XÜXENEAN ENTZÜN

Politika

Sü ehaile bolondresen estatüsa mehatxatürik !

2018an Departamentüko sü ehaileak sekülan baino helkaldi edo ateraldi haboro egin dütüe. 2017an 35000 egin zütüen, iragan urtean aldiz 41000 iraganik egin dütüe, hori dena ahal berdin ala güttiagoekin. Interbenzione gehienak jenteeri sokorri ekartzeko dira, holako kasü gehienak SMUR edo SAMU bezalako anbulientzia zerbütxüenak direlak. Horrek arrazoak sortzen dütüala sü ehaileen lan antolakuntzan azpimarratü deikü SDIS egütarako Jean Pierre Mirande presidentak, iragan neskenegüneko Mauleko sü ehailen agiantzen karietara. Sü ehaile bolondres estatüsaren üngürüan Europak sortü düan arrenküaz ere mintzatü da, Europako direktiba batek sü ehaile bolondresen ekarpena lan denbora arrunta bezala konsideratzen beitü. Lan kodigoaren eretzean, sü ehaile bolondresek ezin düe, beren aktibitate profezionala eta beren engaiamentü bolondresa betan eramaiten ahal. Departamentüak, 2500 sü ehaile kontatzen dütü 43 zentroetan banatürik, horietarik 1800 bolondres direlarik. Frantzian, sü ehaileek egiten dütüen interbenzione ehüneko 80a bolondresek egiten dütüe. Jean Pierre Mirande :

Sohütako herriak, 2019an bi xede haundi bürütüko dütü.

Hori jakinarazi deikü Christelle Mange aüzapezak, iragan ostiralean agiantzen karietara. Lehen xede haundia, Sohütako karrikaren trebexkatzearen berantolatzea da. Autoen abiadüraren tiipitzea da xede honen helbürü nausia, ebiltarien segürtantxaren hobetzeko. Parada horrez elektrika eta hur sareak lürperatüko dira. Millioi bat euro kosteko dü xedeak eta 500000€ heineko lagüntzak espero dütüe. Lanak barantailan hasiko dira bena lehenik herritarrekin bildüko dira xedearen presentatzeko eta obren denborako desbideratzen aipatzeko. Bigerren xedea da, Hokiko leheneko eskolaren berritzea. Bi alojamentü eta herriko sala bat eginen dira. Aitzinkontüa ez bada oraino osorik finkatürik, lanek 600000€ iraganik kosteko dütüe eta Departamentü, Hiri alkargoa eta Estadotik lagüngoak ükanen dütüela segürtamena üken düe jadanik. Azkenik, Frantzian abiatürik den konsültazionearen karietara, Herriko Etxeak biltzar püblikoak antolatüko dütüela jakinarazi deikü Christelle Mangek eta dagün urtean eginen diren Herriko Bozetan berriz presentatüko den ez düala oraino erabaki erran deikü. Christelle Mange aüzapeza :

Maule Hiriko agiantzetan, 2019ko norabideak finkatü dira.

Mauleko Hiriko Etxeak bere agiantzak egin dütü, eta 2019ko lau xede nausi aipatü. Hiri barneko harat honaka, ospitalea, Agerriako lanak, eta mahasti eremü baten sortzea. Hiriko harat honaka gogoan, sei hilabeteko esprabü bat eginen da, Maulen gainti kurritüko den garaoi bat eskeiniz herritarreri. Ospitalea dela eta, Mixel Etxebest aüzapezak zion, züzendari bat ez denbora osoz izateak, traba egiten düala, Xiberoan osagarri polo sento baten eraikitzeari. Agerriako xedeak, bankoen süstengia badüala erranik izan da ere, eta hoteleko hogei ta sei lo gelak dagün hilabetean zabaltüko direla. Azkenik, mahasti eremü bat sortü nahi da Agerriako lürretan, aurten hektarra bat eterdi, dagün urtean beste hain beste. Helbürüa, ardo xuri ekoizpen baten egitera, Irulegi eta Jurançonen artean.

Mauleko hauteskunde kanpaña abiatürik!!

Dagün hauteskundeak irabazteko xedez, kanpaña jadanik abiatü dü Union Citoyenne kolektiboak. Igan ostiralean bilküra pübliko bat antolatu zien, nun 30bat jente hüllantu zaien. Louis Labadot:

Un berger et deux perchés à l’Elyssée ? filma laster Xiberoan.

Un berger et deux perchés à l’Elyssée ? filma dokümentala Maule Baitha zine gelan hedatüko da neskenegünean, urtarilaren 5ean gaüko 20.30etan. Pierre Carles et Philippe Lespinasse errealizadoren film bat da. Iragan 2017ko Frantziako presidengoako bozketan, Jean Lassalle Biarnes depütatüaren kanpaña jarraiki züen bi errealizadoreek dokümental baten egiteko, eta fite joküan sartürik, haütageiaren konseilariak bilakatü ziren. Sorpresaz beterik hiru jente horien abentüra kondatzen dü filmak bena bereziki haütagei Biarnesaren ilüsio eta desilüsioak. Pierre Carles :

Ausaz

Kronika

Emankizüna

Artxiboan