialat deitürik izan da Stéphane izeneko CGTko ordezkari bat. Horrentako 100 bat pertsona bildü dira jendarmeria aitzinean CGTak antolatü düan alkarretaratzea...