Jende güti baizik ez da hüllantü Mauleko hiriak antolatü düan bilküra püblikoan. Hor ziren « batzarri » xiberoko elkartea, eta kostaldeko « cimade » elkarteko lau kide, gei Mauleko mera. Püblikoan 10 bat jendek beren galdoak egin dütüe. Azkenean, nahiz eta eztabadak izan diren azken kuntseilüan Maulek honhartü dü alojamentü baten pestatzea familia hori eta dagün astetik goiti Maule gainean egonen da Mazedoniatik den familia hori Mixel Etchebest:

« LIBRE » filmaren üngürüan, zine eztabaida bat antolatürik da gaur Maule Baithan zine gelan Maulen. Migratzaileak Italiatik Frantziala igaitera lagüntzen hasi zen Cédric Herrou. Lagüntzen beitzütüen Frantziako Estatüak ataki züan justizia aldetik. Migratzaileen aldeko güdüka hori, hiru urtez nola eraman düen erakusten deikü filmak. Doküimentala 20:30tan hasiko da, ondotik aktür nausia, hots Cédric Herrou-ekilan mintzatzeko parada badate. Cédric Herrou :

Onize petik abiatürik Maule artino üsatüzko oihiak entzünarazi dira, xiberotarrek ere parte har dezen klima kanbiamenaren gogozkatzean Mauleko merak batzarri egin deie, eta leküko bizi mugimendüko adarrak bere xedeak aipatü dütü Giro honean ondotik mintzaldi bat egin da Mauleko mediatekan Orai besta handian haidürü dira neskenegünean Baionan, bihar arratsean aldiz Ezpeletan eküatüko dira Allande Errezaret bizi xiberoa:

Euskal Herriko Alkargoaren ebilmoldeaz jenteek zer zioten jakin nahiz, BATERA plataformak hamasei bilküra pübliko antolatü dütü Iparralde osoan. Xiberoan biga baziren, bata Atarratzen, eta azkena Maulen. Bilküra horietan, Euskal Herriko Lürralde alkargoaren alde hon eta txarrak xeheki bildü dira. Lan hori eginik, ondoko ürratsa, emaitza horien irakurketaren egitea date. Lan hori, hamar lagünen artean eginen da, non badiratekean, legean aditü direnak, haütetsiak, eta jentarte zibileko partaideak. Hortik elki oharrak, Bateraren bilküra orokor batean aipatüko dira eta, Euskal Alkargoari helaraziko zaitzo. Hantik harat, egingarri den kanbiorik ez bada agertzen, Baterak ez dü baztertzen mobilisazio zabalagoen antolatzea. Bilketa lanaren emaitzak, dagün urte hatsarreko agertü behar lükie. Frantxoa Camus :