XÜXENEAN ENTZÜN

Politika

Barkoxeko apezetxea arraberritüko da

50 bat herritaren aitzinean, Jean Marc Baranthol, Barkoxeko merak presentatü dü herriko apezetxe ohiaren arra berritze xedea. 3 egongia, lan partekatüarentako 2 gela eta güne bat alkarteentako ; hala zer den xedea, miliu bat euro koste behar lüke eta pentsatzen düe %60a arte sos lagüngoak bildüko dütüela. Momentüko, 257 000 euro, estatü frantsesaren partea segürtatürik izan zaie, deparatamentüa, eskualdea eta Eüskal Hirigune Alkargoak ere lagüntü behar lükie. Léon Uthürbürü Barkoxtarraren sor leküak bizi berri bat üken behar lüke dagün urtetik goiti. Bestalde, dagün urtean herriko bozkak izanez, Jean Marc Barantholek, ez dü orano erabakirik hartü, 19 urte badü herriko etxean dela, urte ondarrean jakinarazi behar lüke berriz partitzen denez edo ez ! Jean Marc Baranthol aüzapeza :

Eüskal Hirigüne Alkargoa deszentralizatzen hasirik da

Xiberoko adar edo poloan hilabete oroz biltzen jarraikiko düe, hebenko xedeen aitzina jarraikitzeko eta herriekilan lotura etxekitzeko. Bilkurako aipagei nausia EPFL edo Lürren Kudeaketa Püblikoa bermatzen düan egitüra xeheki presentatürik izan da. Horri esker, herri barneak berpizteko xedea bada, hots etxe hütser bizi emaitea. Hortako lürrak espekülazionetik elki, eta ahal güti dütüener parada eman prezio apalago batetan etxearen erosteko. Beste aipageietan, Atarratze eta Mauleko osagarri edo arta etxeak, Mauleko espartin etxea eta sos lagüngoa mota berri bat izan dira. Azken xede hauen berri dagün aldian emanen deizüegü. Jean Pelle Iriart :

Bozka aide Maulen.

Mauleko kuntseilüko bilküra egin da « Union Citoyenne » oposizioko bost kuntseilierik gabe, beste bilküra züelakoz galtegin züen kuntselüko bilküraren gibeltzea, bena ez dira entzünik izan. Aipagei nausietarik bat izan da Irabarneko Jauregia, gora behera franko ükenik, « Ligue de l’Enseignement » izena düan egitürak hartü dü kudeantza. Michel Etxebest-ek, jauregiaren istorikoa egin dü erakusteko berogei ta bost urte horietan, Mauleko herriaren gain dela, obra handiak eginik izan direla eta güne hori beharrezkoa dela taldeen errezebitzeko. Ez ber abiseko agertü da Beinat Elkegaray, oposizioan den abertzaleak uste dü, indar eta ahal handiak ezaririk izan direla Irabarneko jauregian eta Agerria hotelean, beste xedeen kaltetan hala nula urbanismoa eta beste. Hots, bozka aide zen mauleko kuntselüan. Mixel Etxebest :


Beñat Elkegaray :

Manifestaldi neskenegün goizan Mauleko plazan

G7 Denboran Champo lizeoan (Maulen) egin den manifestaldian tratü txarrak salatzen dütüe parte harzaleek. Düala aste bat, 40 bat jende hüllantü zen Champo lizeoan aitzinean kaxolekin herots egiteko eta beren g7 kuntreko kexüaren erakusteko. Bertan han egoiten ziren CRSak kargatü zütüen bortizki, eta hor bildü kolpiak salatü dütüe atzo prentsa ageri baten bidez. Neskenegün goizan horren salatzeko beste manifestaldi bat barrikada maneran antolatüko düe Mauleko plazan Bi manifestaldiko parte harzale:

Hiriko Autobüsa partitü da Maulen

Autobusen lina berria abiatu da Maulen ! Claude Olive, Jean René Etchegaray, Mixel Etxebest edo orano Christelle Manga Sohutako meraren presentziarekin estrena ofiziala egin da. Agian ikusi düzüe ere lina partitü dela 28 minutetarik autobusak Maule eta Sohutako üngürüa egiten beitü. Oranokoan bi urteko entsegü bat da, lüzatüko dena ebilten bada eta hedatüko ere agian beste herri zonbaiter Christelle Mange Sohütako mera:


Francis Etcheberrygaray:

Jean Peie Iriart eta Johane Lapistoy Carricaburu:

Claude Olive:

Ausaz

Kronika

Emankizüna

Artxiboan