Bizi kolektiboa sortü zen klima kanbiamenaren arrenkürak jendarte zabalealat hedatzeko. Xede horrekin, ekintza ezberdinak badütüe eginik bereziki kostaldean, hala nola Miarritzen eta Baionan. Oraikoan, pirripitaz abiatü dira hiru egüneko ibilbide baten egitera. Ostirale goiz hontan 9etan zen abiatzea. Hitz hartze ezberdinak izan dira Herriko Etxe aitzinean ; Francis Poineau, Madouce Araguas eta kontseilüaren izenean Daniel Mainhaguiet elhestatü dira.
Erran bezala, pirripita ützülia klima kanbiamenaz sentsibilizatzeko egiten düe, eta egün bakoitx, gei ezberdinak jorratüko dütüe, ützüliak iraganen dütüan hiru egünetan. Egün, leküko ekoizpenen erosteak düan inportantzia azpimarratü nahi düe.
Entzün Daniel Mainhaguiet Mauleko haütetsiaren hitz hartzearen azken hitzak :

Denek badakikezüe orai ezne ekoizle haboroenak greban sartürik direla, bai Xiberoan eta bai Europa osoan ere. Ekoizleen arabera, goizean bildü eznea lürrealat urtukitzen düe ala dohainik emaiten. Azken bide hori haütatü düe Gotaineko ekoizle batek eta Barkoxeko beste batek. Dena den, eman ala urtuki, segür da delibero bortitza dela ezne ekoizle batentako. Bena beste elkibiderik ez züela dioie laborariek, ikusirik azken denboretan zer prezioetan saltzen zütüen etxeko ekoizpenak.
Azken denboretan, hanitx aipatü dügü APLI alkartea, greba hau hasi züana. Bena bestalde, ELB sindikateko laborariak ere greban dira, eta Mauleko merkatüan agertü dira eznea emaiteko. Erran bezala, bi ekoizle xiberotar baziren, bata Gotainekoa eta bestea Barkoxekoa. 

Gotaineko behi ezne ekoizlea, Madouce Araguas alkarrizketatü dügü. Alkarrizketa entzün :

Estatü frantses osoan, bost sindikatek deitürik (Sud, CGT, CFDT, FO eta CFTC), postako langileak greban dira egün. Beharbada bat edo beste kexatüko da bere postaria edo faktürra ez beitzaio etxerat joanen egün, bena grebalariek azpimarratü nahi düe laster gütiegi izanen direla zerbütxü horren behar bezala betetzeko.
Postarentako iragarririk den estatüto berria pribatüa litzateke, eta larrazken hontan hasiko dira frantses parlamentüan proposamen horren aztertzen. Bena sindikaten erranetan, jadanik sentitzen düe züzendaritzaren politika berria : dioie azken sei hilabeteetan, Frantzia mailan, 7 500 lanpostü desagertü direla postan, eta horren ondorioz baldintzak okertü direla.
Maulen berean, 2 lanpostü galdü dütüe üda hatsarre hontan, alkarrizketatü dügün Doudou Leurgorrik erran deikünaren arabera. Ments diren langileek egiteko zütüen etxeetara joan behar da halere, eta Doudou Leurgorrik adibidez, orai artino Lanbara eta Ainharbe egiten bazütüan, Garindaineko 40 etxe haboro badütü bere turnadan. Eta aski ez balitz, züzendaritzaren partetik presione haboro sentitzen düe Mauleko langileek.
Doudou Leurgorri entzün :

Eskola sartzea berriz ere aipagei dügü, Gamere-Zihigako eskolan, aitetamek üda gabe hasi züen borrokari etxekitzen dioie tinko. Dakizüen bezala, eskolaren zerratzearen berri üken züenez geroztik, ikasleen aitetamek ahal düena egiten düe zabalik egon dadin.
Azken kapitülüa (oraikoz) ostirale hontakoa da, bilküra bat egin beitüe goiz hontan haütetsi hanitxekin. Ligi, Etxebarre eta Altzaiko merak, Xiberoko bi kontseilari orokorrak (Jean Pierra Mirande eta Mixel Arhançet) eta Jean Lassalle hor ziren besteak beste. Eta denek, beren süstengüa erakutsi düe.
Bilküra ondotik Battitta Ager, Gamere-Zihigako mera alkarrizketatü dügü.
Alkarrizketa entzün :

Jakin düe ere laster begistazale (edo inspektür) bat iraganen dela beren eskolatik, eta nolabait, ostiraleko mobilizazioa presioa ezarteko egin düe. Hots, erakusteko ez düela orano ere prestik eskola zerratzera üzteko. Eta lanpostü bat edo eskola zabalik egon dadin beste elkibide bat atzaman artean, jarraiki gei düe haurrak eskolatzen leküan berean, bai aitetamek eman kurtsoekin, bai ete üngürüko errejent elibaten lagüngoarekin.
Eskolako haur baten aita entzün :