XÜXENEAN ENTZÜN

Politika

Eztabaideek alkar mintzatzeko beharra erakusten düe.

Besteekin elestatzeko parada eta ere besteen behatzeko parada eskeini dü iragan ostirale gaüan, Atarratzen soineko holiek antolatü züen eztabaidak, eta hortaz botzik agertü dira harat hüilantü ziren jente haboroxenek. Jente zonbait beren egünoroztako nekezien aipatzeko baliatü dira eta besteak errealitate horren ezagützeko. Kritika haboroxenak, herritar arruntak baita ere leküko haütetsiek eginik, estadoaren egin moldearen salatzeko plazartü dira, orohar haserik beitira horren beste inposaketaz. Aterabideak ez direla gainetik etorriko errainik izan da behin baino gehiagotan, gure egiteko manerak kanbiatü behar dütügüla, bata besteari alkartarzün haboro ükaitez. Soineko holien mogimentüaren geroaz ere hanitx mintzatü da. Edozoin forma hartürik, denak ados ziren erraiteko borroka jarraiki behar düala. Laginagako eta Atarratzeko eztabaida gaüldietarik landa, Maulen dateke hirugerren eta azken eztabaida, dagün martxoaren 8an, ostirale gaüarekin 20etan, zerbütxü güneko Irati salan. Zer ohart etxeki düen gaüaldiaz :


Soineko holien mogimentüaren geroa.nola ikusten :

Basabürüko bi eztabaiden bilana Jean Roland Michau :

Pepela Mirande ez da haboro Garindaineko mera izanen  dagün urtean!

15 miliu euroko büdjeta bozkatü da departamentüko kuntseilüan eta horren erdia joanen da zozial sailealat, bestalde, lehentarzünetan da bortüko laborantxaren süstengatzea eta 4 miliu euro ezarik izanen da sail hortan ! Departamentuko bideetan ere sosa ezariko da hobeki kurritzeko, hala nula xiberoko bidea deitzen den xedeaz estüdio bat egiten ari dela erran deikü Pepela Mirande, departamentüko kuntselerak. Herrietako bozkak urte baten bürüan iraganen dira eta Pepela Mirande ez da berriz presentatüko Garindaineko herrian; 25 urtez mera egonik gazte bati leküa utzi nahi dü. Pepela Mirande

Jaka hoillien bilkura Liginagan

Nola jaka hoillien mogimentüari beste builta bat eman ?Hala zoin izan den eztabadatatürik besteak beste, Liginagan izan den lehen bilküra püblikoan. 20 bat jenteek parte hartü düe eta bakotxak bere ikus moldea eman ahal izan dü ; galto nausietan da eros ahalaren emendatzea eta gogorki salhatü da gobernüaren egiteko manera, salhatü da ere hiri handietako bazterren haustea. Bildüma baikor bat eginik izan da gaualdiaz eta beste bi hitzordü emanik izan dira, martxoaren 1 an Atarratzeko Etxahun salan gauko 8 etan eta Maulen martxoaren 8an.Ruben Gomez


Pierre Vissler

Egoitz Urrutikoetxea

Ator Hollien webgunealat joaiteko http://www.giletsjaunessouletins.com/

Arnaud Villeneuvek bere züzendari kargüa üzten dü

Arnaud Villeneuve Atarratzeko ospitalearen züzendariak bere kargüa üzten dü Atarratzeko meragoarentako ere ez da arrapresentatüko bena bere mandata ürrentüko dü. 2008az geroztik Atarratzeko mera zen eta ber mementoan San Antoni Atarratzeko ospitalearen züzendari kargüa hartü züan Ospitalearen administrazio kuntseilüa bere ordariaren txerkatzena ari da, eta jadanik 50 haütagintza edo kandidatüra badütüe . Arnaud Villeneuve:

Xiberoko atorra horiek ere beren eztabada handia plantatü nahi düe!!

Ikustez frantsese estadoak abiatü düan eztabada mügatürik dela eta ez dela aski zabalik Xiberoan beren ustez, hiru eztabada proposatzen dütüe. Lehena Liginagan, bantaiaren 14an, bigerrena Maulen martxoaren 8an eta azkena Atarratzen martxoaren 1an . Eztabada hori gabe, beren webgünea zabaltü düe herritarrek berek aipatü nahi dütüenak gaüaldi hortan proposa dezen. “gilets jaunes souletins”web günealat hüllantzen ahal zide. Agertü da ere nahia leküko irratiekin lan egiteko eztabada horien hedatzez, eta segürtatzen düe ere xiberotar haütetxien süstengia badüela

Ausaz

Kronika

Emankizüna

Artxiboan